Нигина Амонкулова

Насиҳати Амонқулова ба мардум: ӯ гуфт бузургтарин иштибоҳ дар зиндагӣ кадом аст

4343
(Таҷдидшуда 14:59 28.06.2020)
Нигина Амонқулова сарояндаи машҳури эстрадаи тоҷик ба ҳамвандони худ дар Instagram маслиҳад додааст, ки чӣ гуна бояд ҳар дақиқаи умри худро сипарӣ кунанд

ДУШАНБЕ, 28 июн — Sputnik. Сарояндаи шӯҳратёри Тоҷикистон Нигина Амонқулова дар саҳифааш дар Instagram акси ҷадид нашр карда, дар ҳзери он шарҳи насиҳатомез навиштааст.

Ӯ ба ҳамвандонаш маслиҳат додааст, ки ҳар дақиқаи умри худро ғанимат донанд ва ҳар як лаҳзаро ба фоида худ гузаронанд.

"Интизор нашавед, кай донишгоҳро хатм мекунеду кай фарзанддор мешавед. Бас ҳаст интизории кор, арӯсӣ ва ҷудошавӣ, бознишастагӣ, шом ва рӯзи ҷумъа, хариди хонаи нав ё мошини ҷадид. Гузашти фаслҳои сол - тобистон, тирамоҳ, зимистон ва баҳорро интизор нашавед, дақиқаҳои хушбахтӣ бебаҳоянд", - навиштааст сароянда.

Дар идома Нигина Амонқулова таъкид кардааст, ки инсон набояд танҳо ба хотири ба даст овардани маблағ кор кунад ва ҳамвандонашро аз "иштибоҳи бузургтарин" дар зиндагӣ, огоҳ кардааст.

Посмотреть эту публикацию в Instagram

​Не ждите, когда закончите институт, когда родятся дети. Хватит ждать, когда начнете работать, когда уйдете на пенсию, когда женитесь, разведетесь. не ждите вечера пятницы, утра воскресенья, покупки новой машины, новой квартиры. не ждите весны, лета, осени, зимы. минуты счастья—драгоценны, это не конечный пункт путешествия, а само путешествие. работайте—не только ради денег, любите—не в ожидании расставаний. танцуйте—не обращая внимания на взгляды. самая ужасная ошибка, которую вы можете совершить—это всю жизнь гнаться за целями, не замечая как мимо вас пробегает ваша жизнь. чтобы сделать в мире что-нибудь достойное, нельзя стоять на берегу, дрожа и думая о холодной воде и опасностях, подстерегающих пловцов. надо прыгать в воду и выплывать как получится. #живитездесьисейчас #любовь

Публикация от Nigina Amonqulova (@nigina_amonqulova)

"Натанҳо ба хотири дарёфти пул кор кунед, на ба хотири ҷудошавӣ дӯст доред, рақс кунед ва ба ҳеҷ кас аҳамият надиҳед, аз ҳама иштибоҳи бузурге, ки шумо мекунед - ин тамоми умр аз паси мақсад рафтан ва гузашти замонро сарфи назар кардан аст", - навиштааст Нигина ва афзудааст, барои анҷоми кори боарзиш, набояд дар соҳил истод, балки дохили об шуд ва ба қадри тавоноӣ шино кард.

4343
Барчаспҳо:
насиҳат, сароянда, Нигина Амонқулова
Заправочная колонка на автозаправочной станции

Чаро нархи газ дар Тоҷикистон рӯз ба рӯз боло меравад?

83
(Таҷдидшуда 14:43 11.07.2020)
Арзиши гази моеъ умдатарин маводи ҳаракатдиҳандаи воситаи нақлиёт дар Тоҷикистон ба 4 сомонӣ дакка хурдааст, ки ин назар ба як моҳи пеш 45 % баланд гуфта мешавад

ДУШАНБЕ, 11 июл – Sputnik. Тайи як ҳафтаи охир қимати фурӯши гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон то ба 4 сомонӣ баробар шудааст. Масъулони нуқтаҳои фурӯши сӯзишворӣ, 50 дарсад гарон шудани нархи газро дақиқан шарҳ намедиҳанд.

Як фурӯшандаи нуқтаи сӯзишворӣ дар ҳудуди ноҳияи Варзоб гуфт, сабаби баланд рафтани нархи газро дақиқан шарҳ дода наметавонад.

"Мо коргари оддӣ ҳастем. Ҳисобу китоби хариди фурӯш дар ихтиёри роҳбарият аст, чи хел нархро муқаррар кунанд, мо аз рӯи ҳамон ба фурӯш мегузорем", -  гуфт ҳамсуҳбати мо.

