Студенты, архивное фото

Маблағи шартномаи донишгоҳҳо зиёд шуд: дар кадом муассиса чӣ қадар?

1742
Хадамоти зиддиинҳисории Тоҷикистон нархнома ё тарифи хизматрасониҳои пулакии ҳудуди 30 муассисаи таҳсилоти миёна ва олии касбиро таъйид кард

ДУШАНБЕ, 17 июл — Sputnik. Абдумаҷид Муминзод, сардори Хадамоти зиддиинҳисории назди ҳукумати Тоҷикистон, гуфт, ин муассисаҳои таҳсилоти миёна ва олии касбӣ нархномаи нави хизматрасониҳои пулакӣ, яъне шартномаи таҳсили донишҷӯён дар гуруҳҳои шартномавӣ барои соли таҳсили 2020 – 2021 барои мувофиқа пешниҳод карда, хостори афзудани нархнома ба андозаи аз 10 то 40% шуда буданд.

“Далели онҳо ин буд, ки маоши кормандони соҳаи маориф тибқи фармони Президенти Тоҷикистон аз 15 то 20% зиёд карда шудааст, ё нархҳои молу маҳсулот ва хизматрасониҳо дар кишвар, сатҳи таваррум афзудааст. Бо ин вуҷуд, мо ба назардошти вазъи иқтисодии аҳолии кишвар ба ин натиҷа расидем, ки нархномаи хизматрасониҳои онҳоро аз 8% зиёд накунем”, - гуфт Абдумаҷид Муминзод.

Тибқи иттилои Хадамоти зиддиинҳисории назди ҳукумати Тоҷикистон, нархномаи 19 муассисаи таҳсилоти миёна ва олии касбӣ, ҳар як Литсей барои хонандагони болаёқати шаҳри Хуҷанд, Коллеҷи санъати шаҳри Душанбе ба номи Аҳмад Бобоқулов, Гимназияи хусусии Тоҷикистон, Литсейи касбии тахникии сохтмони шаҳри Душанбе, Коллеҷи омори шаҳри Ваҳдат, Литсейи касбии алоқаи шаҳри Душанбе, Донишгоҳи давлатии Бохтар ба номи Носири Хусрав, Донишгоҳи технологии Тоҷикистон, Академияи идоракунии назди Президенти Ҷумҳурии Тоҷикистон, Коллеҷи тиббии шаҳри Турсунзода, Консерваторияи миллии Тоҷикистон, Коллеҷи тиббии ҷумҳуриявӣ, Донишкадаи давлатии санъати тасвирӣ ва дизайни Тоҷикистон ба 8% ва иддаи дигар ҳам ба фоизҳои мухталиф, аз ҷумла Донишгоҳи миллии Тоҷикистон аз 5 то 8% боло бурда шуд.

Инчунин нархномаи таҳсил дар Донишгоҳи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд - 5%, Филиали Донишгоҳи давлатии Маскав ба номи М. В. Ломоносов дар шаҳри Душанбе - 5,4 – 5,8%, Донишкадаи давлатии забонҳои Тоҷикистон - 3,3%, Донишгоҳи давлатии тиббии Хатлон - 4,6 – 5,4% ва Донишгоҳи давлатии Данғара - 5% зиёд карда шуданд.

Дар ҳамин ҳол, Хадамоти зиддиинҳисорӣ ба пешниҳоди 6 муассисаи дигар - Донишкадаи исломии Тоҷикистон ба номи Имоми Аъзам, Донишгоҳи давлатии молия ва иқтисоди Тоҷикистон, Донишкадаи кӯҳӣ – металургии Тоҷикистон, Коллеҷи технологии ба номи А. Қаҳҳорови шаҳри Конибодом, Коллеҷи техникии Донишгоҳи техникии Тоҷикистон ба номи академик Муҳаммад Осимӣ ва Коллеҷи омӯзгории Донишгоҳи давлатии Бохтар ба номи Носири Хусрав посухи рад дода, хизматрасониҳои пулакии онҳоро бетағйир гузоштааст.

Сардори Хадамоти зиддиинҳисорӣ дар шарҳи ин адами мувофиқа гуфт, бино ба таҳлилу баррасиҳо, дар ин муассисаҳо зарурати зиёд намудани нархномаи хизматрасониҳои пулакӣ ҷой надорад, аз сӯи дигар, дар асоси фармони Президенти Тоҷикистон аз 31 январи соли 2020 солҳои 2020 – 2040 - “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон шудааст.

“Бо мақсади ҷалби бештари довталабон ба чунин ихтисосҳо маблағи шартномаи онҳоро боло набурдем. Мо ҳатто шартномаи таҳсили 28 ихтисоси Донишгоҳи миллии Тоҷикистонро, ки ҳамагӣ фанҳои табиатшиносӣ, дақиқ ва риёзӣ буданд, бетағйир монондем”, - гуфт Абдумаҷид Муминзод.

Бино ба иттилои Хадамоти зиддиинҳисорӣ, пешниҳоди боз 5 муассисаи таълимӣ - Маркази такмили ихтисоси кормандони соҳаи тарбияи ҷисмонӣ ва варзиш, Литсейи касбии сайёҳӣ ва хизмати шаҳри Ваҳдат, Коллеҷи муҳандисию омӯзгории шаҳри Душанбе, Коллеҷи хусусии агросаноатӣ, сайёҳӣ ва ҳунарҳои мардумии шаҳри Кӯлоб ва Маркази ҷумҳуриявии дарёфт ва рушди истеъдодҳоро таъйид ё рад накарда, дар нақша гузоштааст.

1742
Барчаспҳо:
донишгоҳ, Тоҷикистон
Выборы президента в Таджикистане

Як қадам пеш: намояндаи ТУТ дар Тоҷикистон чораҳои мубориза бо COVID-19-ро арзёбӣ кард

9
(Таҷдидшуда 09:34 25.10.2020)
Чӣ гуна чораҳои маҳдудкунанда дар мубориза бо пандемияи коронавирус кӯмак мекунанд, шарҳ дод, роҳбари дафтари ТУТ дар Тоҷикистон Бахтигул Карриева

ДУШАНБЕ, 25 окт — Sputnik. Таҷриба ва дониш дар бораи COVID-19 ба андешидани чораҳои оптималӣ дар мубориза бо коронавирус мусоидат мекунад, гуфт намояндаи ТУТ дар Тоҷикистон Бахтигул Карриева дар муколама бо Sputnik Тоҷикистон.

“Тадбирҳое, ки аллакай амалӣ мешаванд ё ҳоло пешниҳод карда мешаванд, аксуламал ба вазъи кунунӣ мебошанд ва барои пешгирии бадшавии эҳтимолӣ пешбинӣ шудаанд. Ин чораҳо барои наҷоти ҷони инсон аз COVID-19 ва дар баробари ин пешгирии хатари марбут ба бемориҳои дигар ва таназзули иқтисодӣ заруранд ", - гуфт намояндаи ТУТ.

Карриева қайд кард, ки маҳдудиятҳо дар кишварҳои аврупоӣ шадидтар мешаванд ва ин ба афзоиши бемории коронавирус марбут аст.

“Тадбирҳои солимии ҷамъиятӣ ва иҷтимоӣ ҳамчун як гӯшаи маҳдудият боқӣ мемонанд: онҳо бояд мунтазам амалӣ карда шаванд, бо диққати махсус ба густариши пайгирии тамос.

Ҳукуматҳои маҳаллӣ ва ҷамоатҳо бояд барои чораҳои пешгирӣ ба пуррагӣ ширкат варзанд - муносибати тамоми ҳукумат ва тамоми ҷомеа калидӣ аст. Мо бояд як қадам пеш бошем ",-илова кард Карриева.

Намояндаи ТУТ хулоса кард, ки кишварҳо ҳанӯз ҳам бояд барои шикастани занҷирҳои интиқол ва наҷоти ҳарчи бештари одамон чораҳо андешанд: дарёфти гирифторон, таҳқиқоти кластерӣ, ҷудокунӣ ва нигоҳубини ҳама сироятшудагон, қатъи тамос, дастгирӣ ва муҳофизати кормандони соҳаи тандурустӣ ва ҳифзи осебпазиртарин қишр.

Карриева: СУТ аз афзоиши бемории COVID-19 Тоҷикистон ҳушдор медиҳад

Карриева изҳори умедворӣ кард, ки дар ояндаи наздик чораҳои мубориза бо паҳншавии коронавирус бо воситаҳои нави пешгирӣ ва табобат, аз ҷумла ваксинаҳо пурра карда мешаванд.

9
Барчаспҳо:
чораҳои ҷавобӣ, пешгирӣ аз бемориҳо, вируси корона, ТУТ, Тоҷикистон

Ҷашнҳои рӯзи 25 октябр дар Тоҷикистон ва ҷаҳон

33
(Таҷдидшуда 19:10 24.10.2020)
Рӯзи 25 октябр рӯзи умумиҷаҳонии муборизаи занон ба хотири сулҳ буда, дар Федератсияи Русия чун рӯзи гумрукчиён таҷлил мешавад

Рӯзи 25 октябр дар ҷаҳон чӣ рух дод

Соли 1963 қисми аввали китоби "Таърихи халқи тоҷик", ки аз ҷониби Институти таърихи Академияи илмҳои Ҷумҳурии Шӯравии Сотсиалистии Тоҷикистон омода шуда буд, ба нашр расид.
Соли 1976 дар шаҳри Лондон аввалин Театри миллии шоҳӣ кушода шуд.

 

Разводной и висячий Тауэрский мост
© Sputnik / Кирилл Каллиников
Разводной и висячий Тауэрский мост

Соли 1990 аввалин барномаи телевизионии "Поле чудес"- и Влад Листев пахш гардид.

 

 

Тележурналист Влад Листьев, архивное фото
© Sputnik / Стрельников
Тележурналист Влад Листьев, архивное фото

 

Соли 2001 системаи Microsoft Windows XP ба истифода дода шуд.

Соли 2009 дар Бағдод калонтарин ҳамлаи террористӣ сурат гирифт, ки дар натиҷаи он 160 нафар ҳалок шуданд.

Рӯзи 25 октябр дар Тоҷикистон чӣ рух дод

Соли 1933 дар шаҳри Душанбе аввалин фабрикаи дӯзандагӣ ба фаъолият оғоз намуд.

 

Открытие швейных и обувных цехов на Государственном сельскохозяйственном предприятии Палос
Открытие швейных и обувных цехов на Государственном сельскохозяйственном предприятии "Палос"

 

Соли 1961 унвони "Шоири (нависандаи) халқии Тоҷикистон" таъсис ёфт.

© Sputnik / Стас Этвеш / Вишнякова Мария

Соли 2010 Эмомалӣ Раҳмон бо сафари расмӣ дар Ҷумҳурии Исломии Афғонистон қарор дошт. Ин сафар баъд аз 5 соли боздиди қаблии Сарвари давлати Тоҷикистон аз ин кишвар, ки моҳи апрели соли 2005 сурат гирифт,  дар муносиботи дўстона ва ҳамкории судманди ду кишвари дўсту ҳамсоя ва ҳамзабон саҳифаи нав боз намуд.

Соли 2012 Раҳмон зимни сафари расмии худ ба Хадамоти геологии Финландия ташриф оварда, бо таъриху таҷрибаи ғанӣ ва дастовардҳои илмию амалии он аз наздик шинос шуд.

Ҷашнҳои рӯзи 22 октябр дар Тоҷикистон ва ҷаҳон

Соли 2013 Эмомалӣ Раҳмон дар ҷаласаи сарони кишварҳои Иттиҳоди Давлатҳои Мустақил, ки дар шаҳри Минск-пойтахти Ҷумҳурии Беларус баргузор гардид, иштирок ва суханронӣ намуд.

Ҷашнҳои рӯзи 25 октябр

Рӯзи умумиҷаҳонии муборизаи занон ба хотири сулҳ.
Рӯзи гумрукчиён дар Федератсияи Русия.

Рӯзи 25 октябр дар Тоҷикистон кӣ ба дунё омадааст

Соли 1907 – шоири русзабон ва мутарҷими Тоҷикистон Василий Кириллов.

Соли 1910-1981 – академик Комил Тоҷиев.

Соли 1913-1989  – нависанда Ҳоҷӣ Содиқ. 

Соли 1940-2001 – дипломат Карим Юлдошев.

Соли 1941 – ҳунарпешаи театр Берди Мингбоев.

Соли 1951 – иқтисодчӣ Султонмурод Исмоилов.

Соли 1952 – нависанда Субхон Ёдгорӣ.

33
Барчаспҳо:
ҷашн, ҷаҳон, Тоҷикистон