Жители Ванджского района подарили ройонной больнице машину скорой помощи

Зодагони Ванҷ ба Беморхонаи марказии ноҳия автомашинаи Ёрии таъҷилӣ тақдим карданд

1679
(Таҷдидшуда 17:44 02.07.2020)
Гуруҳе аз зодагони ноҳияи Ванҷ, ки дар доираи як ибтикори шаҳрвандӣ дар давраи коронавируси COVID-19 аз тариқи шабакаи Фейсбук маблағ ҷамъ меоварданд, ба Беморхонаи марказии ноҳия автомашинаи “Ёрии таъҷилӣ” хариданд

ДУШАНБЕ, 2 июл — Sputnik. Дар маҷмуъ ин гуруҳ, аз 16 май то кунун барои Беморхонаи марказӣ, марказҳои саломатӣ ва ҳамаи бунгоҳҳои тиббии ноҳия ба маблағи бештар аз 100 ҳазор сомонӣ ёрӣ расонидаанд.

Жители Ванджского района подарили ройонной больнице машину скорой помощи
Жители Ванджского района подарили ройонной больнице машину скорой помощи

Иршод Сулаймонӣ, яке аз масъулони ин ибтикори шаҳрвандӣ гуфт, ки онҳо бо нашри як эълон дар гуруҳи махсусии фейсбукии марбут ба зодагони Ванҷ эълони ҷамъоварии маблағро нашр намуданд.

"Дар давоми ду ҳафта наздик ба 60 ҳазор сомонӣ маблағ ҷамъ шудааст. Баъдан баъзе аз соҳибкорони зодаи ноҳия, ки дар хориҷ аз кишвар зиндагӣ мекунанд ба ин ибтикор ҳамроҳ шудаанд.
Аз ҷумлаи хонаводаи маъруфи соҳибкорон Хушаковҳо дар вилояти Твери Русия барои Беморхонаи ноҳия ва ҳамаи бунгоҳҳои тиббӣ ба маблғи 250 ҳазор рубли русӣ 300 либоси муҳофизатии бисёрмасрафа ва 3 ҳазор ниқоби тиббӣ фиристоданд", - навиштааст вай.

Иршод Сулаймонӣ афзуд, бо ин маблағ як автомашинаи Ёрии таъҷилӣ, мошини ҷомашӯйии худкор, доруҳои зарурие, ки берои таботии коронавирус лозиманд ва дигар маводи тиббӣ хариданд. Ҳамчунин барои бархе аз табибоне, ки ба муолиҷаи беморони машкук ба коронавирус машғул буданд ёрии пулӣ низ расонида шудааст.

Сипоси раиси Исфара аз соҳибкорони маҳалӣ ва бурунмарзӣ барои кумак ба пизишкон

Иршод Сулаймонӣ мегӯяд, ки ин ёриҳоро масъулони ибтикори шаҳрвандӣ шахсан худашон ба Беморхонаи марказӣ ва бунгоҳҳоии тибии ноҳия бурда расонидаанд.

1679
Мавзуҳо:
Пайомадҳои COVID-19 дар Тоҷикистон ва ҷаҳон (756)

Марги як тоҷикистонии дигар аз COVID - 19: вазорат аз 41 ҳолати нави мубталошавӣ гуфт

457
(Таҷдидшуда 19:24 01.10.2020)
Шабонарӯзи гузашта дар Тоҷикистон аз маризии сироятии коронаиврус боз як дардманди дигар ҷон аз даст дод

ДУШАНБЕ, 1 окт – Sputnik. Вазорати тандурустии Тоҷикистон мегӯяд, шабонарӯзи гузашта дар кишвар як маризи коронавирус ба ҳалокат расид.

Ба иттилои котиботи вазорати мазкур, ҳамчунин рӯзи гузашта боз 42 ҳолати нави мубталошавии сокинон ба ин вирус сабт гардид.

Ба ҳамин минвол, аз 30 апрел то 1 октябр дар ҷумҳурӣ шумораи умуми маризони коронаиврус ба 9811 нафар баробар шуд.

Тоҷикистон шарҳ дод, ки чаро то ҳол аз Русия воксинаи зидди коронавирус дархост накардааст

Гуфта мешавад, то имрӯз дар мамлакат 8617  нафар ё худ 87,7 дарсади гирифторони COVID-19 шифо ёфта, аз ин беморӣ 77 нафар фавтидаанд.

Манбаъ тавзеҳ медиҳад, ки шабонарӯзи охир 71 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Ёдовар мешавем, ки рӯзи 30 - юми сентябр низ як ҳолати фавт аз ин беморӣ дар Тоҷикистон ба қайд гирифта шуд.

457
Барчаспҳо:
бемор, фавт, маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (756)
Новая мечеть в Душанбе

Тоҷикистон кай дари масоҷидро ба рӯи намозгузорон мекушояд?

406
(Таҷдидшуда 18:23 01.10.2020)
Дар Тоҷикистон ҳамоно дар робита ба авҷи маризии сироятии коронавирус дари масҷидҳо барои намозгузорон баста аст

ДУШАНБЕ, 1 окт – Sputnik. Дар Тоҷикистон ҳанӯз ҳам намозгузорӣ дар масҷидҳо номумкин аст, хабар медиҳад Парс тудей.

Манбаъ аз қавли Эмомалӣ мирзоев сухангӯи Вазорати тандурустии Тоҷикистон хабар медиҳад, ки ба далели калонсол будани синну соли аксар намозгузорон дар кишвар, ҳоло санаи дақиқи бозкушоӣ шудани дари масҷидҳо номаълум аст.

Мирзоев мегӯяд, одамони калонсол ба гурӯҳи хатар шомилан ва аз ин рӯ ин масъала ҳоло мавриди баррасӣ қарор нагирифтааст.

Зимнан, сухангӯи Кумитаи дин Афшини Муқим низ таъкид кардааст, ки риояти фосилаи иҷтимоӣ дар масҷидҳо кори сахт мебошад.

Нахустин намоз дар масҷиди Оя София - пахши мустақим

Ӯ мегӯяд, дар сурати беҳ шудани вазъи коронавирус дар Тоҷикистон ва фароҳам овардани шароити хуб дар масоҷид, ин масъала ҳалли худро пайдо мекунад.

Ёдовар мешавем, масҷидҳои Тоҷикистон аз рӯзи 18 апрели соли ҷорӣ тибқи дастури Шӯрои уламои исломии  кишвар ва тавсияҳои Ситоди муқобила бо вируси корона барои ҷилавгирӣ аз густариши коронавирус, баста шуд.

Қаблан, Тоҷикистон дари тарабхонаву қаҳвахонаҳоро низ баста буд. Аммо сар аз 15 - уми июл фаъолияти тарабхонаҳо аз сар гирифта шуд ва баргузории тӯю маъракаҳои хурсандӣ бо ҳузури на беш аз 30 нафар иҷозат дода шуд.

406
Барчаспҳо:
намоз, Тоҷикистон, масҷид
Мавзуҳо:
Пайомадҳои COVID-19 дар Тоҷикистон ва ҷаҳон (756)
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон