Премьер-министр Таджикистана Кохир Расулзода

Пешниҳоди арзон кардани шартномаи донишгоҳ ба Расулзода: дастгирӣ кунед, то дастгирӣ кунем

2623
(Таҷдидшуда 17:48 26.06.2020)
Чанд сокини шаҳри Кӯлоб ба раиси Ситоди пешгирӣ ва мубориза бо коронавирус яКчанд пешниҳод ироа карда, хостори коҳиш додани арзиши шартномаи донишгоҳ шудаанд

ДУШАНБЕ, 26 июн — Sputnik. Бисту се нафар сокини шаҳри Кӯлоб дар номае ба раиси Ситоди мубориза бо коронавирус дар Тоҷикистон Қоҳир Расулзода хостори поён бурдани арзиши шартномаи донишгоҳҳои Тоҷикистон дар робита бо бӯҳрони коронавирус шудаанд.

Дар ин бора расонаи маҳаллии СССР гузориш медиҳад.

Ин сокинон волидони донишҷӯёне будаанд, ки фарзандонашон дар донишгоҳҳои Тоҷикистон таҳсил мекунанд.

"Мо як гуруҳ падару модарони донишҷӯён бо назардошти ваъияти карантин дар ҷаҳон ва коҳиш ёфтани даромадҳои иқтисодӣ чӣ ба кишвару чӣ ба ҳаряк  оилаи тоҷик якчанд пешниҳод ба Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ ва  пешгирӣ аз паҳншавии сирояти коронавируси COVID-19 дар Ҷумҳурии Тоҷикистон, ки ба он Сарвазири мамлакат Қоҳир Расулзода сарварӣ менамояд, дорем", -  омадааст дар мактуби онҳо.

 Ҳамин тавр, волидон ба Ҳукумати Тоҷикистон пешниҳод кардаанд, солҳои 2020-2021 ҳаққи пардохти маблағҳои шартномаи донишҷӯёни макотиби олӣ ва мактабҳои миёнаи махсус, ҳама намуди муассисаҳои таълимдиҳанда, ки онҷо тариқи шартнома таҳсил мекунанд, коҳиш дода шавад.

Дар Тоҷикистон ба оилаҳои камбизоате, ки кӯдакони хурдсол доранд, кӯмакпулӣ дода мешавад

"Ба оилаҳои ниёзманд, маъюб, нафақахурон 50% иловапулӣ дар тули 1 соли оянда пардохт гардад; шахсони осебдида аз ин вазъият бояд дастгирии молиявӣ бинанд, нархи фурӯши сару либоси мактабӣ бояд 30-40% арзон карда шавад, нархи доруворӣ бояд қатъиян дар назорати давлат бошад, на соҳибкорон, маблағи ташхиси техникии воситаи нақлиёт низ бояд 50% коҳиш ёбад", - афзудаанд сокинон. 

"Умедворем бо назардошти вазъияти молиявии шаҳрвандони мамлакат, алалхусус сокинони деҳот Ҳукумати ҶТ сари ин масъалаҳо фикр хоҳад кард. Мардумро дастгирӣ кунед, то мардум шуморо дастгирӣ кунад", - омадааст дар анҷоми мактуб.

Ёдрас мешавем, 5 июн раисҷумҳури Тоҷикистон Эмомалӣ Раҳмон дар пайи пандемияи коронавирус фармонеро ба имзо расонид, ки тибқи он ба як гурӯҳ сокинони осебпазири кишвар кӯмакпулӣ расонида мешавад.

"Ба гурӯҳҳои осебпазири аҳолӣ, аз ҷумла ба иштирокчиёни Ҷанги Бузурги Ватании солҳои 1941-1945, шаҳрвандоне, ки нафақаи иҷтимоӣ мегиранд, маъюбон, кӯдакони ятиму бесаробон, оилаҳои камбизоат, оилаҳои бесаробонмондаи муҳоҷирони меҳнатӣ кӯмакпулӣ расонида шавад", - омадааст дар фармони президент.

2623
Военные учения России и Таджикистана

“Ҷанг бо артиши номаръӣ”: гирифтории афсарони сарбозони тоҷик ба “вируси корона”

13
(Таҷдидшуда 14:56 14.07.2020)
Сарпрокуратураи ҳарбии Тоҷикистон мавориди гирифтории афсарону сарбозони тоҷик ба “вируси корона” – ро эътироф кард

ДУШАНБЕ, 14 июл — Sputnik. Икром Зоирзода, муовини прокурори генералӣ ва сарпрокурори ҳарбии Тоҷикистон зимни нишасти матбуотӣ дар ҷамъи хабарнигорон гуфт, пандемияи “вируси корона” ба қисмҳои низомии артиши Тоҷикистон низ расида, иддаеро мубтало кард.

“Мо аз 30 апрел, рӯзе, ки аввалин мавориди гирифторӣ ба “вируси корона” дар кишвар эълон шуд, ба хотири ҷилавгирӣ аз паҳншавии он дар ҷузъу томҳои низомии Тоҷикистон мулоқоти наздикону пайвандон бо ҳайати шахсиро маҳдуд кардем. Ин то ҷое пеши паҳншавиро гирифт. Дар миёни хизматчиёни ҳарбӣ, албатта, ҳолатҳои сироятёбӣ, аз ҷумла миёни афсарон сабт шудааст. Хушбахтона, ҳолати фавт вуҷуд надорад”, - гуфт Икром Зоирзода.

Сарпрокурори ҳарбии Тоҷикистон дар ин маврид рақами мушаххасеро ироа накард, аммо гуфт, ҳамаи маризон дар шифохонаҳои ҳарбӣ таҳти тадовӣ гирифта шуда, то ба ҳол ҳар ҳафта на кам аз ду маротиба қисмҳои ҳарбӣ тамиз карда мешаванд.

Тибқи иттилои вазорати тандурустӣ ва ҳифзи иҷтимоии Тоҷикистон, аз 30 апрел то бегоҳи 13 июли соли равон дар кишвар 6595 мавриди гирифторӣ ба “вируси корона” сабт шуда, аз ин теъдод 5278 нафар ё худ 80% шифо ёфта, 55 нафар ҳам ҷонҳои худро аз даст додаанд.

13
Барчаспҳо:
эътироф, тоҷик, сарбоз, афсарон, Прокуратура, Тоҷикистон
Раиси шаҳри Истаравшан Баҳром Иноятзода

Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

31
(Таҷдидшуда 14:45 14.07.2020)
Имрӯз зимни нишасти матбуотӣ додситони кулли Тоҷикистон таъкид дошт, ки парвандаи собиқ раиси шаҳри Кӯлоб дар ҳолли баррасӣ аст

ДУШАНБЕ, 14 июл – Sputnik. Юсуф Раҳмон, додситони кулли Тоҷикистон, имрӯз дар шаҳри Душанбе  зимни нишасти матбуотӣ таъкид дошт, ки Баҳром Иноятзода, раиси пешини шаҳри Кӯлоб барои ҷиноятҳои марбут ба замин боздошт шудааст.

“Баҳром Иноятзода, собиқ раиси шаҳри Кӯлоб барои дағалона вайрон кардани ҷиноятҳои марбут ба замин ба ҷавобгарӣ кашида шудааст”, - қайд кардааст Юсуф Раҳмон.

Дар ҳамин ҳол, прокурори генералӣ овозаҳои бо дастури Иноятзода ба фурӯш гузошта шудани кумаки башардӯстонаи ба шаҳр воридшуда, аз ҷумла маҳсулоти хӯрокворӣ ва маводи тиббиро рад кард.

Моҳи гузашта нирӯҳои амниятии Тоҷикистон Баҳром Иноятзода, собиқ раиси шаҳри Кӯлобро бо гумони "фасодкорӣ" дастгир карданд.

Рӯзи 8-уми июн Кумитаи давлатии амнияти миллии Тоҷикистон эълон кард, ки маъмуронаш Баҳром Иноятзода, раиси шаҳри Кӯлобро бо иттиҳоми "фасодкорӣ" дастгир карданд.

КДАМ хабар дода буд, ки 27-уми майи соли 2020 ронандаи автомашинаи хизматии Баҳром Иноятзода – Хуррамов Хурсандалӣ Пардаевич ва  3 июни соли 2020 мудири қабулгоҳи Раиси шаҳри Кӯлоб Қурбонов Фирӯз Давлатхоҷаевич бо ҷурми қаллобӣ ба ҳабс гирифта шуданд.

Ба иттилои манбаъ, дар рафти тафтишоти пешакӣ Хуррамов Хурсандалӣ ва Қурбонов Фирӯз нишондод пешниҳод карданд, ки онҳо ин кирдорҳояшонро бо супориши раиси шаҳри содир намудаанд.

"Ҳамчунин, аз сокинони шаҳри Кӯлоб якчанд ариза доир ба амалҳои коррупсионии раиси шаҳр Б. Иноятзода ворид гардид. Ҳангоми санҷиш далелҳои дар аризаҳо овардашудаи ҷабрдидагон тасдиқи худро ёфтанд",- хабар дода буд КДАМ Тоҷикистон.

Ҳамзамон, додситони кулли Тоҷикистон гуфт, дар шаш моҳи аввали соли ҷорӣ 513 парвандаи ҷиноӣ вобаста ба замин ва заминфурушӣ оғоз шуда, садҳо нафар барои қонуншиканӣ ба ҷавобгарӣ кашида шудаанд.

Юсуф Раҳмон, афзуд, 3248 нафар барои қонуншиканӣ ба ҷавобгарии интизомию маъмурӣ кашида шуда ва беш аз 6286 гектар қитъаи замин ба ҳолати аввал баргардонида шудааст. Зарари расида аз ин ҷиноятҳо 1,6 млн сомонӣ барқарор карда шуд.

31
Барчаспҳо:
замин, ҷиноят, баррасӣ, шаҳри Кӯлоб, парванда, додситони кулл, Тоҷикистон