ДТП, архивное фото

Ба моторолу девор бархӯрд: садамаи Назаршои ҷавон ва ҳалокати як мард зери бетон

152
Вазорати умури дохилаи Тоҷикистон аз рух додани садамаи маргбор дар шоҳроҳи Қубодиён - Шаҳритус хабар додааст

ДУШАНБЕ, 20 июл – Sputnik. Дафтари матбуоти ВУД менависад, ҳолиса рӯзи 17-уми июли соли 2020, тахминан соати 19:40-дақиқа  рух додааст.

Гуфта мешавад, ронандаи автомашинаи тамғаи “ВАЗ-21010”, Назриев Назришо Рустамович, соли таваллудаш 1992, сокини ҷамоати деҳоти Навободи ноҳияи Қубодиён ҳангоми ҳаракат кардан аз самти деҳаи Навобод ба самти ноҳияи Шаҳритус, дар ҳудуди ҷамоати деҳоти Т.Сангин аз уҳдаи идораи воситаи нақлиёт набаромада, ба Моторол, таҳти идораи ронанда Тоҳиров Зокир Муқимович, соли таваллудаш 1994, сокини ҷамоати деҳоти Т.Сангини ноҳияи мазкур бархурдааст.

Баъдан худрави Назаршо ба девори бетонии дар канори роҳ қарор дошта бархӯрдааст.

Садамаи марговар дар ноҳияи Ашт: ронанда мошинро чаппа кард

"Дар натиҷа девори бетонӣ ба болои Шарифов Хайриддин Пирович, соли таваллудаш 1963, сокини ҷамоати деҳоти Т.Сангин чаппа шудааст. Номбурда Шарифов Х.П. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - менависад ВУД Тоҷикистон.

152
Встреча Махмадтуара Зокирзода с Улугбеком Иноятовым

Зокирзода: миёни Душанбеву Тошанканд барои ҳамкорӣ тамоми шароит фароҳам аст

24
Нахустин ҷаласаи муштараки гурӯҳҳои парлумонии дӯстӣ ва ҳамкории Тоҷикистон ва Ӯзбекистон имрӯз дар Душанбе доир гашт

ДУШАНБЕ, 21 сен - Sputnik. Маҳмадтоир Зокирзода, раиси Маҷлиси намояндагони Тоҷикистон бо муовини Раиси Палатаи қонунгузории Олий Мажлиси Ӯзбекистон ва ҳамзамон роҳбари гурӯҳи дӯстии парламенти Ӯзбекистон бо Маҷлиси намояндагон Улуғбек Иноятов мулоқот намуд.

Тибқи иттилои дафтари матбуотии Маҷлиси намояндагони Дар ҷараёни мулоқот ҳар ду ҷониб масоили ҳамкории байнипарлумонии кишварҳоро мавриди баррасӣ қарор дода, аз вохӯрӣ ва имкони муҳокимаи муносиботи дуҷониба хушнудӣ карданд.

 “Барои мо хеле муҳим аст, ки имкони деринаи муошират ва муҳокимаи масъалаҳои афзалиятноки муносибатҳои неки ҳамсоягии мо ба вуҷуд омад. Сафари Шумо ба Тоҷикистон таҷассумгари равобити барқароршудаи мост ва мо онро нишонаи равшани шарикии стратегии ду кишвар арзёбӣ мекунем” -афзуд дар оғози мулоқот Маҳмадтоир Зокирзода.

Маҳмадтоир Зокирзода ҳамчунин аз иқдомоти накуи ҷонибдории ташаббусҳои якдигар дар арсаи байналмилалӣ ва татбиқи созишномаҳои қаблан баимзорасида изҳори қаноатмандӣ карда, зикр намудаст, ки мо бояд ин анъанаҳоро ҳифз намоем, зеро Тоҷикистону Ӯзбекистон дорои иқтидори бузурги фаъолсозии ҳамкории мутақобилан судманд дар ҳама самтҳо мебошанд.

Боиси хушнудист, ки дар муддати кӯтоҳ мо метавонем муносибатҳои байнипарлумонии Тоҷикистону Узбекистонро ба сатҳи сифатан нав барорем ва ин равобит ҳам дар шакли дуҷониба ва ҳам дар доираи созмонҳои баӣналмилалии парлумонӣ рушд меёбанд.

Барои мо имкониятҳои васеъ ҷиҳати амалисозии пурраи тиҷоративу иқтисодӣ, нақлиётӣ ва коммуникатсионии кишварҳоямон ва тақвияти мубодилаи фарҳангӣ ва башардӯстона фароҳам оварда шудааст.

Имрӯз, аллакай, ба мушоҳида мерасад, ки созишномаҳои бадастомада кор мекунанд. Ҳарду кишвар раводидҳоро то 30 рӯз бекор карданд ва ҳамкориҳои тиҷоративу иқтисодиро амиқтар карданд.

Дар фарҷоми суханҳо мехоҳам таъкид намоям: мо итминон дорем, ки дар шароити рушди ҳамкориҳои бисёрҷонибаи мутақобилан судманди Тоҷикистону Узбекистон муносибатҳои парлумонҳои мо низ бо мазмун ва мундариҷаи нав густариш хоҳанд ёфт.

Ҷонибҳо ҳамчунин дар рафти суҳбат доираи васеи масъалаҳои густариши ҳамкориҳои иқтисодию тиҷоратӣ, муколамаи сиёсӣ, робитаҳои густурдаи баӣнипарлумониро миёни ду кишвар мавриди муҳокима қарор доданд.

