Деньги, архивное фото

35 ҳазор доллар - порагирии суду милисаи тақаллубӣ барои озодии 1 маҳбуси солхӯрда

2121
(Таҷдидшуда 19:08 29.06.2020)
Додгоҳи шаҳри Хуҷанд зани 36-сола, ки худро милиса муаррифӣ мекардааст, бо шарикаш аз шаҳри Душанбе, ки худро корманди Суди Олӣ гуфта, пора дар ҳаҷми махсусан калон гирифтаанд, ҷарима баст

ДУШАНБЕ, 29 июн – Sputnik. Тибқи иттилои мақомоти тафтишотӣ ва  додгоҳии Хуҷанд, зани 36-сола ҳамроҳи шиносаш аз шаҳри Душанбе, ба боварии марди 35-сола, сокини ноҳияи Бобоҷон Ғафуров даромада, аз ӯ барои озод кардани падари 69-cолааш аз маҳбас 35 ҳазор доллар талаб кардаанд. Қисмати асосии маблағро пештар гирифта, аввали соли равон ҳангоми гирифтани 120 ҳазор сомонӣ аз писари маҳбус дастгир шудааст.

Марди солхӯрда, ки дар зиндони Хуҷанд нигоҳдорӣ мешавад, соли 2008 барои одамкушӣ ба 24 соли зиндон маҳкум гардидааст.

Зани муттаҳам соли 2015 ба наздикони маҳбус ваъда додаст, ки бар ивази 35 ҳазор доллари ИМА ҳамроҳи шиносаш, корманди Суди Олии Тоҷикистон падарашонро дар давоми 6 моҳ ба озодӣ мебарорад.

Ҷазо-ҷарима бе маҳрум кардан аз ҳуқуқи ишғоли мансабҳо

Қаблан Вазорати умури дохилӣ дар шарҳи қазия гуфта буд, ки зани муттаҳам ҳангоми гирифтани 120 ҳазор сомонӣ аз хонаводаи маҳбус дастгир шуда, зимни тафтиш муайян гардид, ки ӯ қаблан соли 2015 низ аз онҳо 18 ҳазор доллари амрикоӣ гирифтааст.

Додгоҳи шаҳри Хуҷанд зани муттаҳамро, ки худро корманди милиса мегуфтааст, ба андозаи андозаи 1460 нишондиҳанда барои ҳисобҳо баробар ба 84 ҳазору 680 сомонӣ ҷарима баста, шиносаш аз шаҳри Душанбе, ки худро корманди Суди Олии Тоҷикистон мегуфтааст, ба андозаи 1500 нишондиҳанда барои ҳисобҳо, баробар ба 87 ҳазор сомонӣ ба фоидаи давлат ҷарима бастааст. Ҷамъ маблағи ҷаримаи милисаю суди тақаллубӣ беш аз 170 ҳазор сомониро ташкил медиҳад.

Боздиди Файзов аз иншооте, ки Раҳмон дар Хоруғ мекушояд-аксҳо

Дар қарори додгоҳ таъкид шудааст, ки ҷазо нисбати гунаҳкорон дар қаллобӣ, бидуни маҳрум кардан аз ҳуқуқи ишғоли мансабҳои муайян ё машғул шудан ба фаъолияти муайян, таъйин карда шудааст.

2121
Барчаспҳо:
ҳукм, суд, ҷазо, Тоҷикистон
Нож в руке

Ба қафаси синаи бародараш корд зад: боздошти марди 40 сола дар Конибодом

42
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

42
Доллары в конверте, архивное фото

Боздошти афсар барои талаби пора аз бародари сарбоз

149
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

149
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон