Азиз Одиназода, муовини вазири тандурустӣ ва ҳифзи иҷтимоии аҳолии Тоҷикистон

Бодбурдаҳои "корона": Одиназода вазифаи нав гирифт. Дигарон чӣ?

2834
(Таҷдидшуда 10:54 28.06.2020)
Яке аз муовинони собиқи вазири тандурустӣ, ки аз вазифа барканор шуда буд, вазифаи нав гирифт. Таъиноти нави вазир ва дигар муовинони ӯ маълум нест

ДУШАНБЕ, 27 июн — Sputnik. Азиз Одиназода, собиқ муовини вазири тандурустӣ ва ҳифзи иҷтимоии Тоҷикистон, директори Маркази ҷумҳуриявии илмии хун таъин шудааст.

Маркази матбуоти вазорати тандурустӣ ва ҳифзи иҷтимоии Тоҷикистон ба Sputnik Тоҷикистон дар таъйиди ин хабар гуфт, фармони ӯ аз сӯи вазир Ҷамолиддин Абдуллозода содир шудааст.

Одиназода Азиз Абдусаттор, номзади илмҳои тиб, 5 майи соли 1962 таваллуд шуда, хатмкардаи Донишгоҳи давлатии тиббии Тоҷикистон ба номи Абӯалӣ ибни Сино (1986) бо ихтисоси духтури кӯдакона мебошад. Дар шифохонаҳои шаҳри Кӯлоб ва ноҳияи Мӯъминобод (1986 – 1989) ба ҳайси ҷарроҳ кор кардааст.

Дар Маркази вилоятии хунии шаҳри Кӯлоб муддате мудири шӯъба (1989 – 1993) ва сипас директор (1993 – 2006) будааст.

Ҳолатҳои сироятёбӣ ба коронавирус дар Тоҷикистон якбора афзуд

Аз соли 2004 то 2011 дар вазифаҳои муовини директори Маркази ҷумҳуриявии илмии хун, директори Маркази хуни вилояти Хатлон, сардори Шӯъбаи кадрҳои дастгоҳи марказии вазорати тандурустии Тоҷикистон, муовини сардори Хадамоти назорати давлатии фаъолияти тиббӣ, мушовири вазири тандурустӣ, директори Маркази ҷумҳуриявии илмии саратоншиносӣ кор кардааст.

Солҳои 2011 - 2017 директори Маркази ҷумҳуриявии илмии хун ва аз 23 январи соли 2017 муовини вазири тандурустӣ ва ҳифзи иҷтимоии аҳолии Тоҷикистон таъйин шуд.

15 июни соли равон бо қарори ҳукумати Тоҷикистон ӯ ва дигар муовинони вазири тандурустӣ - Саида Умарзода (муовини якум) ва Мирҳамуддин Камолзода, ки ҳамагӣ моҳҳои январу феврали соли 2017 таъйин шуда буданд, аз вазифа сабукдӯш шуданд.

Ин тағйироти кадрӣ дар пайи буҳрони "вируси корона" ва дар авҷи он – 5 майи соли равон барканор шудани Насимҷон Олимзода аз симати вазири тандурустӣ ва ҳифзи иҷтимоӣ сурат мегирад.

Ҳарчанд вазири собиқ ба далели ба кори дигар гузаштан аз вазифа сабукдӯш шудааст, то ба ҳол таъиноти нави ӯ маълум нест.

Чанде қабл ин овоза дар расонаҳо пахш шуд, ки мавсуф директори Маркази миллии тиббии "Шифобахш", маъруф ба Шифохонаи Қарияи Боло таъин шудааст. Аммо ин овоза ба зудӣ рад шуд. Аз ин ҷамъ алъон Азиз Одиназода танҳо нафарест, ки ҳадди ақал ба вазифаи қаблии худ бармегардад.

2834
Барчаспҳо:
вазифа, тандурустӣ, вазир, муовин
Мавзуҳо:
Пайомадҳои COVID-19 дар Тоҷикистон ва ҷаҳон (609)
Мужчина пьет холодный напиток в жару, архивное фото

Ҳаво дар Бадахшон то 30 дараҷа гарм мешавад: пешгӯии дақиқи обуҳаво дар Тоҷикистон

14
Агентии обуҳавошиносии Тоҷикистон дамои ҳаво дар ҷумҳуриро камабру бебориш арзёбӣ мекунад. Дар ғарби ВМКБ то 30 дараҷа гармшавии ҳаво дар назар аст

ДУШАНБЕ, 7 июл — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст, хабар медиҳад агентии "Ховар" бо такя ба маълумоти Ожонси обуҳавошиносӣ.

Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр ва тағирёбанда  мешавад.Ҳаво  дар водиҳо шабона 17+22 ва рӯзона 34+39  дараҷа гарм  мешавад. Дар ноҳияҳои кӯҳӣ ҳаво шабона 6+11  ва рӯзона 23+28 дараҷа гарм мешавад.

Обу ҳаво: имрӯз дар Тоҷикистон то 41дараҷа гарм мешавад

Дар вилояти Хатлон ҳаво камабри бебориш мешавад. Ҳаво дар водиҳо шабона 18+23 ва рӯзона 36+41 дараҷа гарм мешавад. Дар доманакӯҳҳо ҳаво шабона 15+20 ва рӯзона 28+33 дараҷа гарм мешавад.

Дар шаҳру ноҳияҳои тобеи марказ ҳаво камабри бебориш мешавад. Ҳаво  дар водиҳо шабона 14+19 ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 10+15 ва рӯзона 28+33 дараҷа  гарм мешавад.

Дар шаҳри Душанбе ҳаво камабри бебориш мешавад. Ҳаво шабона 16+18 ва рӯзона 36+38 дараҷа гарм мешавад.

14
Барчаспҳо:
пешгӯӣ, гармӣ, Ожонси обуҳавошиносӣ
Нож в руке

Ба қафаси синаи бародараш корд зад: боздошти марди 40 сола дар Конибодом

76
(Таҷдидшуда 11:38 07.07.2020)
Вазорати умури дохилии Тоҷикистон аз боздошти як марди 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

76

Ташрифи ҳайати СҶБ ба Туркманистон, кишваре, ки худро озод аз COVID-19 медонад

0
(Таҷдидшуда 11:44 07.07.2020)
Ҳайати Созмони ҷаҳонии беҳдошт оилд ба масоили коронавирус рӯзи гузашта вориди Туркманистон гардид Ханс Клюге, раҳбари Дафтари минтақавии СҶТ дар Аврупо дар Твиттераш дар ин бора хабар додааст

ДУШАНБЕ, 7 июл — Sputnik. Ду рӯз пеш Катерине Смоллвуд,  намояндаи Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус Туркманистон мераванд.

Ба иттилои манбаъ, намояндагони СҶБ тули 10 рӯз дар ин кишвар хоҳанд монд.

Гуфта мешавад ин муддат, намояндагони ТУТ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

СҶБ ба ваксинаи Русия алайҳи коронавирус эътимод дорад ва пешниҳоди ҳамкорӣ намуд

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст. 

 

 

0