24
Барчаспҳо:
ҳамкорӣ, Тошканд, Душанбе, Парлумон, Маҳмадтоир Зокирзода
Ҷаласаи Ҳукумати Тоҷикистон

Тасдиқи иншооти махсусан муҳими нав дар Тоҷикистон: Ҳукумат аз андозу боҷ озод кард

1449
(Таҷдидшуда 13:54 21.09.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат ба феҳрасти иншооти махсусан муҳим дар ҷумҳурӣ, ки аз сабукиҳо бархӯрдоранд, як адади дигарро зам намуд

ДУШАНБЕ, 21 сен — Sputnik. Бар асоси қарори Ҳукумат, ба феҳрасти иншооти махсусан муҳими Тоҷикистон, сохтмони "Майдони Истиқлол" шомил шуд.

Феҳрасти молу таҷҳизоте, ки барои сохтмони "Майдони Истиқлол" ба Тоҷикистон ворид карда мешаванд, тасдиқ гардида, аз андоз аз арзиши иловашуда ва пардохтҳои гумрукӣ озод карда шуданд.

Сохтмони "Майдони Истиқлол" тобистони соли равон расман оғоз бахшида шуд. Қаблан дафтари матбуоти раисҷумҳур гузориш дода буд, ки масоҳати умумии "Майдони Истиқлол" 30 гектарро ташкил дода, он дар ҳудуди хиёбони Рӯдакӣ, кӯчаҳои Саид Носир, Ҳабиб Аҳрорӣ ва Ойгули пойтахт воқеъ мебошад.

"Дар ин ҷо майдони баргузории чорабиниҳои сиёсӣ, ки масоҳаташ 2,7 гектарро ташкил медиҳад, бунёд мешавад", - навишт котиботи раисҷумҳур.

Манбаъ тавзеҳ дод, ки иншоот аз минбар, дарвозаи марказӣ ва дарвозаҳои шимолию ҷанубӣ, фаввораҳо, шаршара, деворнигора, айвончаҳо, майдони баргузории роҳпаймоиҳо, гулгашт, ҳавзҳои декоративӣ бо наҳрҳо, таваққуфгоҳҳо ва ғайра иборат мебошад.

Баландии рамзи Истиқлол, ки дар маркази майдон ҷойгир мешавад 121 метр буда, қисми поёнии он 30 метр ва қисми болоиаш 91 метрро ташкил медиҳад, ки он рамзи 30-солагии Истиқлол ва дар соли 1991-уми асри гузашта ба даст овардани Истиқлолро ифода менамояд.

Қаблан хабар дода шуд, ки Майдони Истиқлол бо маҷмааи меъмории рамзи "Истиқлол ва Озодӣ" муҳташамтарин иншооти асосии ҷашнӣ дар мамлакат маҳсуб мешавад, ки бахшида ба 30-солагии Истиқлоли давлатии Ҷумҳурии Тоҷикистон дар шаҳри Душанбе тибқи нақша соли 2021 мавриди истифода қарор дода мешавад.

1449
Барчаспҳо:
Ҳукумат, Эмомалӣ Раҳмон, Тоҷикистон
Зан бо телефон, акс аз бойгонӣ

Пулгирӣ тариқи эълонҳои бардурӯғ дар сомон.тҷ: боздошти Ғоибназаровҳо-видео

0
Вазорати умури дохилии Тоҷикистон аз боздошти хоҳару бародар хабар додааст, ки дар сомонаи харидуфурӯши молу хизматрасонӣ – somon.tj ба фиребкорӣ машғул будаанд

ДУШАНБЕ, 21 сен — Sputnik. Раёсати кофтукоби ҷиноии ВУД Тоҷикистон аз дастгир шудани Ғоибназаров Ҷаҳонгири 29-сола ва хоҳарбузургаш -  Наргис Ғоибназароваи 39-сола хабар дод.

Ба иттилои манбаъ, дастгиршудагон ба қаллобӣ тариқи шабакаи интернетӣ машғул будаанд.

Манбаъ афзуд, ки муттаҳамон бо нашри эълонҳои бардурӯғ дар саҳифаи интернетии сомон.тҷ, ки гӯиё скутер, автомобил ва дучарха мефурӯшанд, мизоҷонро фиреб медодаанд.

Хотироти Раҳмон аз Раббонӣ, додани ҳукумат, музокироти Давҳа ва ибрат аз тоҷикон-видео

ВУД тавзеҳ дод, ки Ғоибназаровҳо аз ду нафар тариқи ҳамёни электронӣ маблағҳои 1600-1700 сомониро гирифта, бо хомӯш кардани телефонашон дигар ба онҳо посух надодаанд.

Дар пайи боздошт маълум шудааст, ки ин афрод дар 10 ҳолати фиребкорӣ даст дошта, зарари расондаашон беш аз 20 ҳазор сомониро ташкил медиҳад. Ҷаҳонгир дар гузориши ВУД мегӯяд, тариқи ҳамёни электронӣ то 60 фоизи пулро аз харидорони ҷабрдида пешакӣ мегирифтааст ва ба ҳамин восита онҳоро фиреб медодааст. Назари бевоситаи Ғоибназаровҳо дар бораи ин қазия маълум нест.

ВУД таъкид кард, ки феълан таҳқиқи ин ҳолатҳо идома дорад.

0
Барчаспҳо:
Вазорати умури дохилаи ҶТ, боздошт, Тоҷикистон