Девушка пишет сообщение на телефоне

Муовини Бег Сабур ваъда дод: барои баланд бардоштани суръати интернет чораҳо меандешем

237
(Таҷдидшуда 13:25 14.07.2020)
Муовини сардори Хадамоти алоқаи назди Ҳукумати Тоҷикистон зимни нишасти матбуотӣ таъкид дошт, ки имсол суръати интернет то 2,8 Гб секунд баланд карда шуд

ДУШАНБЕ, 14 июл — Sputnik. Ахиран, Илҳомҷон Атоев, муовини сардори Хадамоти алоқаи назди Ҳукумати Тоҷикистон, зимни нишасти матбуотӣ таъкид дошт, ки барои баланд гаштани суръати интернети мобилӣ тамоми реҷаи кории ширкатҳои мобилӣ, яъне истгоҳҳои баъзавӣ бояд пурра аз 3G ба 4G гузаронида шаванд.

“Айни ҳол ин раванд на танҳо дар марказ, балки дар тамоми ҷумҳурӣ рафта истодааст ва дар ин самт тадбирҳои зарурӣ андешида мешаванд. Имсол суръати интернет то  2,8 Гб секунд баланд карда шуд”, - гуфт Илҳомҷон Атоев.

Вай ҳамчунин таъкид дошт, ки дар нимсолаи аввали соли равон шумораи истифодабарандагони интернет дар якҷоягӣ бо истифодабарандагони интернети мобилӣ ва маҳаллӣ 3,18 миллион нафар муштариро дарбар мегирад.

Илҳомҷон Атоев зикр кард, ки барқарорсозии шабакаи Ҳукумати электронӣ дар байни вазорату идораҳои давлатӣ идома дорад.

“Айни ҳол 50 вазорату идораҳои ҷумҳурӣ ба шабакаи мазкур пайваст карда шуда, барои роҳандозии сегменти якум, яъне байни шуъбаҳои умумии вазорату идораҳо ташкил намудани мубодилаи электронӣ тадбирҳои дахлдор андешида мешаванд”, - қайд кард Муовини сардори Хадамоти алоқаи назди Ҳукумати Тоҷикистон.

Тибқи иттилои Хадамоти алоқаи назди Ҳукумати Тоҷикистон ба ҳолати 30 июни соли равон азнавбақайдгирии симкортҳои алоқаи мобилиро  бо шиносномаи шаҳрванди Тоҷикистон намунаи соли 2014 дар ҳаҷми 4 миллиону 68 ҳазору 537 муштарӣ анҷом додааст. 

Айни ҳол истифодабарандагони алоқаи мобилӣ, ки то ҳол симкортҳояшон бо шиносномаи шаҳрванди Ҷумҳурии Тоҷикистон намунаи соли 1996 дар фаъолият мебошанд ва тибқи тартиби мазкур азнавбақайдгириро нагузаштанд 2 миллиону 957 ҳазору 293 ададро ташкил медиҳанд.

Барои бақайдгирии саривақтии симкортҳо  бемории сироятии коронавирус монеа эҷод намуд. Азнавбақайдгирии симкортҳои муштариён  то моҳи феврали соли 2022 тамдид карда шудааст.

Дар шаш моҳи соли равон  дар Ҷумҳурии Тоҷикистон шумораи умумии симкортҳои истифодабарандагони алоқаи мобилӣ 7 миллиону 025 ҳазору 830 ададро ташкил медиҳад, аз он ҷумла 5 миллиону 325 ҳазору 978 ададашон муштариёни фаъол мебошанд.

237
Барчаспҳо:
баланд, суръат, интернет, Тоҷикистон
Председатель Совета Федерации РФ Валентина Матвиенко и спикер верхней палаты парламента Таджикистана Рустам Эмомали

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

121
(Таҷдидшуда 12:52 25.11.2020)
Рустами Эмомалӣ, раиси Маҷлиси миллии Тоҷикистон бо сафари расмӣ озими Маскав шуд. Раиси маҷлис пеш аз ҳама бо ҳамтои русаш Валентина Матвиенко суҳбат кард

ДУШАНБЕ, 25 ноя - Sputnik. Раиси Маҷлиси миллии Тоҷикистон Рустами Эмомалӣ ҳангоми мулоқот бо раиси Шӯрои Федератсияи Русия Валентина Матвиенко ҳамтои русашро ба Тоҷикистон даъват кард.

Тавре телевизиони "Тоҷикистон" гузориш медиҳад, Рустами Эмомалӣ дар рафти сӯҳбат баъди баррасии масъалаҳои ҷойдошта, бо арзи адаб аз Валентина Матвиенко хоҳиш кард, ки ба Тоҷикистон ташриф оварад.

"Раиси Маҷлиси миллии Тоҷикистон бо арзи адаб раиси Шӯрои Федератсияи Русияро барои анҷоми сафари расмӣ ба Тоҷикистон даъват кард", - омадааст дар гузориши телевизион.

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

Ёдрас мешавем, дирӯз 24 ноябр раиси Маҷлиси миллии Тоҷикистон бо сафари расмӣ озими Маскав шуд. 

Дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

Мендкович: Рустами Эмомалӣ бо сафараш ба Маскав дар пайи эҷоди сарусадоҳо нест

Худи ҳамон рӯз - 24 ноябр раиси Маҷлиси миллии Тоҷикистон бо раиси Шӯрои Федератсияи Русия мулоқот анҷом дод.

Матвиенко изҳори хушнудӣ намуд, ки Рустами Эмомалӣ новобаста аз замони пандемия ба Русия сафар кардааст.

121
Барчаспҳо:
даъват, Тоҷикистон, Валентина Матвиенко, Рустами Эмомалӣ
Помощник президента по вопросам социального развития и связям с общественностью Абдуджаббор Рахмонзода

Раҳмонзода рӯзи баргузории даври ниҳоии озмуни "Фурӯғи субҳи доноӣ..." - ро муайян кард

75
(Таҷдидшуда 12:17 25.11.2020)
Дар Тоҷикистон рӯзи баргузории даври ниҳоии озмуни ҷумҳуриявии "Фурӯғи субҳи доноӣ китоб аст" муайян гардид

ДУШАНБЕ, 25 ноя — Sputnik. Ёвари Президенти Тоҷикистон оид ба масоили иҷтимоӣ, ҳамзамон раиси Комиссияи ҷумҳуриявии озмуни "Фурӯғи субҳи доноӣ китоб аст", Абдуҷаббор Раҳмонзода вобаста ба баргузории даври ҷамъбастии озмун ҷаласаи корӣ баргузор кард.

Дар ҷаласа намояндагони вазоратҳои маориф ва илм, фарҳанг, кумитаҳои кор бо ҷавонон ва варзиш, кор бо занон ва оилаи назди Ҳукумати Тоҷикистон, Иттифоқи нависандагони Тоҷикистон ва аъзои ҳакамони даври ниҳоии озмун ширкат варзиданд, хабар медиҳад АМИТ "Ховар".

Бино ба гузориши манбаъ, дар ҷаласа масъалаҳои дар сатҳи баланд доир намудани даври ниҳоии озмун, муайян намудани тартиби баҳогузорӣ ба маҳорат ва истеъдоди довталабон тибқи Низомномаи озмуни "Фурӯғи субҳи доноӣ китоб аст ",баррасӣ гардид.

Ҳамин тавр муайян шуд, ки аз 7 то 15 декабри соли 2020 дар шаҳри Душанбе, дар Китобхонаи миллии Тоҷикистон доир мегардад.

Раиси Иттифоқи нависандагони Тоҷикистон Низом Қосим, муовини вазири фарҳанги  Тоҷикистон Қурбоналӣ Абдураҳимзода, директори Институти забон ва адабиёти ба номи А. Рӯдакӣ Боймурод Шарифзода сухан гуфта, ин иқдоми созандаи президентро саривақтӣ ва муҳим арзёбӣ карданд.

Манбаъ афзуда, ки мақсад аз баргузории ҷаласаи корӣ дар сатҳи баланди ташкилӣ ва фарҳангӣ доир намудани даври ниҳоии озмуни ҷумҳуриявии "Фурӯғи субҳи доноӣ китоб аст" гуфта мешавад.

75
Барчаспҳо:
дақиқ, даври ниҳоӣ, озмун, Тоҷикистон
Сотрудники ФСБ РФ во время задержания гражданина одной из Центрально-азиатских республик

ФСБ аз теракт дар вилояти Маскав пешгирӣ кард: зодаи Осиёи Марказӣ боздошт шуд

74
(Таҷдидшуда 12:57 25.11.2020)
Дар вилояти Маскав як ҷангҷӯйи гурӯҳи террористии "Давлати Исломӣ" (мамнӯъ дар Тоҷикистон) аз ҷониби кормандони ФСБ дастгир шуд

ДУШАНБЕ, 25 ноя — Sputnik. Дар Русия аз амали террористӣ, ки дар вилояти Маскав омода мешуд, пешгирӣ карданд, хабар медиҳад РИА Новости бо такя ба Хадамоти амниятии ФР.

Муайян шуда, ки гурӯҳи террористон ҷангҷӯйи "Давлати исломӣ" (мамнӯъ дар Тоҷикистон) будааст.

ФСБ Русия хабар медиҳад, ки террористон нақша доштаанд дар вилояти Маскав теракт анҷом диҳанд.

Ҳамчунин гуфта мешавад, ки ин гурӯҳ дигар ҷавононро низ таблиғ карда, барои буду боши намояндагонашон, маблағ ҷамъоварӣ мекардаанд.

Боздошти зодаи Осиёи Марказӣ: дар Маскав теракт омода мекард - видео

Бино ба маълумоти манбаъ, кормандони мақомоти қудратӣ дар вилояти Владимир яке аз аъзоёни гурӯҳро дастгир кардаанд, ки зодаи яке аз кишварҳои Осиёи Марказӣ мебошад.

Дар бораи дигар гумонбаршудагон хабар дода намешавад.

Дар ҷойи истиқомати террорист як маводи таркандаи худсохт кашф ва мусодира карда шуд. 

Навори нашркардаи хадамоти матбуоти ФСБ нишон медиҳад, ки аснои кофтуков ҳуҷҷатҳо ба навор афтодаанд ва яке аз шиносномаҳо ба шаҳрванди Тоҷикистон тааллуқ дорад.

74
Барчаспҳо:
Осиёи Марказӣ, террористон, теракт, вилояти Маскав