Исматуллозода Ширин Исматулло муовини Сарвазири Ҷумҳурии Тоҷикистон

Дастури президент: Ширин Исматуллозода ба ВМКБ сафар кард

366
Муовини сарвазири Тоҷикистон ба Вилояти Мухтори Кӯҳистони Бадахшон сафар кард. Мақсад аз сафар шиносоӣ бо соҳаҳои тандурустӣ ва маориф мебошад

ДУШАНБЕ, 2 июл — Sputnik.  Бо  дастуру раисҷумҳури Тоҷикистон гурӯҳи корӣ таҳти роҳбарии муовини Сарвазири мамлакат Ширин Исматуллозода бо мақсади шиносоӣ ва назорати масъалаҳои соҳаи маориф, тандурустӣ ва ҳифзи иҷтимоии аҳолӣ ба ВМКБ сафар кард, хабар медиҳад АМИТ "Ховар".

Инчунин мақсади сафари гурӯҳ таҳлили  ҳолати воқеии  пешгирӣ ва табобати бемории коронавируси навъи COVID-19 ва дар ин замина гузаронидани корҳои фаҳмондидиҳӣ ба Вилояти Мухтори Куҳистони Бадахшон гуфта мешавад.

"Зимни сафари корӣ мавриди баррасӣ қарор додани як зумра масъалаҳо, баргузории суҳбату вохӯриҳо бо мардум ва ҷалби онҳо бо корҳои ободонию созандагӣ,  омӯзиши ҳолати санитарию эпидемиологӣ, пешгирии паҳншавии бемориҳои сироятӣ, табобати беморон ва нақшаҳо дар самти бунёди беморхонаҳои сироятӣ дар назар аст", - менависад манбаъ.

Гурӯҳи корӣ ҳамчунин, омодагии муассисаҳои соҳаи маориф ба соли нави хониш, таъминоти хонандагон бо либоси мактабӣ,  таъминокии муассисаҳои соҳаи тандурустӣ бо катҳои хоб, доруворӣ, таҷҳизоту лавозимоти зарурӣ барои табибон, раванди хизматрасонии тиббӣ ба аҳолӣ, шиносоӣ бо ҷараёни корҳои ободонию созандагӣ, махсусан дар иншоотҳои бунёдшавандаи ҷашнӣ, инчунин  тайёрӣ ба мавсими зимистонгузаронӣ дар муассисаҳои соҳаи маориф ва тандурустии вилоятро хоҳад санҷид.

Сафари корӣ аз ноҳияҳои Дарвоз ва Ванҷ оғоз гардида, давоми чанд рӯзи дигар дар ноҳияҳои Рӯшон, Рошқаъла, Ишкошим, Мурғоб ва шаҳри Хоруғ идома меёбад.

Музаффар Имомдод: аз воҳимаи COVID - 19 дар ВМКБ то ризокории 3000 ҷавон ва сахои мардум

366
Зрители в кинотеатре

Дар ноҳияи Спитамен кинотеатри замонавӣ сохта мешавад

12
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

12
Барчаспҳо:
рушду ободонӣ, Раҷаббой Аҳмадзода, Суғд, Спитамен

Бинои парлумон ва роҳ месозанд: Тоҷикистон интизори коргарони чинӣ аст

19
(Таҷдидшуда 15:27 03.08.2020)
Вазорати рушди иқтисод ва савдои Тоҷикистон хабар дод, ки моҳи август сохтмони иншооти муҳими кишвар аз ҷониби ширкатҳои чинӣ идома меёбад

ДУШАНБЕ, 3 авг — Sputnik. Барои сохтмони бинои парлумон ва бинои ҳукумат ба наздикӣ 250 мутахассиси чинӣ ба Тоҷикистон меоянд. Дар ин бора масъулин дар рафти нишати матбуотии Вазорати рушди иқтисод ва садои Тоҷикистон дар Душанбе хабар доданд.

Манбаъ таъкид кард, ки интизор меравад кор дар ин самт бо ширкатҳои чинӣ, ки бино бар пандемия ба ақиб рафт, тирамоҳ идома меёбад.

Ба тарҳи сохтмон бунёди бинои нави парлумон ва маҷмааи ҳукумат дар Душанбе, амалӣ кардани давраи севуми тарҳи таъмир ва таҷдиди роҳҳои дохили кишвар дар шаҳри Бохар ва ноҳияҳои Кӯлоб дохил мешаванд.

Афзун бар ин, мутахассисони чинӣ ба таъмир ва таҷдиди қисме аз шоҳроҳи Кӯлоб-Мӯъминобод оғоз карда, ба сохтмони қисми дувуми роҳи Душанбе-Кулма дар минтақаи Қалъаи Хумб - Ванҷ омодагӣ мебинанд.

Раисҷумҳур ва нахуствазири Чин ба сохтмони бинои парлумон дар Душанбе санги асос гузошанд

Ба иттилои манбаъ, Чин мутахассисонашро аллакай аввали моҳи август равон мекунад. Коргарон ба Тоҷикистон тариқи парвозҳои махсус ворид мешаванд.

Ёдрас мешавем, пештар раиси Кумитаи меъморӣ ва сохтмон Ҷамшед Аҳмадзода низ хабар дода буд, ки сохтмони биноҳои нави парлумон ва ҳукумат ба наздикӣ оғоз мешавад.

Бино бар тавофуқи байни ҳукумати Тоҷикистон ва Чин 80 дар сади сохтмончиён бояд сокинони маҳаллӣ бошанд ва арзиши лоиҳа 1,5 миллиард юанро ташкил медиҳад.

19