Корманди як таъмингоҳи маводи сӯзишворӣ дар ноҳияи ба номи Ҷаббор Расулов дар вилояти Суғд таъкид намуд, ки болоравии нархи газ ба ҳаҷми воридоти он вобаста аст.

Ин ҳамсуҳбати мо гуфт, ки ворид намудани газ ба Тоҷикистон кам шуда ва аз ҳамин лиҳоз нархи он баланд рафтааст.

Аммо Усмон Раҳматов, коршиноси умури иқтисодӣ мегӯяд, баланд бардоштани нархи газ дар рӯзҳои охир, ба афзоиши гаштугузори мошинҳо дар роҳу ҷодаҳои Тоҷикистон пас аз замони хатми қарантинаи хонагӣ аст.

Чаро дар нархи нафту газ мувозинат дида намешавад

"Агар нархи навъҳои дигари сӯзишворӣ масъалан бензин ва дизел ҳам дар баробари газ то 50 % боло мерафтанд, гуфтан мумкин буд, ҳаҷми воридоти маводи сӯхт дар Тоҷикистон кам шуда, ин ба болоравии нарх бетаъсир намондааст. Аммо тавре мебинед, танҳо газ боло рафтааст. Ин аз он сабаб, ки ҳоло бештари воситаҳои нақлиёт дар Тоҷикистон бо газ ҳаракат мекунанд", - афзуд коршинос.

Тибқи мушоҳидаҳо ҳоло қимати 1 литр гази моеъ ба 3, 9 то 4 ва дар баъзе ҷойҳо 4, 2 сомонӣ расидааст. Ин дар ҳолест, ки дар моҳҳои май ва июн, арзиши он аз 2, 5 то ба 2, 8 сомонӣ фурӯхта мешуд.

Ронандаҳои таксӣ дар Тоҷикистон мегӯянд, болоравии нархи газ дар замони хуруҷи пандемияи COVID-19 ба ҷайби сокинон таъсир мерасонад.

"Ҳоло барои як нуқтаи сафар 10 сомонӣ муқаррар шуда буд, аз сабаби қимат шудани нархи газ, ҳеҷ ронанда бо ин нарх мусофир намекашонад. Зеро нархи хизматрасонӣ, хароҷоти хариди сӯзишвориро намебарорад", - гуфт як ронандаи таксӣ.

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст.

"Фароз”, "Газпром", "Газойл", "Роҳи Сомон" аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

83
Барчаспҳо:
қиматшавӣ, газ, нарх, Тоҷикистон
Ҷаласаи Ҳукумати Тоҷикистон

Қарори Ҳукумат: 400 сомонӣ кумакпулӣ ба кӣ ва кай пардохта мешавад

322
Эмомалӣ Раҳмон, раисиҷумҳури Тоҷикистон имрӯз барои иҷрои фармонаш дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Тоҷикистон қарори Ҳукуматро имзо кардааст

ДУШАНБЕ, 11 июл — Sputnik. Ҳукумати Тоҷикистон қарор кардааст, ки гурӯҳҳои осебпазири аҳолии ҷумҳурӣ тасдиқ карда шаванд ва ба шахсоне, ки ба гурӯҳҳои осебпазири мазкур дохил мешаванд, ба андозаи музди меҳнати ҳадди ақал кумаки яквақта расонида шавад. Маоши ҳадди ақал дар Тоҷикистон 400 сомонӣ мебошад.

Мақомоти марказӣ муваззаф шудаанд, ки якҷо бо мақомоти иҷроияи маҳаллии ҳокимияти давлатӣ то 1 августи соли 2020 рӯйхати шахсонеро, ки ба гурӯҳҳои осебпазири аҳолӣ ворид гардидаанд, бо нишон додани насаб, ном, номи падар (дар ҳолати будан) ва ҷойи истиқомат тартиб дода, ба Вазорати молияи Ҷумҳурии Тоҷикистон ва Бонки давлатии амонатгузории Ҷумҳурии Тоҷикистон "Амонатбонк" пешниҳод намоянд.

Вазорати молия дастур гирифтаст, ки барои пардохти кумакпулӣ маблағ ҷудо намояду "Амонатбонк" интиқоли саривақтии маблағҳоро ба кортҳои бонкӣ ва ба шахсоне, ки дар рӯзи гирифтани кумакпулии яквақта кортҳои пардохтии бонкӣ надоранд, тариқи нақдӣ таъмин намояд.

Палатаи ҳисоби Ҷумҳурии Тоҷикистон дастур гирифтааст, ки аудити истифодаи мақсадноки маблағҳои ҷудошударо гузаронида, аз натиҷаи он ба Ҳукумати Ҷумҳурии Тоҷикистон маълумоти дахлдор пешниҳод намояд.

322
Барчаспҳо:
Ҳукумат, қарор, Тоҷикистон
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

0
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

0
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон