Рогунская ГЭС

Саёҳат дар Тоҷикистон тариқи интернет: тарҳи нав дар кишвар

161
Осорхонаи миллии Тоҷикистон дар сомонаҳои иҷтимоии ҷаҳонӣ «Facebook», «Twitter», «Instagram», «В Контакте» ва «Одноклассники» саҳифаи расмӣ дорад ва тариқи сомонаҳо сайрҳои маҷозиро бо забонҳои тоҷикӣ, русӣ, англисӣ, арабӣ ва хитоӣ гузаронида истодааст

ДУШАНБЕ, 24 июн — Sputnik. Осорхонаи миллии Тоҷикистон бори аввал дар таърихи фаъолияти худ ҷиҳати таблиғу ташвиқ ва муаррифии мероси таърихию фарҳангии халқи тоҷик сайрҳои маҷозӣ ё худ экскурсияҳои вертуалии экспозитсияҳоро роҳандозӣ намудааст.

Сардори шуъбаи илмӣ-методии Осорхонаи миллии Тоҷикистон Алишер Зарипов зикр намуд, ин рӯзҳо ташрифи сайёҳону меҳмонон ба тамошои осорхона хело кам аст ва шахсоне, ки дар хонаҳои худ қарор доранд, метавонанд аз дунёи маҷозӣ истироҳати хуби фарҳангӣ баранд.

Ба зикри номбурда, Осорхонаи миллии Тоҷикистон дар сомонаҳои иҷтимоии ҷаҳонӣ «Facebook», «Twitter», «Instagram», «В Контакте» ва «Одноклассники» саҳифаи расмӣ дорад ва тариқи сомонаҳо сайрҳои маҷозиро бо забонҳои тоҷикӣ, русӣ, англисӣ, арабӣ ва хитоӣ гузаронида истодааст.

Сайрҳои маҷозӣ аслан аз рӯи даврабандии таърихие, ки дар толорҳои экспозитсионии осорхона инъикос ёфтаанд, яъне аз даврони асри санг то замони муосир сурат мегирад.

Дар ин муддати сипаригардида аз ҷониби роҳбаладони Осорхонаи миллии Тоҷикистон зиёда аз 35 экскурсияи вертуалӣ бо забони давлатӣ ва забонҳои хориҷӣ оид ба давраҳои гуногуни таърихӣ, аз ҷумла «Асри санг», «Асри биринҷ», «Саразм», «Оини зардуштӣ», «Империяи Ҳахоманишиҳо», «Хазинаи Амударё», «Юнону Бохтар», «Империяи Кушониён», «Давлатҳои Сосониён ва Ҳайтолиён» ва «Ҷанги Бузурги Ватанӣ» гузаронида шудааст.

Аз рӯи таҳлилҳо дар давоми як ҳафта аз шабакаи иҷтимоии «Facebook» то 4000 нафар шаҳрвандони дохилӣ ва хориҷӣ аз фазои маҷозӣ дидан намудаанд.

Ба гуфти ҳамсуҳбати мо, аксарияти тамошобинони фазои маҷозӣ дар шарҳи наворҳо фикру андешаҳои худро иброз намуда, ин иқдоми наҷибро дар шароити кунунӣ хело зарур ва саривақтӣ меҳисобанд.

Роҳандозии сайрҳои маҷозӣ барои фаъолияти Осорхонаҳои Ҷумҳурии Тоҷикистон нав ва беназир буда, аз рушди бемайлони технологияҳои иттилоотӣ дар мамлакат дарак медиҳад.

Марҳамат ба Хатлон: ҳамоиш ба муносибати рӯзи байналмилалии сайёҳӣ дар Бохтар

Ёдовар мешавем, ки Осорхонаи миллии Тоҷикистон имрӯзҳо фаъолияташро хуб ба роҳ монда, барои боздидкунандагон хизматрасонии сатҳи олӣ ташкил намудааст. Бо таваҷҷуҳ ба пурзур намудани тадбирҳо ҷиҳати пешгирӣ аз паҳншавии бемории сироятии COVID-19 қабл аз вуруд ҳам кормандон ва ҳам боздидкунандагон аз санҷиши ҳароратсанҷ гузашта, дастони худро бо маҳлулҳои антисептикӣ шуста, сипас ба осорхона ворид мешаванд.

161
Молодожены держатся за руки

Бо таъсири COVID -19: бекоркунии ақди никоҳ дар Суғд кам шудааст

9
Масъулони Раёсати сапти ҳолатҳои шаҳрвандӣ дар Суғд, яке аз сабабҳои кам шудани теъдоди бекоршавии ақди никоҳ дар хонаводаро аз хуруҷи бемории коронавирус арзёбӣ мекунанд

ДУШАНБЕ, 14 июл – Sputnik. Лолахон Файззода, сардори Раёсати сабти асноди ҳолатҳои шаҳрвандӣ вилояти Суғд дар посух ба суоли рӯзноманигорон гуфт, дар зарфи шаш моҳи гузашта 2019 мавриди бекоркунии ақди никоҳ сабт шудааст, ки ин рақам дар муқоиса ба ин давраи як соли қабл 221 кам будааст.

“Яке аз сабабҳои асосии камшавии бекоркунии ақди никоҳи оилаҳоро аз хуруҷи бемории COVID – 19 ҳам гуем мешавад, чунки дар ин давра муроҷиат ба бекоркуни ақди никоҳ камтар буд. Аз тарафи дигар мо имрӯз дар шуъбаю бахшҳои сабти асноди ҳолатҳои шаҳрвандӣ дар шаҳру ноҳияҳо, ҷамоатҳо ва маҳаллаҳо оиди ин масъала корбарӣ дорем, ки албатта натиҷаи хуб додаистодааст”,- таъкид намуд Файззода.

Бино ба иттилои ин ниҳод давоми шаш моҳи соли ҷорӣ 7945 ҳолати бастани ақди никоҳ ба қайди давлатӣ гирифта шудааст, ки ин рақам нисбат ба ин давраи соли 2019, 610 ҳолат кам будааст.

Дар ин давра 1922 ҳолати бекоркунии никоҳ ба қайд гирифта шудааст, ки дар муқоиса ба соли 2019, 221 ҳолат кам гуфта мешавад.

Коронавирус таъсир кард: дар Дубай издивоҷ ва талоқ мамнӯъ шуд

Раёсати сабти асноди ҳолати шаҳрвандӣ дар Суғд мегуяд, 1251 ҳолат аз шумори умумии бекоршавии ақди никоҳҳо ба қарори суди шаҳру ноҳияҳо сурат гирифтааст.

9
Сейсмография, архивное фото

Дар Тоҷикистон заминҷунбӣ рух дод

79
(Таҷдидшуда 15:28 14.07.2020)
Маркази заминларза 297 километр дуртар аз самти ҷанубу шарқии Душанбе дар ҳудуди Ҷумҳурии Исломии Афғонистон ҷойгир будааст

ДУШАНБЕ, 14 июл — Sputnik. Имрӯз, соати 12:34 ба вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд, хабар медиҳад АМИТ "Ховар".

Маркази заминларза 297 километр дуртар аз самти ҷанубу шарқии Душанбе дар ҳудуди Ҷумҳурии Исломии Афғонистон ҷойгир будааст.

Заминҷунбӣ дар Тоҷикобод 100 манзилро хароб кард: хисорот ҳисоб шуду кумак баррасӣ мешавад

Ба иттилои маркази зилзиласанҷии Академияи миллии илмҳои Тоҷикистон, қувваи заминларза дар  марказ 3-4 ва дар шаҳри Душанбе 2 балро ташкил дод.

Ёдрас мешавем, ки 4 июл низ дар Ҷумҳурии Тоҷикистон заминларза ба кайд гирифта шуд.

Маркази заминларза 201 километр дуртар аз самти шимолу шарқии Душанбе, дар ҳудуди ноҳияи Тоҷикобод воқеъ буд. Қувваи заминларза дар марказ 5 ва дар шаҳри Душанбе 3 балро ташкил дод.

Ба асари заминҷунбӣ 26 манзили истиқоматӣ қисман зарар дидаанд, 85 хонаи истиқоматӣ ва биноҳои ёрирасони воқеъ дар деҳаҳои Ганишоб, Сафедоб, Дараи Назараки ҷамоати деҳоти Қалъаи Лаби об, Себистон, Ширинчашма, Сари Най ва Полезаки ҷамоати деҳоти Ширинчашма, Нушори ҷамоати деҳоти Нушор, Зарафшон ва Шаҳристони ҷамоати деҳоти ба номи М. Шогадоев каму беш осеб диданд.

79
Барчаспҳо:
такон, марказ, заминҷунбӣ, Тоҷикистон
Руки в наручниках, архивное фото

Боздошти шаҳрванди Тоҷикистон дар Оренбург: 23 сол дар ҷустуҷӯ буд

0
(Таҷдидшуда 15:25 14.07.2020)
Дар вилояти Оренбург ҷинояткоре аз Тоҷикистон боздошт шудааст, ки беш аз 20 сол дар ҷустуҷӯи мақомот қарор дошт

ДУШАНБЕ, 14 июл – Sputnik. Шаҳрванди Тоҷикистон дар Орск ба ҷурми куштор боздошт шуд, хабар медиҳад РВКД дар вилояти Оренбург.

Қайд мешавад, ки шаҳрванди 42-солаи Тоҷикистон барои куштори чанд нафар аз ҷониби ВКД Тоҷикистон дар ҷустуҷӯи байналмилалӣ эълон шудааст.

Ҷинояткор дар паи баргузории корҳои оперативии ҷустуҷӯӣ боздошт шудааст.

Ҳамсарро кушту хушдоманро захмӣ кард: додгоҳи Хатлон ҳукми Рамазони 27 соларо содир намуд

Дар паи санҷиш муълум шуда, ки боздоштшуда соли 1997 дар куштори чанд кас даст доштааст. Ҷинояткор дар давоми 23 сол дар ҷустуҷӯ қарор доштааст.

Шаҳрванди Тоҷикистонро бидуни истифодаи силоҳ дастгир кардаанд.

Ишқи ноком: ҷузъиёти қатли ошиқ ва ҳукми зиндони падари Дилафрӯз

Ӯро ба муддати як сол аз озодӣ маҳрум карда ва ба Тоҷикистон истирдод хоҳанд кард.

0
Барчаспҳо:
боздошт, шаҳрванд, Русия