прокурор Согдийской области Хабибулло Вохидов

Нигаронии прокурори Суғд аз қарорҳои ғайриқонунии раисон ва омори бардурӯғ

1201
(Таҷдидшуда 22:50 18.07.2020)
Ҳабибулло Воҳидов прокурори вилояти Суғд гуфт, баъзе аз масъулини шаҳру ноҳияҳо дар вақти ироаи маълумотҳои оморӣ ба дуруғнависӣ даст задаанд

ДУШАНБЕ, 18 июл – Sputnik. Прокурори вилояти Суғд дар нишасти хабарӣ дар бораи маълумотҳои бардуруғи омори кишти зироат ва қарорҳои ғайриқонунии раисони шаҳру ноҳияҳо таъкид кард.

Ҳабибулло Воҳидов афзуд, санҷиши кормандони прокуратура муайян намудааст, ки баъзе шахсони масъул дар мавриди заминҳои парвариши картошка ба ҳисоботҳои оморӣ, маълумотҳои қалбакӣ ва сохтакорона пешниҳод кардаанд.

“Ҳамаи мо медонем, ки Президенти кишвар оиди мақсаднок истифода бурдани замин ва ба роҳ мондани кишти картошка ҳамеша таъкид меварзанд. Танҳо дар ҳудуди шаҳри Панҷакент, ноҳияҳои Айнӣ ва Бобоҷон Ғафуров, як санҷиши прокурорӣ муайян кард, ки зиёда аз 303 га замин, ки гуё картошка кишт карда бошанд дар маълумотҳои оморӣ ҳамроҳ кардаанд, аммо дар асл ин тур нест ва кишти ин навъ зироат вуҷуд надорад. Бинобар ин ҳолатҳо нисбати шахсони масъул, барои масъулияти худро иҷро накардан ва роҳ додан ба сохтакории ҳисоботҳои оморӣ, парвандаҳои маъмурӣ оғоз карда шуда, шахсони масъул ба ҷавобгарии маъмурӣ кашида шудаанд”, - гуфт Воҳидов.

Прокурори Суғд зикр кард, ки дар мавриди назорати иҷрои қонунгузории замин давоми шаш моҳи соли ҷорӣ 4314 гектар заминҳое, ки ғайримақсаднок истифода шуда ба ҳолати аввала баргардонида шудааст.

Воҳидов таъкид намуд, ки миқдори зиёди чунин заминҳо ба ноҳияи Айнӣ ва шаҳри Панҷакент рос меояд.

“Масъалан раиси ноҳияи Айнӣ дар асоси қарорҳои ғайриқонунии худ ба хоҷагиҳое, ки умуман ба парвариши чорво машғул нестанд, 3347 гектар замин вобаста намудааст. Дар ҳоле, ки ин хоҷагиҳо ягон сар чорво надоранд ва баъзеяшон дар ҳудуди Суғд фаъолият ҳам намекунад. Мувофиқи қонунгузории замин, чарогоҳҳо бояд ба он хоҷагиҳое вобаста карда шаванд, ки худи хоҷагиҳо ба парвариши чорво машғул ҳастанд ва ҳатто миқдори замин аз рӯи саршумори чорво муайян карда мешавад. Аз ин лиҳоз қарори раисон бекор ва заминҳо ба ҳолати аввала баргардонида шудаанд”, - гуфт прокурор.

Дар нишасти матбуотии прокуратураи Суғд хабар доданд, ки давоми шаш моҳи соли ҷорӣ дар умум ба қарорҳои раисони шаҳру ноҳияҳо 176 эътироз оварда шудааст, ки аз ин ҳисоб 152 маврид танҳо оиди масъалаи қонунгузории замин будааст.

1201
Барчаспҳо:
омор, масъулин, нигаронӣ, Тоҷикистон, Хуҷанд, Суғд
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

2211
(Таҷдидшуда 19:07 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

2211
Барчаспҳо:
парванда, латукӯб, Суғд
Спикер Парламента Таджикистана Мухамадтоир Зокирзода и посол Ирана в Душанбе Маухаммадтаки Собири

Эрон эълон кард омодааст дар ҳамаи заминаҳо бо Тоҷикистон ҳамкорӣ кунад

57
(Таҷдидшуда 18:19 25.09.2020)
Сафири Эрон дар Душанбе ва раиси Маҷлиси Намояндагони Тоҷикистон бар аҳаммияти равобити байнипорлумонӣ дар густариши муносиботи ду кишвар таъкид карданд

ДУШАНБЕ, 25 сен - Sputnik. Муҳаммадтақии Собирӣ, сафири Эрон дар Душанбе дар дидор бо Муҳаммадтоир Зокирзода, раиси Маҷлиси Намояндагони Тоҷикистон бо ишора ба аҳаммият ва ҷойгоҳи маҷолиси ду кишвар ва нақши онҳо дар иртиқои сатҳи муносиботи дуҷониба, омодагии Эронро барои ҳамкорӣ бо Тоҷикистон дар ҳамаи заминаҳо эълом кард.

Дар ин бора дафтари матбуоти Маҷлиси намояндагони Маҷлиси Олии Тоҷикистон хабар додааст.

Бино бар иттилои манбаъ, Муҳаммадтақии Собирӣ зарфиятҳои ҳамкорӣ дар ҳавзаҳои мухталиф бавижа ҳавзаи иқтисодӣ байни Эрон ва Тоҷикистонро болотар аз сатҳ кунӯнӣ донист ва афзуд, ҳамкории музоаф барои ҷуброни осебҳои иқтисодӣ дар даврони пасокуруна зарурӣ аст.

Муҳаммадтоир Зокирзода низ дар ин дидор бо ишора ба иштирокоти ду кишвар ва собиқаи равобити дӯстонаи Эрон ва Тоҷикистон, изҳор кард, Эрон аз нахустин кишварҳое буд, ки истиқлоли Тоҷикистонро ба расмияти шинохт ва сафорати худро  дар Душанбе ифтитоҳ кард.

Зокирзода бо таъкид бар аҳаммияти нақши равобити байнипорлумонӣ дар густариши муносибот миёни давлатҳо ва миллатҳо, таъсиси гурӯҳи дӯстӣ ва ҳамкории байни Маҷлиси Шӯроии Исломии Эрон ва Маҷлиси Тоҷикистонро гоми муҳим дар масири тақвияти ин ҳамкориҳо донист.

57
Барчаспҳо:
Маҷлиси намояндагон, муносибат, тақвияти ҳамкориҳои байнипарлумонӣ, равобит, ҳамкорӣ, Эрон, Тоҷикистон
Ювелирные изделия, архивное фото

Раҳмон коргоҳи заргарии "Одина"-ро ба истифода дод

0
(Таҷдидшуда 20:20 25.09.2020)
Эмомалӣ Раҳмон, раисиҷумҳури Тоҷикистон, дар идомаи сафари корӣ дар ноҳияи Ховалинг бо бардоштани парда аз рӯи лавҳаи рамзӣ ба фаъолияти коргоҳи заргарии “Одина” оғоз бахшид

ДУШАНБЕ, 25 сен - Sputnik. Тибқи иттилои котиботи раисиҷумҳури Тоҷикистон, коргоҳи заргарӣ "Одина" дар мавзеи Чилчанор ҷойгир буда, ба ифтихори 30-солагии Истиқлоли давлатӣ бунёд шудааст.

Манбаъ афзуд, коргоҳи заргарии "Одина" аз ҷониби соҳибкори ватанӣ Абдуқаюм Каримов бунёд гардидааст.

Иттилоъ дода шуд, ки  коргоҳи заргарӣ дар назди Кооперативи тиҷоратии “Артели заршӯии Одина” бунёд гардида, дар он ду утоқи коркарди зар ва ду мағозаи фурӯши ҷавоҳирот фаъолият мекунад.

"Дар ноҳияи Ховалинг барои ноил гардидан ба ҳадафи чоруми миллӣ - саноатикунонии босуръати мамлакат тадбирҳои судманд пеш гирифташуда, тибқи нақша то ҷашни 30-солагии Истиқлоли давлатии Ҷумҳурии Тоҷикистон боз чанд коргоҳи хурду бузурги саноатӣ сохта, мавриди истифода қарор дода мешавад", - омадааст иттилоия.

Котиботи раисиҷумҳур илова намуд, ки иншоот бо тарҳу намои хуб бунёд гардида, корҳои сохтмониро 50 нафар сокинони маҳаллӣ анҷом додаанд.

Бо бунёди сехи заргарии “Одина” наздик ба 35 нафар сокинони  маҳаллӣ, ки аксаран духтарони бешуғл ва хонашин буданд,  пас аз омӯзиши нозукиҳои ин касб соҳиби ҷойи кор ва маоши хуб гардиданд, таъкид шуд дар иттилоия.  

0
Барчаспҳо:
Ховалинг, Тоҷикистон