КПП Равот на границе Таджикистана и Узбекистана в городе Канибадам, архивное фото

Тоҷикистон ҳудуди 300 шаҳрвандашро аз марзҳои Ӯзбекистону Қазоқистон баргардонд

108
Ҳамчунин, 29 июни соли ҷорӣ дар ҳамкорӣ бо мақомоти қазоқистонӣ 200 нафар шаҳрванди Ҷумҳурии Тоҷикистон бо парвози махсуси ширкати ҳавопаймоии «Сомон Эйр» аз Алмато ба Душанбе баргаштанд.

ДУШАНБЕ, 30 июн — Sputnik. Чанде пеш ҳудуди 300 шаҳрванди Тоҷикистон аз марзҳои Ӯзбекистону Қазоқистон ба Ватан баргардонида шуданд. Дар ин бора Вазорати корҳои хориҷии кишвар хабар медиҳад.

Тавре манбаъ менависад, 28-29 июн дар партави дастури президенти ҷумҳурӣ Эмомалӣ Раҳмон дар ҳамкорӣ бо мақомоти марбутаи кишварҳои Ӯзбекистон ва Қазоқистон  297 шаҳрванди мамлакат ба Ватан оварда шуданд.

"Аз ҷумла, 28 июн дар ҳамкорӣ бо мақомоти марбутаи Ӯзбекистон 97 шаҳрванди Ҷумҳурии Тоҷикистон, ки бинобар баста будани марзҳо дар он кишвар муваққатан қарор доштанд, тариқи гузаргоҳи "Дустӣ"-и сарҳади давлатии Тоҷикистон бо Ӯзбекистон ба Ватан оварда шуданд", - менависад манбаъ.

Ҳамчунин, 29 июни соли ҷорӣ дар ҳамкорӣ бо мақомоти қазоқистонӣ 200 нафар шаҳрванди Ҷумҳурии Тоҷикистон бо парвози махсуси ширкати ҳавопаймоии "Сомон Эйр" аз Алмато ба Душанбе баргаштанд.

 

 

 

 

108
Юсуф Рахмонов на пресс-конференции Генеральной прокуратуры РТ

Юсуф Раҳмон: “Тафтиши парвандаи “Хӯҷа - Командир” ҳанӯз ниҳоӣ нашудааст”

0
(Таҷдидшуда 13:38 14.07.2020)
Парвандаи Хӯҷа Каримов, мулаққаб ба “Хӯҷа - Командир”, ки ҳанӯз моҳи феврал аз Дубай ба Душанбе интиқол ёфта буд, ҳамоно дар дасти тафтишот аст ва ниҳоӣ нашудааст

ДУШАНБЕ, 14 июл — Sputnik. Юсуф Раҳмон, прокурори генералии Тоҷикистон зимни нишасти матбуотии ниҳодаш гуфт, парвандаи ҷиноӣ нисбати Хӯҷа Каримов дар ҳоли баррасӣ қарор дорад.

“Парванда ҳанӯз такмил нашудааст. Пас аз анҷоми тафтишот ба суд ирсол хоҳад шуд”, - кӯтоҳ посух дод Юсуф Раҳмон.

 Парванда алайҳи Хӯҷа Каримов ё “Хӯҷа-Командир” ҳанӯз соли 2008 оғоз шудааст. Ӯ бар асоси 7 банди Кодекси ҷиноии Тоҷикистон, аз ҷумла бандитизм, одамкушӣ, азобу уқубат, шиканҷа, гаравгонгирӣ ва ғайриқонунӣ нигоҳ доштани силоҳи оташфишон муттаҳам мешуд ва дар кофтукови расмӣ қарор дошт.

Хӯҷа Каримов яке аз фармондеҳони Фронти халқӣ буд, ки дар замони ҷанги дохилӣ ноҳияи Ғозималики собиқ (ҳоло Хуросон) ва навоҳии атрофи онро таҳти назорат дошт.

 Маҳз дар ин айём гурӯҳи мусуллаҳи ӯ даст ба ҷиноятҳои зиёд, аз қабили куштор, сирқати амвол, одамрабоӣ ва ғайра мезанад, ки ҳукумати марказиро ба ташвиш меорад ва соли 1998 ӯро дар толори Шӯрои Олии Тоҷикистон, ки Каримов узваш буд, боздошт мекунанд. Аммо дере нагузашта ӯ раҳо шуд ва соли 2001 бо истифода аз нуфузи пуштибонҳои қавии худ аз пайгарди қонун ба хориҷ аз Тоҷикистон фирор кард.

Бино ба хабарҳои мухталиф, ӯ дар Малайзия сукунат ихтиёр карда буд. 30 июли соли гузашта Хӯҷа ва муҳофизу мураббии русашро мақомоти Имороти Муттаҳидаи Араб дар шаҳри Дубай бо талаби мақомоти Тоҷикистон боздошт карданд, аммо ба шарти берун нарафтан аз манзил раҳо карданд.

Бино ба иттилои ғайрирасмӣ, Хӯҷа Командир дар Дубай чандин хона дорад ва ӯро борҳо дар Дубайу Шарҷа ва шаҳрҳои дигари Имороти Муттаҳидаи Араб дида буданд.

Хӯҷа Каримовро дар оғози моҳи феврал аз Дубай ба Душанбе истирдод ва тафтиши парвандаашро оғоз карданд. Аз рӯи иттиҳомҳое, ки мақомот нисбат ба Хӯҷа Каримов эълон кардаанд, ба ӯ солҳои тӯлонии зиндон таҳдид мекунад.

0
Барчаспҳо:
марҳилаи ниҳоӣ, тафтиши парванда, Юсуф Раҳмон, додситони кулл, Прокурори генералӣ, Тоҷикистон
Преступник за решеткой

"Хушхабар"-и Раҳмон: ҷиноятҳои махсус вазнин дар Тоҷикистон кам шудаанд

20
Дар умум нисбат ба нимсолаи соли 2019 дар Тоҷикистон ҷиноят 2 дар сад камтар содир шуда, ҷиноятҳои вазнин ва махсусан вазнин ба маротиб камтар шудаанд

ДУШАНБЕ, 14 июл — Sputnik. Юсуф Раҳмон, додситони кулли Тоҷикистон дар рафти нишасти матбуотӣ дар Душанбе хабар дод, ки хушбахтона нимсолаи аввали соли 2020 нисбат ба ҳамин давраи соли гузашта дар Тоҷикистон содиршавии ҷиноят, аз ҷумла ҷинояти вазнин коҳиш ёфтааст.

"Дар нимаи аввали соли 2020 дар Тоҷикистон 12 293 ҷиноят содир гардид, ки нисбат ба ҳамин давраи соли гузшта 256 ё 2 дар сад кам мебошад", - гуфт вай дар посух ба суоли хабарнигорон.

“Пневмония шуда будам”: Юсуф Раҳмон дар бораи ҷиноятҳои давраи “вируси корона”

Тавре ҷаноби Раҳмон тавзеҳ дод, дар ҳамин ҳол бархе намудҳои ҷиноятҳо афзоиш ёфтаанд, аммо шарҳ надод, ки кадом.

Додситони кулли Тоҷикистон таъкид кард, ки ҷиноятҳои вазнин ва махсусан вазнин дар кишвар ба маротиб камтар шудаанд. Масъалан, ҷинояти "бандитизм", ки соли гузашта 5 ҳолати он ба қайд гирифта шуда буд, имсол ба "сифр" баробар аст.

"Одамкушӣ ва сӯиқасд ба омдамкушӣ, соли гузашта 48 ҳолат буд, имсол 35 ҳолат - 27 фоиз камтар шудааст, ҷинояти қасдан расонидани зарари вазнин 56 адад содир шудааст, соли гузашта 62 адад буд - 9,6 фоиз кам шудааст, хариду фурӯши одамон 10 ҳолат буд ва имсол низ 10 ҳолат, ғоратгарӣ 8, 1 дарсад кам шудаст, қаллобӣ 23,1 фоиз кам шудааст, бандитизм ягон ҳолат содир нашудааст", - афзуд Юсуф Раҳмон.

20