Қоҳир Расулзода дар шаҳри Норак

Боздиди Қоҳир Расулзода аз мактабҳои нави ноҳияи Ховалинг

179
Нахуствазири Тоҷикистон Қоҳир Расулзода дар ноҳияи Ховалинг аз мактабҳои нав дидан намуда бо фаъолияти хоҷагиҳои деҳқонӣ ошно шуд

ДУШАНБЕ, 12 июл – Sputnik Қоҳир Расулзода, сарвазири Тоҷикистон дар доираи сафари корӣ ба вилояти Хатлон, ки имрӯзҳо бо дастури раисиҷумҳур сурат мепазирад, аз ноҳияи Ховалинг боздиди кардааст.

Дар ин бора аз Шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар додаанд.

Зимни шиносоии Қоҳир Расулзода бо рафти корҳои сохтмонӣ дар муассисаи таълимии №18 деҳаи Сафедшаҳраки Ҷамоати деҳоти Лоҳутӣ зикр гардид, ки муассиса барои 640 хонанда дар як баст, иборат аз 2 ошёна, синфхонаҳои барҳаво, китобхона, маҷлисгоҳ, толори варзишӣ,ҳуҷраи омӯзгорон ва директор бо маблағгузории Дирексияи сохтмонии иншооти ҳукуматии Дастгоҳи иҷроияи Президенти Ҷумҳурии Тоҷикистон қомат афрохтааст.

Дар деҳаи Токаки Ҷамоати деҳоти ба номи Ғаффор Мирзо низ муассисаи таҳсилоти миёнаи умумии №9 сохта шудааст. Ба сарвазир гуфтаанд, ки таълимгоҳи мазкур барои 240 хонанда дар як баст пешбинӣ гардида, аз 2 ошёна, 8 синфхона, китобхона, ҳуҷраи омӯзгорон ва директор иборат аст. Корҳои сохтмонӣ дар ин иншоот бо маблағгузории Бунёди миллии иҷтимоии маблағгузории Тоҷикистон (БМИМТ/НСИФТ) соли 2019 оғоз гардида, арзиши умумии он тахминан 4 миллион сомониро ташкил медиҳад.

Ҳамчунин, Расулзода дар ноҳияи Ховалинг аз рафти нашъунамои маҳсулоти кишоварзӣ, ҳолати истифодабарии самараноки қитъаҳои замини наздиҳавлигӣ дидан намудааст.

Қитъати замини наздиҳавлигии сокини маҳаллаи Шехмизони Ҷамоати деҳоти «Ҷомбахт» Раҳмон Давлатов 0,20 гектарро ташкил дода, дар майдони 0,01 гектар гармхонаи доимамалкунанда фаъол мебошад. Дар гармхонаҳо помидор, қаланфури булғорӣ ва дигар зироатҳои кишоварзӣ парвариш карда мешавад. Дар 0,15 гектар кишти бодиринг, қаланфур, картошка сир, лубиё, каду ва макка ба роҳ монда шудааст.

Шаҳрванд Раҳмон Давлатов бо аҳи оилааш аз ин замин ҳар сол то 8 ҳазор сомонӣ фоидаи соф ба даст меорад.

Зимни боздиди Сарвазир аз ҳолати нашъунамои маҳсулоти кишоварзӣ дар хоҷагии деҳқнии “Суруш” иттилоъ дода шуд, ки масоҳати умумии замини хоҷагӣ 21 гектарро ташкил дода, дар ин ҷо кишти зироатҳои кишоварзӣ, аз ҷумла гандум, картошка, сабзавот ва хӯроки чорво роҳандозӣ шудааст.

Гуфта мешавад, ки дар асоси дастуру супоришҳои Президент Эмомалӣ Раҳмон оид ба зиёд намудани кишти картошка хоҷагидор дар майдони 1 га замин кишти онро ба роҳ монда, дар 4 га юнучқа, 7 га гандум кишт ва дар 5 га боғ бунёд намудааст.

Хоҷагидор дар асоси барномаи рушди боғпарварӣ соли 2014 дар масоҳати 5 га боғ бунёд карда, дарахтони себ, нок, гелос, чормағз ва ангур парвариш менамояд, ки аллакай ба ҳосил даромадаанд. Роҳбарии хоҷагиро Саймеҳриддин Ғаффоров ба уҳда дорад. Ҳама фарзандонаш аҳлона дар хоҷагӣ ба кори кишоварзӣ машғул мебошанд.

179
Барчаспҳо:
хоҷагиҳои деҳқонӣ, боздид, Қоҳир Расулзода, Ховалинг
Сотрудник милиции проверяет салон маршруток в Душанбе

Аз ронандаҳои маст то афзоиши садамаҳои ҳалокатовар дар Суғд

1
Раёсати Вазорати корҳои дохилӣ дар вилояти Суғд омори қоидавайронкунии ҳаракати роҳ аз ҷониби ронандаҳои маст ва шумори садамаҳои ҳалокатбор дар роҳ давоми шаш моҳи охирро шарҳ дод

ДУШАНЕБ, 23 авг – Sputnik. Бино ба оморе, ки дафтари матбуоти РВКД вилояти Суғд дар ихтиёри Sputnik Тоҷикистон қарор дод, давоми шаш моҳи соли ҷорӣ беш аз 300 ҳолати рондани воситани нақлиёт дар ҳолати мастӣ ошкор шудааст.

“Аз ҷониби масъулини Бозрасии давлатии автомобилӣ аз ҷумла идораи воситаи нақлиёт дар ҳолати мастӣ 301, идораи воситаи нақлиёт бе ҳуҷҷатҳои ронандагӣ 227, идораи воситаи нақлиёт бо шишаҳои сиёҳ бидуни иҷозат 182, идораи воситаи нақлиёт бо аломати қайди давлатии бегона 47 ҳолат ошкор карда шуда, дар умум ҳуқуқвайронкунандагон ба маблағи 9 милиону 17 ҳазору 750 сомонӣ ҷаримабандӣ карда шуданд”, - омадааст дар иттилоияи РВКД.

Бино ба иттилоъи манбаъ, дар ин давра аз ҷониби масъулини Бозрасии давлатии автомобилӣ 183 ҳазору 833 ҳолати қоидавайронкунии ҳаракат дар роҳ ба қайд гирифта шудааст.

Ин рақам ҳарчанд дар муқоиса ба ин давраи соли қаблӣ ба андозаи 26, 3 ҳазор ё 12, 5 % кам аст, вале рухдоди садамаҳои ҳалокатовар ба 40 маврид ё 5, 3 % ва шумори шахсони ҳалокшуда ба 58 нафар расидааст, ки ин ба андозаи 20, 8 % зиёд шудааст.

Нимашаб маст аз тарабхона баромаданд: ҳабс ва ҷаримаи 4 духтар барои дашному занозанӣ

РВКД дар Суғд мегуяд, садамаҳои ҳалокатовар дар шаҳрҳои Хуҷанд, Конибодом, Исфара, Панҷакент, ноҳияҳои Мастчоҳ, Ашт ва Шаҳристон бештар қайд гирифта шудааст.

1
Работа инвестиционной компании, архивное фото

Рушди иқтисод коҳиш ёфт: коронавирус ба соҳаҳои иқтисоди миллӣ таъсир расонд

4
(Таҷдидшуда 16:02 03.08.2020)
Вазири рушди иқтисод ва савдои Тоҷикистон иттилоъ дод, ки ҳаҷми маҷмӯи маҳсулоти дохилӣ дар шашмоҳаи якуми соли равон 32,4 млрд. сомонӣ ва рушди воқеии он 3,5 фоизро ташкил дод, ки нисбат ба ҳамин давраи соли гузашта 4 банди фоизӣ кам аст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон, имрӯз зимни нишасти матбуотӣ таъкид кард, ки таҳлили натиҷаҳои рушди иҷтимоию иқтисодӣ дар нимсолаи якум нишон дод, ки пандемияи коронавирус дар ҷаҳон ба соҳаҳои иқтисоди миллӣ низ бетаъсир намонд.

 “Дар шаш моҳи якуми соли 2020 хизматрасонии пулакӣ ба аҳолӣ нисбат ба ҳамин давраи соли гузашта 14 фоиз, дар ҳаҷми умумии тақрибан 2 миллиард сомонӣ коҳиш ёфт”, - афзуд Завқизода.

Вазири иқтисод зикр кард, ки дар ин давра хизматрасонии пулакӣ, аз ҷумла дар меҳмонхонаҳо 45,3 фоиз, тарабхонаҳо 17,3 фоиз, мусофиркашонӣ 8,7 фоиз, аз ҷумла бо нақлиёти ҳавоӣ 57,8 фоиз ва роҳи оҳан 21,4 фоиз, гардиши савдо 5,2 фоиз, маблағгузорӣ ба сармояи асосӣ 4,6 фоиз, аз ҳисоби манбаъҳои хориҷӣ 26 фоиз, воридот 4 фоиз ва боркашонӣ 3,3 фоиз, бахусус бо нақлиёти ҳавоӣ 38 фоиз коҳиш ёфтанд.

Завқӣ Завқизода, илова кард, ки нархи ҷаҳонии пахта ба санаи 27 июли соли равон нисбат ба аввали сол 197 доллар ва алюминий 104 доллар паст шуд, ки ин ба ҳаҷми содирот бетаъсир намемонад.

Инчунин вай қайд кард, ки дар давраи ҳисоботӣ ҳаҷми воридот аз давлатҳои ҳамшарики асосии тиҷоратӣ, ба монанди Чин 18,3 фоиз, Туркия 22,2 фоиз, Япония 43 фоиз, Украина 52,3 фоиз, Эрон 11,7 фоиз кам гардид, ки сохтори онро таҷҳизоти технологӣ, ашёи хом барои саноати коркард, мошинолот ва дигар маҳсулоти зарурӣ ташкил медиҳад.

“Ҳарчанд ки пайомадҳои иқтисодии пандемияи коронавирус ба соҳаҳои иқтисоди миллӣ эҳсос мешавад, вале бо мақсади кам кардани таъсири хавфҳои эҳтимолии COVID-19 силсилаи тадбирҳо роҳандозӣ гардида истодаанд”, - гуфт вазири иқтисод.

Ҳамзамон Завқӣ Завқизода, афзуд, ки оид ба пешгирӣ ва кам намудани таъсири хавфҳои эҳтимолии пандемияи коронавирус ба иқтисоди миллӣ аз 19 марти соли 2020 нақшаи чорабиниҳо тасдиқ гардида, мавриди амал қарор дорад.

4
Барчаспҳо:
маҷмуи маҳсулоти дохилӣ, рушд, миллӣ, иқтисод, вирус, Тоҷикистон