Продавец в магазине считает сдачу

Дар Тоҷикистон ба оилаҳои камбизоате, ки кӯдакони хурдсол доранд, кӯмакпулӣ дода мешавад

657
(Таҷдидшуда 16:19 18.06.2020)
Ҳукумати Тоҷикистон ба оилаҳое, ки кӯдакони то 3 сола доранд ва зиндагиашон вазнин арзёбӣ мешавад, кӯмакпулии яквақта пардохт мекунад

ДУШАНБЕ, 18 июн – Sputnik. Дар бораи ин иқдоми ҳукумат Вазорати тандурустӣ ва ҳифзи иҷтимоии аҳолии Тоҷикистон тавассути ширкатҳои мобилӣ ба шаҳрвандони кишвар СМС - паём расонидааст.

Бино ба хабари ироашуда кӯмакпулиҳо якдафъаина буда, танҳо дар моҳи июни соли ҷорӣ вобаста ба мубориза бо бемории COVID -19 ва тақвият бахшидани чораҳои ҳифзи иҷтимоӣ ба оилаҳои камбизоате пардохта мешавад, ки кӯдакони то синни 3 сола доранд.

 “Барои дастрас намудани кумакпулии якдафъаина сарварони оилахои камбизоат бо шаходатномаи кудакони то се сола бояд ба чамоатхои шахраку дехот, идорахои коммуналию манзили ё раисони кумитахои махалла мурочиат намоянд”, омадааст, дар иттилоия.

Як масъули баландмақоми ҳукумати яке аз ноҳияҳои кишвар дар суҳбат ба Sputnik Тоҷикистон дар бораи механизми иҷроиши ин қарори ҳукумати кишварро шарҳ дод

Бино ба гуфти манобеъ ҳаҷми ин кӯмакпулӣ 500 сомонӣ буда, аз ҷониби ҳукумати ҷумҳурӣ ба хонаводаҳое, ки дар ҳамроҳи кӯдакони хурдсол дар шароити фарқ зиндагӣ мекунанд расонида мешавад.

“Рӯйхати оилаҳои камбизоат дар дафтари қайди мақомотҳо дар шаҳру ноҳияҳои кишвар мавҷуд мебошанд. Барои тадбиқ шудани ин қарор ва бархурдор будан аз чунин кӯмакпулии давлатӣ чунин оилаҳо бояд, ки ҳуҷҷати фарзандони то се солаи худро ба ҷоамоат ва ё мақомоти маҳаллӣ зисти худ пешниҳод кунанд”, - гуфт манбаъ.

Раисиҷумҳур Эмомалӣ Раҳмон ахиран дар поёни моҳи декабри соли 2019 дар зимни ироаи паёми хеш ба Маҷлиси Олии кишвар, шумораи аҳолӣ ва сатҳи камбизоатӣ дар Тоҷикистонро шарҳ дод.

Бино ба таъкиди раисиҷумҳур шумораи аҳолии Тоҷикистон дар соли 2019 ба 9, 5 милион нафар расида, дар ин давра, ҳаҷми умумии даромади буҷҷети давлатӣ ба 23 миллиард сомонӣ баробар шуда ва аз ин ҳисоб сатҳи камбизоатӣ дар кишвар то ба ба 27, 5 дарсад поин шудааст.

657
Барчаспҳо:
зиндагӣ, кӯмакпулӣ, камбизоат, кӯдакон, Ҳукумат, Тоҷикистон
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

65
(Таҷдидшуда 15:56 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

65
Барчаспҳо:
суҳбати телефонӣ, Владимир Путин, Эмомалӣ Раҳмон
Новорожденный

Вазорат гуфт, дар Тоҷикистон таваллуд каму фавт зиёд шуд

49
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

49