Руки в наручниках, архивное фото

“Ихвониҳои мисрӣ дар Тоҷикистон”: кистанду бо чӣ ҷурм боздошт шудаанд? Суди Олӣ

390
(Таҷдидшуда 20:20 20.07.2020)
Суди Олии Тоҷикистон номҳои ду мисриеро, ки бо иттиҳоми узвият дар созмони “Бародарони мусалмон” (Созмони мамнӯъ дар Русия ва Тоҷикистон) боздошт шудаанд, эълон кард

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, ду хориҷие, ки бо иттиҳоми узвият дар созмони “Бародарони мусулмон” (Созмони мамнӯъ дар Русия ва Тоҷикистон) боздошт шуда, ҳоло парвандаашон дар ихтиёри мақомоти судист, шаҳрвандони Ҷумҳурии Мисри Арабанд.

“Яке Муҳаммад Баюмӣ Ғунайм, устоди кафедраи филологияи шарқии Донишгоҳи давлатии забонҳо ба номи Сотим Улуғзода ва дигарӣ, Алӣ Иброҳим Мансур Муҳаммад Алимансур, омӯзгори забони арабии Донишгоҳи миллии Тоҷикистон мебошанд. Ҳарду дар қатори 103 нафаре ҳастанд, ки ба ҷурми узвияти дар созмони мамнуъи “Бародарони мусулмон” боздошт шудаанд. Бақия ҳама шаҳрванди Тоҷикистонанд. Ягон хориҷии дигар нест”, - гуфт Шавкат Лутфуллозода.

Суди Олӣ дар бораи шаҳрвандони Миср аз ин зиёд маълумот надод, аммо бино ба маълумоте, ки аз манобеъи гуногун ба Sputnik Тоҷикистон дастрас шуд, Муҳаммад Баюмӣ 66 – сол дошта, соли 2004 ба Тоҷикистон меояд ва аз ҳамон вақт ба ин сӯ дар Донишгоҳи забонҳо ва як муддат ҳамзамон дар Донишкадаи исломии ба номи Имоми Аъзам низ дарс додааст. Донишҷӯёни ин донишгоҳҳо мегӯянд, ӯ ҳамеша аз аксгириҳои ҷамъӣ парҳез мекард ва пас аз боздошташ натавонистаанд, ки аксеро аз ӯ пайдо кунанд. Ба қавли онҳо, ӯ кори магистириву номазадиашро дар Тоҷикистон анҷом дода, моҳи июн бояд рисолаи докториро ҳимоя мекард.

Бино ба ин манобеъ, Алӣ Иброҳим Мансур низ беш аз 60 сол дошта, соли 2008 ба Тоҷикистон омадааст. Аввал дар Донишкадаи исломӣ аз улуми исломӣ ва забони арабӣ ва як соли ахир дар Донишгоҳи миллӣ дарс мегуфт.

Бино ба иттилои Суди Олӣ, аъзои созмони “Бародарони мусулмон” (Созмони мамнӯъ дар Русия ва Тоҷикистон) аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

Маълум нест, ки ду мисрӣ аз рӯи кадом моддаҳо муттаҳам мешаванд. Бино ба иттилои Прокуратураи генералии Тоҷикистон, то ба ҳол 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) боздошт шуда, 73 нафари дигар дар кофтуков қарор доранд.

390
Барчаспҳо:
боздошт, "Ихвонулмуслимин", Тоҷикистон, Суди Олӣ
День 28 сентября

Ҷашнҳои рӯзи 28 сентябр дар Тоҷикистон ва ҷаҳон

7
(Таҷдидшуда 19:44 27.09.2020)
Рӯзи бисту ҳаштуми сентябр ҳамчун Рӯзи байналмилалии баҳр мебошад. Ҳамчунин Рӯзи умумиҷаҳонии мубориза бар зидди бадҷаҳлӣ низ 28 сентябр ҷашн гирифта мешавад

Рӯзи 28 сентябр дар ҷаҳон чӣ рух дод

Соли 1950 Индонезия ба ҳайати СММ шомил шуд.

Соли 1960 дар Созмони Шартномаи Атлантикаи Шимолӣ фармондеҳии ягонаи қувваҳои ҳарбӣ-ҳавоӣ таъсис дода шуд.

Соли 1992 аввалин маротиба маъракаи даъват ба сафи қувваҳои мусаллаҳи Русияоғоз гардид.

Рӯзи 28 сентябр дар Тоҷикистон чӣ рух дод

Соли 2002 дар шаҳри Душанбе комиссияи байниҳукуматии Тоҷикистону Ӯзбекистон оид ба тақсимот ва муайянкунии сарҳади давлатӣ ба кори худ оғоз кард, ки то 5 октябр давом ёфт.

День 26 сентября
© Sputnik / Стас Этвеш / Вишнякова Мария

Соли 2010 дар шаҳри Душанбе оид ба ҳамкории иқтисодӣ ва тиҷоратии Тоҷикистону Қазоқистон форуми тиҷоратӣ баргузор гардид.

Соли 2012 Президенти Тоҷикистон Эмомалӣ Раҳмон Лоиҳаи Қонуни конститутсионии Ҷумҳурии Тоҷикистон "Дар бораи тартиби ҳалли масъалаҳои сохти марзиву маъмурӣ" ва Қонуни Ҷумҳурии Тоҷикистон "Дар бораи фаъолияти савдо ва хизматрасонии маишӣ"-ро маъқул дониста, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод  карданд.

Ҷашнҳои рӯзи 25 сентябр дар Тоҷикистон ва ҷаҳон

Соли 2015 дар Иёлоти Муттаҳидаи Амрико Эмомалӣ Раҳмон  дар муколамаи интерактивии Саммити 2015 оид ба мавзӯи "Ба хотири ҳифзи сайёраи мо ва дар ҷодаи мубориза бо тағйирёбии иқлим" суханронӣ карда буданд.

Соли 2016 дар шаҳри Хуҷанд ҷаласаи 14-уми Кумитаи роҳбарони воҳидҳои ҳифзи ҳуқуқи Шӯрои роҳбарони Хадамоти гумруки кишварҳои аъзои Иттиҳоди Давлатҳои Мустақил баргузор гардид.

Соли 2017 дар Театри давлатии академии опера ва балети ба номи С.Айнӣ ба ифтихори 25 – солагии барқарорсозии муносиботи дипломатӣ байни ду давлат барномаи фарҳангии «Шоми дӯстии Тоҷикистону Корея» баргузор гардид.

Соли 2017 Барномаи рушди кино дар Ҷумҳурии Тоҷикистон қабул гардид.

Соли 2018 дар шаҳри Душанбе ҷаласаи Шӯрои сарони давлатҳои аъзои Иттиҳоди Давлатҳои Мустақил баргузор гардид.

Ҷашнҳои рӯзи 28 сентябр

  • Рӯзи байналмилалии баҳр.
  • Рӯзи умумиҷаҳонии мубориза бар зидди бадҷаҳлӣ.
  • Дар Русия – Рӯзи кормандони саноати атомӣ.

Рӯзи 28 сентябр дар Тоҷикистон кӣ ба дунё омадааст

Солҳои (1898-1940) Ходими давлатӣ Сурен Шадунс.

Соли 1951 Риёзидон  Сайфулло Бобоев.

Соли 1954 доктори илмҳои таърих, профессор Музаффар Олимов.

Соли 1957 Ходими намоёни давлатӣ Муҳаммад Шарифов.

7
Барчаспҳо:
ҷашн, ҷаҳон, Тоҷикистон
Мужчина в защитной маске

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

370
Вазорати тандурустии Тоҷикистон омори як рӯзи ахир аз фавту шифоёбӣ ва мубталошавии сокинон ба коронавирусро нашр намуд

ДУШАНБЕ, 27 сен — Sputnik. Шабонарӯзи гузашта дар Ҷумҳурии Тоҷикистон боз 41 ҳолати ҷадиди сироятшавӣ ба маризии коронавирус сабт гардид, хабар медиҳад Вазорати тандурустӣ.

Ба иттилои манбаъ, дар як шабонарӯзи охир 93 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Вазорат теъдоди умумии гирифторони маризии коронавирусро ба 9 646 нафар арзёбӣ кард.

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

Ҳамзамон, то санаи  27 сентябр дар мамлакат  8430 ё 87, 4 дарсади беморон аз COVID-19 шифо ёфта,  бар асари он 75 нафар фавтидаанд.

Зимнан, Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

370
Мавзуҳо:
Пайомадҳои COVID-19 дар Тоҷикистон ва ҷаҳон