Террористы в Афганистане. Архивное фото

Вакили парлумон гуфт чӣ гуна метавон бар зидди терроризм мубориза бурд

223
(Таҷдидшуда 16:26 28.06.2020)
Терроризм ба ҷомеаи инсонӣ дар баробари таҳмили фишору ҳамлаҳои психологӣ, инчунин, зарари молию ҷонию маънавиро ба сар меорад

ДУШАНБЕ, 28 июн — Sputnik. Парвина Маликзод, вакили Маҷлиси намояндагони Маҷлиси Олии Ҷумҳурии Тоҷикистон, дар як мақолаи худ, ки ахиран дар сомонаи парлумон ба нашр расидааст, қайд кардааст,  терроризм хушунату нобоварӣ ва бадбиниро миёни кишварҳо ва гурӯҳҳои иҷтимоию миллӣ ба миён оварда, барои бартараф намудани оқибатҳои он заҳмату зиндагии як насл камӣ хоҳад кард.

Ба гуфтаи вакили парлумон, воқеаҳои сиёсии солҳои охир нишон додааст, ки камогоҳӣ, сатҳи нокифояи дониш, аз моҳияту рафти ҷангҳои иттилоотӣ бохабар набудани мардум, метавонад ба вусъатёбии ақидаҳои ифротӣ табдил ёфта, ҳамзамон ба амнияти давлат ва сохти конститутсионии он хатар эъҷод кунад.

Терроризм ва экстремизм дар Тоҷикистон чист? Шарҳи полковник Бухоризода

“Ба ин хотир, мо вакилони мардуми вазифадорем, ки ба интихобкунандагони худ пайваста аз воқеаҳои номатлуб ва хатарҳои терроризм вохӯриҳо гузаронида, онҳоро ҳар чӣ бештар огоҳ намоем”, - гуфт вакили парлумон.

Вай инчунин зикр кард, ки ҷаҳони муосир имрӯз дар муқобили терроризм қарор дорад. 

“Онҳое, ки фирефтаи садои воизони маъруф буданд ва таҳти тарбияи эшон таълим гирифтаву барои идома додани дониши динии худ ба кишварҳои араб рафтанд, чӣ натиҷае ба даст оварданд, мисол шуда метавонанд. Бахусус, аз солҳои аввали истиқлолият то чанд соли охир як қатор ҳамдиёрони мо дар кишварҳои Покистону Эрон, Миср, Арабистони Саудӣ, Яман, Сурия ва дигар ҷумҳуриҳои арабӣ донишгоҳҳои диниро хатм намуда, ба гурӯҳҳои барои ҷомеа хатарзо пайвастанд”, - таъкид дошт Парвина Маликзод.

Вай илова кард, ки дар марказҳои таълимии хориҷӣ дар баробари таълимоти динӣ, ба ҷавонон методҳои муносибат бо моддаҳои тарканда, истифодаи намудҳои гуногуни силоҳ низ омӯхта мешуданд.

“Ин оқибат ба он оварда расонид, ки дастаҳои алоҳидае зуҳур карданд, ки бо баҳонаи таҳсил ҷавонони бесаводро баҳри гирифтани таълимоти террористӣ ба давлатҳои хориҷӣ равон менамоянд”.

Вакил афзудааст, ки ин раванд танҳо барои истифода ва бадном намудани ислому бандагони бехирад аст.

223
Барчаспҳо:
мубориза, терроризм, ҳамла, парлумон, вакил, Тоҷикистон
Эмомалӣ Раҳмон, раисҷумҳури Тоҷикистон дар оғози маҷлиси васеи Ҳукумати кишвар

Сабукии Ҳукумат ба созандаи "Rudaki Tower"-и 24-ошёна дар Душанбе-акс

441
(Таҷдидшуда 20:39 15.01.2021)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат ширкатеро, ки дар маркази Душанбе меҳмонхонаи панҷситорадори 24-ошёна месозад, аз пардохти боҷу андоз озод кард

ДУШАНБЕ, 15 янв — Sputnik. Раҳмон бо имзои қарори Ҳукумат, ширкати “Себистон – 2018”-ро аз пардохти андоз аз арзиши иловашуда ва боҷи гумрукӣ зимни воридоти молу масолеҳи зарурӣ барои бунёди меҳмонхона озод кард.

Ҳукумат феҳрасти масолеҳу таҷҳизотро тасдиқ карда, Хадамоти гумрукро муваззаф намудааст, ки расмиёти заруриро саривақт анҷом диҳад.

Сохтмони меҳмонхонаи замонавии “Grand Rudaki Tower”дар хиёбони Рӯдакии ноҳияи Исмоили Сомонӣ моҳи сентябри соли 2019 оғоз шуда буд.

Ба иттилои котиботи раисиҷумҳури Тоҷикистон, “Grand Rudaki Tower” як Маҷмааи баландошёнаи бисёрфунксионалӣ хоҳад буд, ки аз меҳмонхонаи панҷситорадори 24-ошёна ва ду адад апартаментҳои қароргоҳии 18-ошёна иборат мебошад.

Современный Душанбе
© Официальная страница пресс-службы президента РТ в Facebook
Современный Душанбе

 “Худи бинои меҳмонхонаи панҷситорадор аз 24 ошёна иборат буда, ҳамчунин ду бинои 18-ошёнаи дигари апартаментҳои резиденсӣ низ дар шафати он бунёд хоҳад ёфт”, - таъкид намуда буд котиботи раисиҷумҳур.

Манбаъ афзуд, иншооти мазкур аз ҷониби ҶДММ “Себистон-2018” бунёд ёфта, он дорои 141 ҳуҷра хоҳад буд ва имконияти қабули меҳмонони сатҳи олиро хоҳад дошт.

441
Цех на предприятия и ООО «Вахдат Текстиль»

COVID-19 ё дигар омилҳо? 50 % корхонаҳои Хуҷанд соли 2020 кам маҳсулот истеҳсол кардаанд

24
(Таҷдидшуда 19:08 15.01.2021)
Масъулини ҳукумати шаҳри Хуҷанд бо баргузории як ҷаласа, нишондиҳандаҳои иқтисодию иҷтимоии давоми соли 2020 ҳосилшударо мавриди таҳлил ва баррасӣ қарор доданд

ДУШАНБЕ, 15 янв – Sputnik. Дар ҷараёни баргузории ҷаласа иттилоъ дода шуд, ки соли 2020 дар шаҳри Хуҷанд 17 корхонаи саноатӣ бо таъсис додани 425 ҷойи корӣ ба фаъолият шурӯъ намудааст.

Дар ҳамин ҳол шумори корхонаҳои хурду бузурги саноатӣ дар ин шаҳри маркази Суғд ба 169 адад баробар шуда, бо вуҷуди таъсири омилҳои манфии ҷойдошта ба андозаи 1 миллиарду 492, 8 миллион сомонӣ маҳсулот истеҳсол кардаанд, ки ин рақам нисбат ба ҳамин давраи соли 2019 дар ҳаҷми 15, 2 дарсад афзудааст.

Фирӯза Нуруллозода, муовини раиси шаҳри Хуҷанд бо зикри ин иттилоъ гуфт, бо вуҷуди нишондодҳои хуби оморӣ, ҳамоно камбудиҳо дар соҳаи саноат ҷой доранд. Ин масъули ҳукумати Хуҷанд иброз намуд, ки 77 адад корхонаҳои саноатии шаҳр дар соли гузашта фаъолияти назаррас надоштаанд.

"Дар соҳаи саноати шаҳр сарфи назар аз дастовардҳо, ҳоло ҳам мушкили ба пуррагӣ истифода нашудани имкониятҳо ҷой доранд. Дар ин давра аз миқдори умумии корхонаҳои саноатӣ 77 адад ё 45, 5 % нисбат ба ҳамин давраи соли сипаригардида кам маҳсулот истеҳсол кардаанд. Ҳаҷми маҳсулоти тавлидшудаи ин теъдод корхонаҳо ҳамагӣ 41, 9 миллион сомониро ташкил додааст, ки ин нишондиҳанда муттаасифона давра ба давра кам шуда истодааст", -  гуфт Нуруллозода.

Муовини раиси шаҳри Хуҷанд дар бораи чи гуна коҳишёбии манбаъҳои андозбандӣ зикр кард.

Ӯ гуфт, дар соли 2020 ҳаҷми бақияи маҳсулотҳои бозистода дар амбори корхонаҳо ба андозаи 12, 6 миллион сомонӣ дар муқоиса ба соли гузашта зиёд гардида, ин ҳол дар навбати худ ба коҳишёбии манбаъҳои андозбандӣ бе таъсир намондааст.

24
Барчаспҳо:
коҳиш, истеҳсолот, Хуҷанд

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия