Президент Республики Таджикистан Эмомали Рахмон

Аз майдони парчам то фермаи парандапарварӣ: Раҳмон чанд иншооти муҳимро ифтитоҳ кард

373
(Таҷдидшуда 11:26 30.06.2020)
Дар деҳоти Хистеварзи ноҳияи Бобоҷон Ғафуров Эмомалӣ Раҳмон майдони Парчами давлатии Тоҷикистон ва як қатор иншоотҳои дигарро дидан ва ифтитоҳ кард

ДУШАНБЕ, 30 май — Sputnik. Эмомалӣ Раҳмон, раисҷумҳури Тоҷикистон пас аз бардоштани парда аз болои лавҳа, дар ҳамин ҷо Парчами миллиро парафшон намуд, иттилоъ додааст дафтари матбуоти раисҷумҳур.

Гуфта шудааст, ки баландии Парчами давлатии Тоҷикистон дар деҳоти Хистеварз бо таҳкурсияш 50 метрро ташкил медиҳад.

Корҳои сохтмонӣ дар майдон ва сутунпояи Парчами давлатӣ соли 2019 оғоз гардида буданд.

Манбаъ зикр кардааст, ки давоми чанд соли охир дар аксари ҷамоатҳои деҳот ва маҳаллаҳои ноҳияи Бобоҷон Ғафуров низ Парчами давлатӣ қомат афрохта аст.

Инчунин раисҷумҳур дар деҳоти Хиставерз бо нашъунамои зироатҳои кишоварзӣ дар Хоҷагии деҳқонии “Абдуғаффор Ҷабборов”-шинос шуд.

Манбаъ таъкид доштааст, ки хоҷагии мазкур аз соли 2007 инҷониб фаъолият дошта, бо истеҳсоли маҳсулоти хушсифат дар таъмини амнияти озуқавории кишвар саҳми назаррас дорад. Ҳамчунин кишоварзони ин хоҷагӣ ҳар сол ҳазорҳо тонна маҳсулоти гуногунро ба хориҷи кишвар содирот мекунанд.

Зимни боздид аз хоҷагии мазкур, Эмомалӣ Раҳмон ба саҳмдорон барои пайгирии ҳадафҳои давлату Ҳукумати Тоҷикистон ҷиҳати истифодаи оқилонаи замин изҳори сипос намуд.

Дар ҳамин ҷо Президенти кишвар ҳамчунин аз намоишгоҳи зироатҳои кишоварзии ноҳияи Бобоҷон Ғафуров дидан намуд.

Зимни боздид Эмомалӣ Раҳмон барои боз ҳам зиёд намудани маҳсулот ва содироти он ба кишоварзон ва масъулони хоҷагиҳо дастуру супоришҳои мушаххас дод.

Президент Таджикистана Эмомали Рахмон совершает рабочую поездку в Согдийскую область
пресс-служба президента РТ
Президент Таджикистана Эмомали Рахмон совершает рабочую поездку в Согдийскую область

Дар навбати худ деҳқонон, ваъда доданд, ки кӯшиш мекунанд, ки дар таъмини бозори дохилӣ бо маҳсулоти хушсифат ҳиссаи бештар гузоранд.

Сипас Эмомалӣ Раҳмон  дар ноҳияи Бобоҷон Ғафурови вилояти Суғд, ба фермаи паррандапарварии ширкати  “Чӯҷаи Байзо”-ро ифтитоҳ кард.

Манбаъ қайд кардааст, ки фермаи мазкур аз ҷониби соҳибкори ҷавон Азимҷон Пӯлодов бунёд карда шудааст.

Корҳои сохтмонӣ дар иншоот моҳи майи соли 2018 оғоз гардида, он аз 7 қисм иборат мебошад ва дар масоҳати 1,48 гектар доман густурдааст.

Корхонаи мазкур дар вилояти Суғд яке аз калонтарин коргоҳҳои хушзоткунии паранда ба ҳисоб рафта, иқтидори истеҳсоли гӯшти мурғ дар як моҳ 100 тоннаро ташкил медиҳад.

Ҳамзамон манбаъ қайд кардааст, ки танҳо дар вилояти Суғд дар давоми 5 моҳи соли 2019 агар 586,6 тонна гӯшти парҳезии мурғ истеҳсол шуда бошад, пас ин нишондиҳанда дар ҳамин давраи соли 2020 ба 3062,4 тонна баробар гардид.

Манбаъ зикр кардааст, ки бо ба истифода додани фермаи паррандапарварии ҶДММ “Чӯҷаи Байзо”, воридоти гӯшти мурғ ба мамлакат боз ҳам коҳиш меёбад.

373
Здание администрации города Хорог, архивное фото

Ниқоб пӯшеду фосиларо нигоҳ доред: идомаи корҳои фаҳмондадиҳӣ дар Бадахшон

22
(Таҷдидшуда 15:54 13.07.2020)
"Маркази ҷумҳуриявии ташаккули тарзи ҳаёти солим" барои пешгирӣ аз паҳншавии маризии коронавирус дар Вилояти Мухтори Кӯҳистони Бадахшон корҳои фаҳмондадиҳӣ мегузаронад

ДУШАНБЕ, 13 июл – Sputnik. Бо мақсади пешгирии бемории COVID-19 мутахассисони Муассисаи давлатии “Маркази ҷумҳуриявии ташаккули тарзи ҳаёти солим” дар вилоятҳо ва шаҳру ноҳияҳои кишвар дар байни аҳолӣ  корҳои фаҳмондадиҳиро ба роҳ мондаанд, хабар медиҳад агентии Ховар.

Ба иттилои манбаъ, чунин як чорабинии оммафаҳмонӣ аз ҷониби кормандони ин муассиса дар ВМКБ гузаронида шуд.

Зимни вохурӣ аз сокинони ин вилоят даъват ба амал оварданд, ки аснои сайругашт дар кӯчаҳо ҳатман ниқоби тиббӣ пӯшанд ва ҳамзамон фосилаи иҷтимоиро риоя кунанд.

Дастури президент: Ширин Исматуллозода ба ВМКБ сафар кард

Қобили зикр аст, ки чунин чорабиниҳои оммафаҳмонӣ аз ҷониби мутахассисони марказҳои ҷумҳуриявии ташаккули тарзи ҳаёти солим дар дигар шаҳру ноҳияҳои кишвар низ доир гардида истодаанд.

Ёдрас мешавем, чанде пеш, баҳри пешгирӣ аз паҳншавии бемории сироятии COVID-19 ва табобати он ширкати "Хрустал"  ба  муассисаҳои тандурустии Вилояти Мухтори Кӯҳистони Бадахшон  кумаки навбатӣ расонид, ки он аз  либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад.

Даргузашти шоира Гулнисои Ризвоншо

Сардори раёсати тандурустии  вилоят Фарид Музаффаров гуфт, ки ин ширкат ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ  тақдим  намудааст.

Ба изҳори ӯ, ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.

22
Барчаспҳо:
корҳои фаҳмондадиҳӣ, Бадахшон
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

309
(Таҷдидшуда 16:16 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

309
Барчаспҳо:
суҳбати телефонӣ, Владимир Путин, Эмомалӣ Раҳмон
Журналисты, архивное фото

Додситонии кул ба рӯзноманигорон ҳисобот медиҳад

0
(Таҷдидшуда 16:14 13.07.2020)
Рӯзи 14 июл чор ниҳоди давлатӣ дар доираи иҷрои амри раисиҷумҳури Тоҷикистон ба хабарнигорон дар бораи фаъолияташон дар 6 моҳи гузашта иҷозат медиҳанд

ДУШАНБЕ, 13 июл — Sputnik. Додситонии кул, Кумитаи рушди маҳали назди Президент, Кумитаи ҳифзи муҳити зист ва  Хадамоти назорати давлатии бехатарии корҳо дар саноат ва соҳаи кӯҳкории Тоҷикистон аз ҷамъбасти фаъолияташон дар нимсолаи аввали соли 2020 нишасти матбуотӣ баргузор мекунанд.

 

"Роҳбарияти Прокуратураи генералӣ соати 09:00 дар маҷлисгоҳи Прокуратураи генералӣ ва Кумитаи ҳифзи муҳити зист соати 11:00 дар Кумитаи мазкур ба суолҳои намояндагони воситаҳои ахбори омма посух медиҳанд", - хабар дод Ховар.

Манбаъ афзуд, нишастҳои матбуотии Кумитаи рушди маҳал соати 09:00 ва  Хадамоти назорати давлатии бехатарии корҳо дар саноат ва соҳаи кӯҳкорӣ соати 11:00 дар Маркази матбуоти ҷумҳуривии "Ховар" баргузор мешаванд.

Таъкид шудааст, ки бо назардошти аз байн нарафтани хавфи мубталошавӣ ба коронавирус, ба диққати масъулин ва иштирокчиёни нишастҳои матбуотӣ расонида мешавад, ки талаботи муайяннамудаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19-ро қатъиян риоя намоянд.

Нишастҳои матбуотии роҳбарони идораҳои давлатӣ соле ду бор дар доираи дастури Эмомалӣ Раҳмон, раисиҷумҳури Тоҷикистон баргузор мешаванд.

0
Барчаспҳо:
рӯзноманигорон, амри президент, нишасти хабарӣ, Тоҷикистон