Сартабиби таваллудхонаи Суғд Шоира Бузурукова

Марги як табиби ҳозиқ фоҷиаи бузург аст: андӯҳи ҳамкорон аз даргузашти Шоира Бузурукова

2145
(Таҷдидшуда 17:27 06.07.2020)
Табибони таваллудхонаи Суғд, даргузашти сартабиб Шоира Бузуруковаро як фоҷиаи бузург ва ҷуброннопазир барои худ медонанд

ДУШАНБЕ, 6 июл – Sputnik. Дилором Дадобоева, муовини сартабиб оид ба корҳои муолиҷавӣ дар зоишгоҳи Суғд, дар суҳбат ба Sputnik Тоҷикистон гуфт марги Шоира Бузурукова, барои ҷамъи онҳо дар таваллудхонаи вилоят, талафоти бузург аст.

“Шоира Калоновна сартабиби ҳозиқ ва роҳбари мушфиқ буданд. Занҳое, ки бо зиёд мушкили саломатӣ аз шаҳру ноҳияҳои вилоят ба таваллудхона меомаданд, ҳамеша талош мекарданд, ки мутахассисонро сари вақт барои гузаронидани ташхис ва табобати онҳо ҷалб менамуданд. Барои ободии фаъолияти таваллудхона низ саҳми назаррас гузоштанд. Саҳни таваллудхона солҳо боз гузаргоҳ надошт ба маҳзи кӯшишҳои худи он кас бунёд карда шуд. Давоми ду соле, ки роҳбар буданд, ҳама ҷои таваллудхонаро обод карданд. Мо ҳама аз марги нобаҳангоми сартабиб хеле андуҳгин ҳастем”, - гуфт Дадобоева.

 Масъулини Раёсати тандурустии Суғд низ аз Шоира Бузурукова ба унвони табиби ҳалиму фазилаткор ва роҳбари кордону ташаббускор ёд карда, аз даргузашти ӯ дар ҳайрат мондаанд.

Шоира Бузурукова, сартабиби таваллудхонаи Суғд, чанд рӯзи охир барои муолиҷаи беморӣ, дар беморхонаи сироятии Суғд табобат мегирифт, вале субҳи рӯзи 4-уми июл дар сини 49 солагӣ ҷон ба Ҷонофарин супурд.

Бузурукова Шоира Калоновна, 1-уми январи соли 1971 дар шаҳри Хуҷнд дар оилаи ходими ҷамъиятӣ ба дунё омадааст. Соли 1994 Донишгоҳи тибби Тоҷикистон ба номи Абӯалӣ ибни Сино ро бо ихтисоси духтури амрози кӯдакона хатм кардааст.

Солҳои 1994-1996 дар Беморхонаи клиникавии Суғд курси Интернатуриро гузашта, аз ин замон фаъолияти меҳнатиаш ҳамчун духтури амрози кӯдакона дар таваллудхонаи шаҳри Хуҷанд шурӯъ шудааст.

Соли 2000-ум, ӯ сарпедиатри Раёсати тандурустии вилояти Суғд таъин шуда, тӯли 8 сол дар ин мақом кор кардааст. Солҳои 2009-2013 ибтидо мудир ва баъдан сардори шӯъбаи хизматрасонӣ ба модару кӯдак дар Раёсати тандурустӣ фаъолият бурдааст.

Бо дарназардошти қобият ва малакаи касбӣ аз июни соли 2013 то соли 2018 сартабиби таваллудхонаи шаҳри Хуҷанд ва аз моҳи ноябри соли 2018 сартабиби таваллудхонаи вилояти Суғд таъин шудааст. Ӯ вакили маҷлиси вакилони шаҳрӣ ва вилоятиро низ ба зимма дошт.

2145
Барчаспҳо:
марг, даргузашт, андӯҳ, фоҷиа, таваллудхона, Тоҷикистон
Люди в защитных масках в Душанбе, архивное фото

Омори нави гирифторӣ, шифо ва фавт аз COVID-19 дар Тоҷикистон

217
То санаи 20 сентябр дар мамлакат 8108 (86,7%) нафар аз бемории COVID-19 шифо ёфта, бар асари он 73 нафар фавтидаанд.

ДУШАНБЕ, 20 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмӯъ шумораи гирифторони ин беморӣ ба  9346  нафар баробар гардид.

Бино бар иттилои манбаъ, дар як шабонарӯзи охир 115 нафар гумонбарон зери назорати табибон қарор дошта, 42 нафар баъд аз муолиҷа ба хонаҳояшон рухсат дода шуданд.

Ҳамзамон, то санаи  20 сентябр дар кишвар  8108  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

217
Школьники в новой школе района Рудаки

Озмун барои дарёфти стипендияи президентӣ: 10 нафар пирӯз шуданд

58
Аз 16 то 24 сентябр бо ташаббуси Кумитаи кор бо ҷавонон дар тамоми шаҳру ноҳияҳои мамлакат озмун барои дарёфти стипендияи президентӣ гузаронида мешавад

ДУШАНБЕ, 20 сен — Sputnik. Дар Кӯлоб дар озмун барои дарёфти стипендияи президентӣ 10 нафар пирӯз шуданд, гузориш медиҳад Вазорати маорифи Тоҷикистон.

Бино бар иттилои манбаъ, дар шаҳри Кӯлоб барои дарёфти стипендияи президентӣ байни хонандагону донишҷӯёни муассисаҳои таҳсилоти умумии ибтидоӣ ва миёнаи касбӣ озмун оғоз гардид.

Дар он 24 нафар довталабоне, ки танҳо бо баҳои аъло таҳсил намуда истодаанд, иштирок намуда, аз миёни онҳо 10 нафар ҳамчун гирандагони Стипендияи президентӣ муайян мегарданд.

Аз 16 то 24 сентябр бо ташаббуси Кумитаи кор бо ҷавонон ва варзишшаҳру ноҳияҳои кишвар озмун барои дарёфти стипендияи президентӣ гузаронида мешавад.

Озмуни мазкур ба тарзи шаффоф гузаронида шуда, дар он ба савияи дониш ва лаёқати довталабон диққати асосӣ дода мешавад.

Рустами Эмомалӣ барои барандаҳои стипендия ним миллион сомонӣ ҷудо кард

Ҳадаф аз баргузории озмун  дастгирии моддиву маънавӣ, пайдо намудани хонандагони болаёқату фаъол ва бедорсозии ҳисси хештаншиносии наврасону ҷавонон мебошад.

58

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0