Министр иностранных дел Республики Таджикистан Сироджиддин Мухриддин

Сӯҳбати вазир бо чор сафир: кадом масъалаҳо баррасӣ шуданд?

111
Сироҷиддин Муҳриддин, вазири умури хориҷии Тоҷикистон бо сафирони Чин, Ҳиндустон, Украина ва Арабистони Саудӣ мулоқот намудааст

ДУШАНБЕ, 16 июл — Sputnik. Чанде пеш Вазири корҳои хориҷии Ҷумҳурии Тоҷикистон Сироҷиддин Муҳриддин бо Сафирони Фавқулода ва Мухтори Ҷумҳурии Мардумии Чин, Ҳиндустон, Украина ва Арабистони Саудӣ дар Ҷумҳурии Тоҷикистон мулоқот намуд.

Дар ин бора ВУХ Тоҷикистон хабар медиҳад.

Гуфта мешавад, дар мулоқоти бо Сафири Чин Лю Бин Сироҷиддин Муҳриддин дурнамои муносибатҳои дуҷонибаи Тоҷикистону Чин ва иқдомҳои муштараки ду кишвар дар самти пешгирии ҳамагирии COVID-2019-ро баррасӣ намуд.
Сироджиддин Аслов, архивное фото
Официальная страница пресс-службы МИД РТ в Facebook

"Дар рафти суҳбат бо Сафири Ҳиндустон дар Тоҷикистон Вираҷ Синх  Вазири корҳои хориҷии Ҷумҳурии Тоҷикистон  вазъ ва дурнамои тавсеаи равобити дуҷонибаи Тоҷикистону Ҳиндустон, инчунин иқдомҳои муштараки ду мамлакатро дар самти мубориза бо ҳамагирии COVID-19 баррасӣ кард",- менависад манбаъ.

Вазири корҳои хориҷии Ҷумҳурии Тоҷикистон Сироҷиддин Муҳриддин бо Сафири Фавқулода ва Мухтори Украина дар Ҷумҳурии Тоҷикистон Василий Серватюк дурнамои муносибатҳои дуҷонибаи Тоҷикистону Украина ва иқдомҳои муштараки ду мамлакатро дар самти пешгирии шуюи COVID-19 баррасӣ шуданд.

Майкл Помпео бо Сироҷиддин Муҳриддин чӣ масъаларо баррасӣ хоҳад кард?

Дар рафти мулоқот сафири Арабистони Саудӣ  пиромуни ҳолати кунунӣ ва дурнамои густариши муносибатҳои Ҷумҳурии Тоҷикистон ва Подшоҳии Арабистони Саудӣ, инчунин ҳамкории ду кишвар дар доираи созмонҳои байналмилаливу минтақавӣ табодули афкор намуда, ба зарурати тавсеаи бештари ҳамкориҳои дуҷониба, ки бо руҳи муносибатҳои мардумони ду кишвар созгор аст, таъкид шудааст.

111
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

172
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

172
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

164
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

164
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон