Беременная женщина, архивное фото

Таваллудхонаи шаҳри Кӯлоб ба рӯи ҳомиладорони гирифтори COVID - 19 баста шуд: куҷо раванд?

572
(Таҷдидшуда 15:08 25.06.2020)
Зоишгоҳи шаҳри Кӯлоб минбаъд ҳомиладороне, ки гирифтори маризии коронавирус мебошанд, қабул намекунад

ДУШАНБЕ, 25  июн — Sputnik. Ҷамолиддин Абдуллозода вазири тандурустии Тоҷикистон дастур додааст, ки минбаъд зоишгоҳи шаҳрии шаҳри Кӯлоб аз қабули занони ҳомила, ки гирифтори вируси COVID - 19 мебошанд, даст кашанд, хабар медиҳад нашрияи Пайк.

Ба иттилои манбаъ, ҳоло дар Дармонгоҳи бемориҳои сироятӣ дар шаҳри Кӯлоб се зани ҳомилаи гирифтори коронаиврус бистарӣ мебошанд, ки пизишкон дар табобати онҳо оҷизӣ мекашанд.

Ба изҳори сардухтури беморхонаи бемориҳои сироятии шаҳри Кӯлоб Абдукарим Шокиров, ба далели набуди мутахассиси гинеколог, табобати ин се мариз бо мушкилӣ ҷараён дорад.

Табибон: дар карантин кӯшиши кӯдакдор шуданро накунед

Зимнан, сардори раёсати тандурустии минтақаи Кӯлоб Садриддин Ғаюров, ки ҳамзамон муовини раиси ситод бар зидди коронавирус аст дар сӯҳбати телефонӣ бо ин нашрия изҳор доштааст, ки  пайи кушодани таваллудхона талош дорад.

Мавсуф инчунин гуфтааст, ки дари таваллудхонаро барои занони ҳомиладори коронавирус барои он бастаанд, ки дар тамоми муддати беморӣ ҳамагӣ ду зани ҳомиладор бо коронавирус бистарӣ шудаанд, ки кам аст.

"Ба андешаи мо, агар як нафар ҳам мебуд кам нест, балки зиёд аст, чунки гап сари насли ояндаи миллат меравад. Ҳатто агар ягон зани ҳомиладор ҳам гирифтори коронавирус намешуд, палатаҳои алоҳида ва муҷаҳҳаз дар таваллудхона бояд омода мебуданд", - афзудаст Ғаюров.

Дар ҳамин ҳол, иҷрокунандаи вазифаи раиси шаҳри Кӯлоб Вализода Абдуқодир, ки ҳамзамон раиси ситоди мубориза бар зидди коронавирус маҳсуб мешавад, ваъда додааст, ки имрӯз назди вазири тандурустӣ даромада қазияро шарҳ медиҳад.

Манбаъ тавзеҳ додааст, ки ҳол дар беморхонаи бемориҳои сироятии шаҳри Кӯлоб 18 нафар гирифторони маризии коронавирус бистарианд ва муолиҷа мегиранд. Аз 18 нафар маризони коронавирус ,3 - тояш занони ҳомила мебошанд.

572
Барчаспҳо:
баста, ҳомила, таваллудхона, Кӯлоб
Новорожденный

Вазорат гуфт, дар Тоҷикистон таваллуд каму фавт зиёд шуд

5
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

5
Пожилая женщина звонит по телефону, архивное фото

Ташкили бюрои ёрии ҳуқуқӣ дар 34 шаҳру навоҳии Тоҷикистон

15
(Таҷдидшуда 15:19 13.07.2020)
Муассисаи давлатии "Маркази ёрии ҳуқуқӣ" дар 34 шаҳру ноҳияҳои таҷрибавӣ дар Тоҷикистон 37 бюро таъсис дод

ДУШАНБЕ, 13 июл — Sputnik. Тибқи иттилои Вазорати адлияи Тоҷикистон, аз тарафи Муассисаи давлатии "Маркази ёрии ҳуқуқӣ" дар 34 шаҳру ноҳияҳои таҷрибавӣ 37 бюро таъсис дода шудааст, ки дар онҳо 39 ҳуқуқшинос фаъолият доранд. 

Дар шаш моҳи  соли 2020 ҳуқуқшиносони бюроҳои давлатии ҳуқуқӣ ба 3 ҳазору 916 шаҳрванд ёрии ҳуқуқии ройгони якумдараҷа расониданд, ки аз ин миқдор 2 264 зан, 1 651 мард ва 146 маъюб мебошанд, хабар додаст "Ховар" аз нишасти матбуотии Вазорати аддлия.

Манбаъ афзуд, дар нишаст ҳамчунин иттилоъ дода шуд, ки дар давраи ҳисоботӣ аз ҷониби ҳуқуқшиносони бюрои давлатии ҳуқуқӣ 52 ҷаласаи сайёр дар мавзӯи муносибатҳои оилавӣ, ҳуқуқ ба мерос, пешгирии зўроварӣ дар оила гузаронида шуданд, ки дар онҳо  1 231 шаҳрванд иштирок кард.

Ҳамзамон  машваратчиёни ҳуқуқии муассиса ба 538 шаҳрванд иттилооти ҳуқуқӣ расониданд ё ба идораю мақомоти дахлдор равона сохтанд.

Таъкид шудааст, ки тайи 6 моҳ ба маркази ҳамоҳангсозии муассиса  898 занги телефонӣ оид ба дархости адвокат барои иштирок кардан дар парвандаҳои ҷиноятӣ ба қайд гирифта шудааст, ки аз ин шумора 892 мард, 46 зан ва 121 ноболиғро ташкил медиҳад.

15
Барчаспҳо:
марказ, таъсис, ёрии ҳуқуқӣ, Тоҷикистон