Благоустройство набережной канала Дамаши в Ташкенте

Дар Хоруғ дар дарёи Ғунд пули дарозтарин бунёд мешавад

108
Паҳноии кӯпрук 15 метр ва дарозии он 100 метрро ташкил хоҳад дод. Иқтидори борбардории пулро 100 тонна гуфтааст

ДУШАНБЕ, 20 июн — Sputnik. Дар Хоруғ дар дарёи Ғунд пули дарозтарин бунёд мешавад, дар ин бора дафтари матбуоти раиси вилоят хабар додааст.

Гуфта мешавад, раиси Вилояти Мухтори Кӯҳистони Бадахшон Ёдгор Файзов  ба мақсади ҳар чӣ зудтар оғоз бахшидан ба сохтмони пули калонтарин ва дарозтарин дар болои дарёи Ғунд дар маҳаллаи Шарифободи шаҳри Хоруғ аз маҳали иншооти бунёдшаванда боздид намуданд.

"Лоиҳаи пули сохташаванда аз ҷониби бузургтарин ширкати лоиҳакашию купруксозии "Темелсу Интернешнли давлати Туркия" таҳия гардида, бо паҳноии 15 метр ва бо дарозии 100 метр бо иқтидори борбардории 100 тонна сохта хоҳад шуд", - менависад дафтари матбуоти раиси вилоят.

 Ёдгор Файзов  зимни шиносоӣ аз  лоиҳаи пул таъкид кардааст, ки кӯчонидани бинову иншооти зери сохтмон қарордошта бояд, дар доираи талаботи мавҷуда сурат гирифта, маблағи сокинон пардохт карда шаванд.

"Пули мошингузар  бо тарҳи байналмилалӣ сохта шуда, аз 7 сутунпоя ва ду хатти ҳаракати нақлиёт иборат мебошад. Аз ҳарду тарафи ин пул роҳи пиёдагард сохта мешавад", - меафзояд манбаъ. 

Лоиҳаи пули мошингузар аз ҷониби Ҳукумати Ҷумҳурии Тоҷикистон ва маблағгузории Бонки умумиҷаҳонӣ татбиқ гардида, ҷавобгў ба талаботи сатҳи ҷаҳонӣ мебошад. Дар асоси тарҳи мазкур панҷ хона, як мағозаю нуқтаи фурўши сӯзишворӣ ва дигар биноҳое, ки дар зери сохтмони роҳ қарор доранд аз ҷониби мутахассисони соҳа ҳисоб шуда, маблағи ин биноҳо пурра  ҷуброн карда мешаванд.

Дар ноҳияи Роштқалъа пули нави мошингард бунёд гардид

Аз тарҳи ин иншоот бар меояд, ки баъди пайваст шудани ду тарафи соҳил бо дарозии 100 метр ҳамчунин роҳҳои ба пул пайвастшаванда низ таҷдиду навсозӣ ва чароғон карда мешаванд. Мутахассисон изҳор намуданд, ки бо бунёд гардидани ин пул танбашавии нақлиёт дар хиёбони Шириншоҳ Шоҳтемур аз байн меравад.

108
Нож в руке

Ба қафаси синаи бародараш корд зад: боздошти марди 40 сола дар Конибодом

1
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

1
Доллары в конверте, архивное фото

Боздошти афсар барои талаби пора аз бародари сарбоз

90
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

90
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон