Раъно Ҳошимзода, раиси шаҳри Бӯстон

Раъно Ҳошимзода омори сироят ва табобат аз “илтиҳоби шуш” дар Бӯстонро шарҳ дод

383
(Таҷдидшуда 19:06 20.07.2020)
 Раъно Ҳошимзода, раиси шаҳри Бӯстон ва ҳамзамон сардори Ситод оид ба пешгирӣ ва мубориза бо бемории COVID - 19 дар ин шаҳр ба суоли рӯзноманигорон дар бораи шумори сироятёбӣ аз вируси корона посух гуфт

ДУШАНБЕ, 20 июл – Sputnik. Раиси шаҳри Бӯстон дар нишасти хабарӣ иброз намуд, ки давмои ду моҳи гузашта дар умум 480 нафар сокинон дар бемористони шаҳр бо нишонаҳои бемории “илтиҳоби шуш” бистарӣ шудаанд.

Мувофиқи маълумотҳои мавҷуда, аз санаи 28-уми апрел то охири моҳи июни соли ҷорӣ, 480 нафар сокинони вилоят бо аломатҳои бемории илтиҳоби шуш дар бемористон шаҳр бистарӣ карда шудаанд. Аз ин шумора 54 нафар сокинони худи Бӯстон буданд” гуфт, Ҳошимзода.

Бино ба гуфти раиси шаҳри Бӯстон ташхис муайян намудааст, ки аз теъдоди умумии беморон 225 нафар ба “илтиҳоби шуш”, 211 нафар “бо илтиҳоби бронхит” ва 44 нафар ба “илтиҳоби шадиди роҳи нафас” сироят шудаанд.

Аз ин шумора 465 нафар пурра шифо ёфта, 8 нафар ҳоло таҳти муроқибати табибони оилавӣ қарор дошта ва вазъи саломатии онҳоро хуб арзёбӣ мешавад. Дар нишасти матбуотӣ иттилоъ дода шуд, ки дар миёни 54 мавриди гирифторӣ сокинони Бӯстон ба бемории “илтиҳоби шуш”, 6 нафар ҳамшираҳои тиб будаанд, ки ҳамаи онҳо шифо ёфтаанд.

Раъно Ҳошимзода, таъкид намуд, ки дар оғози замони хуруҷи пандемияи COVID -19 дар муассисаҳои тандурустии Бӯстон 225 рахти хоб, барои қабули саривақтии беморон дуруст карда шудааст.

“Ҳоло бемористонҳо бо реҷаи маъмулии фаъолияти худ баргаштаанд ва вазъи беҳдоштӣ дар шаҳр муътадил аст”, афзуд раиси Бӯстон.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дирӯз 19-уми июл омори тозаи сироятёбӣ аз COVID-19 ро ироа кард.

Ба иттилоъи ин ниҳод шурӯъ аз 30-уми апрел то ин сана 6878 нафар ба ин беморӣ гирифтор шуда, аз ин теъдод то имрӯз дар мамлакат 5578 нафар ё худ беш аз 81%-и гирифторони COVID-19 шифо ёфта, 57 нафар аз ин беморӣ фавтидаанд.

Муҳаммадзода омори "илтиҳоби шуш" ва карантини сокинони Хуҷандро шарҳ дод

 

383

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

75
(Таҷдидшуда 19:20 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

75
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

15
(Таҷдидшуда 18:24 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

15
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 19:50 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳилле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон