Промышленное предприятие Азот, архивное фото

Қатъи созишнома бо Чин: Ҳукумат нархи корхонаи “Азот” ва шартҳои фурӯшро эълон кард

599
Ҳукумати Тоҷикистон барои фурӯши ҶСК “Азот” қарор кардааст. Кумитаи давлатии сармоягузорӣ гуфт, музоядаи фурӯши корхона 30 июли соли 2020 дар шаҳри Душанбе баргузор мешавад

ДУШАНБЕ, 23 июн — Sputnik. Нархи аввалияи корхонаи “Азот” дар шаҳри Леваканд 190 миллион сомонӣ муайян гардид. Тасмими фурӯши корхона баъди он содир шуд, ки қаблан Ҳукумати Тоҷикистон яктарафа созишнома бо ширкати “Хэнан Чжун-Я” дар бораи фаъолсозии корхонаи “Азот”-ро ба далели иҷро нашудани бандҳои созишнома аз ҷониби ширкати чинӣ қатъ кард.

Шартҳои Ҳукумат пеши харидори нав

Ҳукумат пеши харидори нав шартҳо гузошта, онҳоро пешакӣ эълон намуд. Бар асоси эълони мақомоти тоҷик, ғолиби тендер дар сурате ҳуқуқи моликият ба саҳмияҳоро ҷамъиятро соҳиб хоҳад шуд, ки агар асосноккунии техникӣ-иқтисодии таҷдиди корхона дар муҳлати 3 моҳро таҳияю тасдиқ намояд.

“Сармоягузорӣ барои рушд, воридот ва насби технологияҳои муосири соҳаи саноат ва бунёди хати газгузари “Ёвон-Левакант” ба маблағи на камтар аз 400,0 миллион сомонӣ дар муҳлати се сол баъд аз санаи бастани шартномаи хариду фурӯш,  расонидани ҳаҷми умумии даромади ҷамъият ба маблағи на камтар аз 400,0 миллион сомонӣ дар муҳлати се сол баъд аз санаи бастани шартномаи хариду фурӯши бастаи саҳмияҳои ҷамъият,  барқарор намудани ҷойҳои кории доимӣ ба миқдори на кам аз 1100 нафар дар муҳлати се сол баъд аз санаи бастани шартномаи хариду фурӯши бастаи саҳмияҳои ҷамъият ва пардохти қарзҳои кредитории ҷамъият ба маблағи 25,0 миллион сомонӣ дар муҳлати як сол баъд аз санаи бастани шартномаи хариду фурӯши бастаи саҳмияҳои ҷамъият”, - аз шартҳои дигари зикршуда дар иттилоияи Кумитаи давлатии сармоягузорӣ мебошанд.

“Азот” чӣ қадар дороӣ ва чӣ қадар қарз дорад?

Тибқи иттилои Кумитаи сармоягузорӣ ва идораи амволи давлатӣ, дороиҳои ҷамъият ба ҳолати 1 январи соли 2020 маблағи 188 миллиону 603 ҳазоур 199 сомониро ташкил медиҳанд.

“Қарзи умумии кредитории ҷамъият аз рӯи тавозун ба ҳолати 1 январи соли 2020 ба 24 769 772 сомонӣ баробар мебошад, ки аз ин ҳисоб қарзи музди меҳнат 4 981 596,65 сомонӣ, андозҳои давлатӣ 9 878 606,14 сомонӣ, қарзҳо дар назди молрасонҳо ва пудратчиён 2 905 193,69 сомонӣ ва қарзҳо дар назди дигар субъектҳои хоҷагидор 7 004 375,52 сомониро ташкил медиҳанд”, - омадааст дар иттилоия.

Манбаъ афзуд, ки масоҳати умумии қитъаи замини ҷамъият 113 га, масоҳати зери сохтмон 74 319 м2. мебошад.

Дар эълони Кумитаи сармоягузорӣ омадааст, ғолиби тендер иштирокчие дониста мешавад, ки нархи аз ҳама зиёдро пешниҳод менамояд ва ба суратҳисоби фурӯшанда боҷи комиссионӣ дар ҳаҷми 5 фоиз аз нархи фурӯши бастаи саҳмияҳои ҷамъият ва дигар боҷҳои ҳатмии мутобиқи қонунгузории Ҷумҳурии Тоҷикистон муқарраргардидаро пардохт менамояд, ки ба нархи фурӯши бастаи саҳмияҳои ҷамъият дохил намешаванд.

Кумита таъкид намудааст, ки иштирокчиёни тендери байналмилалӣ барои иштирок дар хусусигардонии корхонаи “Азот” маблағи баробар ба 200,0 ҳазор доллари ИМА, бо асъори миллиро бояд пардохт кунанд. Қабули санадҳо то соати 17.00 рӯзи 29 июли соли 2020 давом хоҳад кард.

Гилаи раёсати Хатлон ва ҳушдори Расулзода

Раёсати вилояти Хатлон гила карда буд, ки ширкати чинӣ бояд то баҳори соли 2018 корхонаро фаъол месохт, аммо иҷро накарду ин боиси камбуди нуриҳои минералӣ дар минтақа шуда буд. Масъулини вилоят изҳор дошта буданд, ки соҳибкорони маҳаллӣ нуриҳои минералиро ворид накарданд, чун интизор доштанд, ки корхонаи Азот фаъол мешаваду моли онҳо ба савдо нахоҳад рафт.

Қоҳир Расулзода, сарвазири Тоҷикистон, дар пайи шикояти раёсати Хатлон, ҳушдор дода буд, ки агар ширкати "Хэнан Чжун-Я"-и Чин бори дигар дар фаъолсозии корхонаи "Тоҷик Азот" таъхиркорӣ кунад, созишнома бо он қатъ карда мешавад ва чунин ҳам шуд. Ҳукумат созишнома бо ширкати чиниро соли гузашта қатъ намуд.

Иҷро нашудани супоришҳои Раҳмон ва қатъи созишнома бо Чин

Додгоҳи иқтисодии вилояти Хатлон соли 2014, корхонаи "Тоҷик Азот"-ро, ки 75 фоизи саҳмияҳояш ба Дмитрий Фирташ, сармоягузори украинӣ 20 дарсадаш ба Ҳукумати Тоҷикистон ва 5 дарсадаш ба Хайрулло Саидов, писари соҳибкори маҳкумшуда, Зайд Саидов тааллуқ дошта буд, ба фоидаи давлат мусодира намуда буд. “Тоҷик Азот” он замон ба гуфтаи масъулин ба далели қатъи интиқоли газ аз Ӯзбекистон ба мушкил рӯбарӯ шуда, аз фаъолият бозмонда буд.

Созишнома барои таҷдид ва ба истифода додани корхонаҳои истеҳсоли аммиак ва карбамид дар шаҳри Леваканди вилояти Хатлон дар заминаи Ҷамъияти саҳҳомии кушодаи “Азот”, 3 сентябри соли 2016 байни Ҳукумати Тоҷикистон ва ширкати "Хэнан Чжун-Я гуруҳи холдингӣ"-и Чин баста шуд. Дар назар буд, ки ширкати чинӣ барои ин лоиҳа 360 миллион доллар ҷудо мекунад. Эмомалӣ Раҳмон, раисиҷумҳури Тоҷикистон ба масъулини ширкати чинӣ дастур дода буд, ки корхонаро моҳи феврали соли 2018 мавриди баҳрабардорӣ қарор диҳанд, ки то иҷро нашуд ва боиси қатъи созишнома шуд.

599
Барчаспҳо:
қатъ, фурӯш, созишнома, Тоҷикистон
Мужчина пьет холодный напиток в жару, архивное фото

Ҳаво дар Бадахшон то 30 дараҷа гарм мешавад: пешгӯии дақиқи обуҳаво дар Тоҷикистон

5
Агентии обуҳавошиносии Тоҷикистон дамои ҳаво дар ҷумҳуриро камабру бебориш арзёбӣ мекунад. Дар ғарби ВМКБ то 30 дараҷа гармшавии ҳаво дар назар аст

ДУШАНБЕ, 7 июл — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст, хабар медиҳад агентии "Ховар" бо такя ба маълумоти Ожонси обуҳавошиносӣ.

Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр ва тағирёбанда  мешавад.Ҳаво  дар водиҳо шабона 17+22 ва рӯзона 34+39  дараҷа гарм  мешавад. Дар ноҳияҳои кӯҳӣ ҳаво шабона 6+11  ва рӯзона 23+28 дараҷа гарм мешавад.

Обу ҳаво: имрӯз дар Тоҷикистон то 41дараҷа гарм мешавад

Дар вилояти Хатлон ҳаво камабри бебориш мешавад. Ҳаво дар водиҳо шабона 18+23 ва рӯзона 36+41 дараҷа гарм мешавад. Дар доманакӯҳҳо ҳаво шабона 15+20 ва рӯзона 28+33 дараҷа гарм мешавад.

Дар шаҳру ноҳияҳои тобеи марказ ҳаво камабри бебориш мешавад. Ҳаво  дар водиҳо шабона 14+19 ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 10+15 ва рӯзона 28+33 дараҷа  гарм мешавад.

Дар шаҳри Душанбе ҳаво камабри бебориш мешавад. Ҳаво шабона 16+18 ва рӯзона 36+38 дараҷа гарм мешавад.

5
Барчаспҳо:
пешгӯӣ, гармӣ, Ожонси обуҳавошиносӣ
Нож в руке

Ба қафаси синаи бародараш корд зад: боздошти марди 40 сола дар Конибодом

72
(Таҷдидшуда 11:38 07.07.2020)
Вазорати умури дохилии Тоҷикистон аз боздошти як марди 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

72

Ташрифи ҳайати СҶБ ба Туркманистон, кишваре, ки худро озод аз COVID-19 медонад

0
Ҳайати Созмони ҷаҳонии беҳдошт оилд ба масоили коронавирус рӯзи гузашта вориди Туркманистон гардид Ханс Клюге, раҳбари Дафтари минтақавии СҶТ дар Аврупо дар Твиттераш дар ин бора хабар додааст

ДУШАНБЕ, 7 июл — Sputnik. Ду рӯз пеш Катерине Смоллвуд,  намояндаи Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус Туркманистон мераванд.

Ба иттилои манбаъ, намояндагони СҶБ тули 10 рӯз дар ин кишвар хоҳанд монд.

Гуфта мешавад ин муддат, намояндагони ТУТ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

0