Кадрҳои навтаъйин дар шаҳрдории Душанбе

Тағйироти кадрии Рустами Эмомалӣ бо розигии Президент: супоришҳо ба тими нав

2986
(Таҷдидшуда 00:46 20.06.2020)
Рустами Эмомалӣ, шаҳрдори Душанбе, бо розигии раисиҷумҳури Тоҷикистон дар ҳайати роҳбарикунандаи пойтахт тағйироти кадрӣ амалӣ намуда, мақомдорони навтаъйинро барои суҳбат ба ҳузур пазируфт

ДУШАНБЕ, 20 июн — Sputnik. Тибқи иттилои котиботи шаҳрдорӣ, бо розигии раисиҷумҳури Тоҷикистон,  Сафаров Шарифхон Нураҳмадович ба мансаби муовини якум, Мусозода Илҳом Хол ва Шарифзода Наргис Достӣ ба мансаби муовинони раиси ноҳияи Исмоили Сомонӣ таъйин гардиданд.

“Ҳаётзода Бозоралӣ Ҷаббор бо сабаби ба кори дигар гузаштан аз мансаби муовини аввал, Сафарбекзода Шарофиддин Сафарбек ва Табарӣ Мавҷуда Ҳабибулло аз мансаби муовинони раиси ноҳияи Исмоили Сомонӣ бинобар ба кори дигар гузаштан озод гардиданд”, - омадааст дар иттилоия.

Шаҳрдорӣ афздуд, ки ҳамзамон Аловиддинов Шодимурод Уроқович ба мансаби муовини якуми раиси ноҳияи Фирдавсӣ, Раҷабов Абдулазиз Ваҳобович ва Шукурова Саодат Нусратуллоевна ба мансаби муовинони раиси ноҳияи Фирдавсӣ таъин гардида, Хушзода Шералӣ Содиқ аз мансаби муовини якум, Маҳмудиён Нозилшоҳ Ҳаким ва Маҳмадзода Назокат Киромиддин аз мансаби муовинони раиси ноҳияи Фирдавсӣ бинобар ба кори дигар гузаштан озод карда шуданд.

Ҳамчунин Қодирзод Руслан Раҷаб, Исматов Исуф Қузратович ва Каримова Ашурбӣ Одинаевна ба мансаби муовинони раиси ноҳияи Сино таъин шуда, Саидмуминзода Аббос, Гулов Зафар Шамсуддинович ва Маҳмуродзода Муҳаррам Бурӣ аз мансаби муовинони раиси ноҳияи Сино бинобар ба кори дигар гузаштан озод гардиданд.

Бо қарорҳои раиси шаҳр Саидмуминзода Аббос ба мансаби сардори Раёсати иқтисод, молия ва ояндабинии дастгоҳи Раиси шаҳри Душанбе, Зуҳурова Зарина ба мансаби сардори Раёсати кор бо занон ва оила, Ҳаётзода Бозоралӣ Ҷаббор директори Корхонаи воҳиди давлатии "Маркази ҷавонон" ва Гулзода Зафар Шамсуддин директори Корхонаи воҳиди давлатии "Баҳодиҳӣ"(нархгузорӣ)-и мақомоти иҷроияи ҳокимияти давлатии шаҳри Душанбе таъйин карда шуданд.

Котиботи шаҳрдорӣ мегӯяд, дар ҷараёни мулоқот раиси шаҳри Душанбе кадрҳои навтаъйиншударо ба хизмати поквиҷдонона ва азму иродаи қавӣ дар иҷрои вазифаҳои давлатӣ даъват кардааст.

Раиси шаҳр таъкид намудаст, ки шарафёб гардидан ба боварии раисиҷумҳури Тоҷикистон, натиҷаи заҳматҳои аҳлона ва содиқона дар ҳокимияти иҷроияи маҳаллаӣ буда, тағйироти кадрӣ ба хотири беҳбудии кори соҳаҳо амалӣ карда мешаванд.

Дар қаторҳои ҳадафҳои гузошта пеши тими нав, баланд бардоштани сифати таълиму тарбия дар муассисаҳо, тақвият бахшидани  корҳои фаҳмондадиҳӣ ва пешгирии гаравидани ҷавонон ба ҳизбу ҳаракатҳои ифротӣ, баланд бардоштани сатҳи касбияти кормандон,  пурзӯр намудани корҳои назоратӣ дар самти сохтмонҳои ғайриқонунӣ ва бе иҷозати дахлдор оғоз кардани корҳои сохтмонӣ, назорати дурусти риояи меъёрҳои меъмориву сохтмонӣ дар ҳама гуна сохтмонҳо сарфи анзар аз мансубият, иҷроиши босифати нақшаи андоз, ҷалби сармояи ватаниву хориҷӣ, роҳ надодан ба амалҳои коррупсионӣ, муомилаи хуб намудан бо кормандон, назорат ва тақвияти корҳои ободониву созандагӣ ба истиқболи 30 солагии истиқлолияти давлатӣ, беҳтар ба роҳ мондани кори низоми билингии хизматрасониҳои коммуналӣ, назорати риояи меъёрҳои беҳдоштӣ дар ҳама гуна нуқтаҳои хизматрасонӣ сарфи назар аз мансубияту тобеият номбар гардиданд.

2986
Барчаспҳо:
иқтисод, Эмомалӣ Раҳмон, Рустами Эмомалӣ, тағйироти кадрӣ, Душанбе, Тоҷикистон
Нож в руке

Ба қафаси синаи бародараш корд зад: боздошти марди 40 сола дар Конибодом

35
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

35
Доллары в конверте, архивное фото

Боздошти афсар барои талаби пора аз бародари сарбоз

135
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

135
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон