Российской военно-транспортной авиации 89 лет

Даргузашти шоира Гулнисои Ризвоншо

1021
(Таҷдидшуда 16:16 24.06.2020)
Гулнисои Ризвоншо шоираи машҳури бачагонаи Бадахшон, ки бештар ба забони шуғнонӣ эҷод мекард аз олам даргузашт

ДУШАНБЕ, 24 июн — Sputnik. Дар бораи даргузашти шоира ҳамкасбон ва наздикони ӯ дар Facebook хабар додаанд. Гуфта мешавад, ки Гулнисои Ризвоншо дирӯз, 23 июн аз олам чашм пӯшид.

Ато Мирхоҷа муовини раиси Иттифоқи нависандагони Тоҷикистон дар саҳифааш дар Facebook аз Гулнисо чун адиби хушному нависандаи боистеъдод ёд кардааст.

"Аз даргузашти дардноки шоира ва нависандаи соҳибном, муаллифи таронаи машҳури «Хьаб баробар осмӯнанден хъитэрзьен қашқатор» (Ними шаб дар осмонҳо ахтарон саф мекашанд), ҳамқалам ва хоҳари азизам Гулнисои Ризвоншо сахт андӯҳгин шудам", - навиштааст Ато Мирхоҷа.

Ба гуфти ӯ Гулнисо дардҳои зиёде дар ҳаёти кӯтоҳаш таҳаммул кард. Дастикам панҷ маротиба ҷарроҳӣ дид ва ҷарроҳии охиринаш, моҳи декабри соли гузашта, дар ниҳоят ин зани матиниродаро шикаст ва, дина, 23-уми июн, ба коми аҷал тела дод.

Дар муддати панҷ соли охир Гулнисо дар ҳудуди 20 ҳикояву қисса ва шеъру достон барои кӯдакон навиштааст, ки бештарашон чоп шуда, чандтои дигар дар арафаи нашранд. Гулнисо ба забони шуғнонӣ низ аз худ барои кӯдакони ҳамтабораш китобҳои хонданӣ боқӣ гузоштааст, ки бешубҳа, ганҷинаи хазинаи тиллоии адабиёти помиризабонанд.

Даргузашти мулло Абдураҳими Понғозӣ аз коронавирус: масҷид бунёд карду роҳ сохт - навор

"Вақте се-чор сол пеш Гулнисоро ба узвияти Иттифоқи нависандагони Тоҷикистон қабул мекардем, устод Гулрухсор чорҷилдаи «Фолклори Помир»-ро ба даст гирифт ва гуфт: – Ман дар бораи шеъру ҳикояҳои Гулнисо гап намезанам. Танҳо ҳамин кореро, ки дар гирдоварӣ ва ба чоп омода кардани дурдонаҳои адабиёти шифоҳии мардуми Бадахшон кардааст, бас буд, ки ӯро чанд сол пеш ба узвият пазируфта, ҷоиза ҳам медодем", - ба ёд меорад Ато Мирхоҷа.

 

1021
Барчаспҳо:
даргузашт, Шоира, ВМКБ, Тоҷикистон
Доллары в конверте, архивное фото

Боздошти афсар барои талаби пора аз бародари сарбоз

61
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

61
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон
Таджикские сомони и рубли, архивное фото

Уфти якбораи рубл: Бонки миллӣ қурби асъори хориҷиро эълон кард

78
(Таҷдидшуда 09:15 07.07.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Тибқи нишондодҳо дар бонкҳои кишвар рубл тайи ҳафтаи равон аз 4 то наздики 7 сомонӣ поин рафтааст

ДУШАНБЕ, 7 июл — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1431 сомонӣ  ва дар бозори нақд бошад 0.1460 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3092 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6762то 11.9000 сомонӣ арзёбӣ кардааст.

Бар пояи нишондодҳои ахир, арзиши рубл дар бозори асъори кишвар, ки ҳафтаи гузашта каме боло буд, ин ҳафта дар бонкҳои кишвар аз 4 то наздики 7 сомонӣ поин нишон дода шудааст.

Доллар бошад, давоми ҳафтаи равон дар ҳоли суқут қарор дорад, аммо коршиносони умури иқтисод қаблан гуфта буданд, ки ҷаҳиши ин астъор дар моҳи июл шурӯъ хоҳад шуд.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ҷаҳиши боварнакардании доллар дар тобистон: пешгӯии иқтисоддонҳо

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1430 то 0.1475 ва дар “Алифбонк” бошад 1 рубл аз 0,1335 то 0,1490 сомонӣ нишон дода шудааст.

Иқтисодчиён пешбинии дақиқи қурби долларро то тирамоҳ гуфтанд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

78
Барчаспҳо:
поин, евро, доллар, сомонӣ, рубл, қурби асъор, Бонки Миллӣ

Дарёфти қабристони ғайрирасмии муҳоҷирон дар Якутия  

0
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

0