Омори COVID -19 дар Суғд: 1891 мариз шифо ёфтанду 16 нафар фавтиданд

318
(Таҷдидшуда 22:54 21.07.2020)
Раёсати тандурустии вилояти Суғд омори шифоёбӣ ва фавт аз мубталошавии сокинон ба бемории коронавируси навъи COVID-19 ро шарҳ дод

ДУШАНБЕ, 21 июл – Sputnik. Фаррух Мақсудзода, сардори Раёсати тандурустии Суғд дар нишасти матбуотӣ мавридҳои гирифторӣ, табобат ва фавт аз пандемияи COVID -19 давоми ду моҳи гузашта дар Суғдро шарҳ дод.

"Аз санаи 30-уми апрел то 1 -уми июл дар вилояти Суғд 1938 нафар сироятёфтаи бемории COVID-19 ба қайд гирифта шуда, аз ин теъдод 1891 нафар шифо ёфта, 16 нафар фавтидаанд. Айни замон 31 нафар дар муолиҷа қарор доранд", - гуфт Мақсудзода.

Сардори Раёсати тандурустии Суғд афзуд, дар замони шуюъи бемории коронавирус дар ҳудуди вилоят панҷ дармонгоҳ барои муолиҷа боз карда шуд.

Таваллудхонаи шаҳри Хуҷанд, бемористони клиникавии Суғд воқеъ дар Хуҷанд, беморхонаи сироятии Хуҷанд, бемористони ноҳиявии Бобоҷон Ғафуров воқеъ дар ҷамоати Ҳайдар Усмонов ва бемористони шаҳри Бӯстон аз шумори дармонгоҳҳое будаанд, ки беморони COVID-19 дар онҳо ба табобат фаро гирифта шудаанд.

Тоҷикистон ба сабаби коронавирус натавонист 363 миллион сомонӣ қарзу грант гирад

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон рӯзи 30-уми апрел бори аввал аз дарёфти 15 мавриди бемории каронавируси навъи COVID-19 дар кишвар хабар дод, ки 10 ҳолати он дар вилояти Суғд ба қайд гирифта шудааст.

Фаррух Мақсудзода, сардори Раёсати тандурустии Суғд дар посух ба суоли рӯзноманигорон гуфт, 10 ҳолати ибтидои беморӣ дар асоси посухи тестҳо маълум шудааст, ки барои ташхис онҳо ба шаҳри Душанбе фиристода мешуд.

"Он замон ташхиси вазъи беҳдоштии сокинони шаҳру ноҳияҳои Хуҷанд, Бобоҷон Ғафуров ва Ҷаббор Расулов анҷом дода мешуд", - гуфт сардори Раёсат.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то санаи 20 июл дар мамлакат шумораи гирифторони бемории навъи COVID-19 ба 6921 нафар баробар гардида, аз ин беморӣ 5629 нафар ё 81,3% шифо ёфта, бар асари он то ин вақт 57 нафар фавтидаанд.

318
Барчаспҳо:
маризӣ, омор, Суғд
День 29 сентября

Ҷашнҳои рӯзи 29 сентябр дар Тоҷикистон ва ҷаҳон

36
(Таҷдидшуда 19:26 28.09.2020)
Рӯзи бисту нӯҳуми сентябр ҳамчун Рӯзи умумиҷаҳонии дил ба ҳисоб меравад. Ҳамчунин ин рӯз ҳамчун Рӯзи байналмилалии духтури касалиҳои гӯшу гулӯю бинӣ мебошад

Рӯзи 29 сентябр дар ҷаҳон чӣ рух дод

Соли 1829 дар шаҳри Лондон бо фармони Вазири вақти корҳои дохилии ин шаҳр Роберт Пиля политсияи гражданӣ таъсис дода шуд.

День 28 сентября
© Sputnik / Стас Этвеш / Вишнякова Мария

Соли 1973 дар натиҷаи заминҷунбӣ дар Мексика  зиёда аз 700  нафар ба ҳалокат расиданд.

Соли 2000 марди 93-солаи австриягӣ куҳансолтарин одами дунё маҳсуб меёфт, ки мехост ҳуҷҷати ронандагӣ ба даст орад.

Рӯзи 29 сентябр дар Тоҷикистон чӣ рух дод

Соли 1926 ноҳияҳои Айнӣ, Ашт ва  Нов (ҳозира Спитамен) ташкил ёфтанд.

Соли 2011 ширкати ҳавопаймоии "Сомон Эйр" ҳавопаймои нави худ — "Боинг 737-900"-ро муаррифӣ намуд, ки он дар фазои ИДМ нав пайдо шуда буд.

 

Самолет компании Сомон Эйр, архивное фото
Самолет компании "Сомон Эйр", архивное фото

 

Соли 2013 бо иштироки Эмомалӣ Раҳмон дар Ҷамоати деҳоти Шугноби ноҳияи Ховалинг мактаб-интернат барои 320 нафар хонанда бо хобгоҳ ва хонаи истиқоматӣ барои омӯзгорон мавриди баҳрабардорӣ қарор дода шуд.

Соли 2015 ба будубоши дивизияи 201-уми ҳарбии Федератсияи Русия дар Тоҷикистон  70 сол пур шуд.

Ҷашнҳои рӯзи 27 сентябр дар Тоҷикистон ва ҷаҳон

Соли 2015 Президенти Тоҷикистон Эмомалӣ Раҳмон дар шаҳри Ню-Йорки ИМА дар мубоҳисоти умумии Иҷлосияи 70-уми Маҷмаи Умумии Созмони Милали Муттаҳид суханронӣ ва диққати аҳли сайёраро ба ҳалли масъалаҳои ҷаҳонии умумибашарӣ ҷалб намуданд.

Соли 2016 дар Қасри Миллат Эмомалӣ Раҳмон  бо Дабири кулли Созмони Аҳдномаи амнияти дастаҷамъӣ Николай Бордюжа мулоқот карданд.

 

Встреча Эмомали Рахмона с генеральным секретарем ОДКБ Николаем Бордюжей
Встреча Эмомали Рахмона с генеральным секретарем ОДКБ Николаем Бордюжей

 

Соли 2016 бинои нави Сарраёсати консулии Вазорати корҳои хориҷии Ҷумҳурии Тоҷикистон ба истифода дода шуд.

Соли 2016 ВАО хабар доданд, ки Тоҷикистон дар раддабандии нави Форуми байналмилалии иқтисодӣ зинаи 77-умро соҳиб шуд.

Ҷашнҳои рӯзи 29 сентябр

  • Рӯзи умумиҷаҳонии дил.
  • Рӯзи байналмилалии духтури касалиҳои гӯшу гулӯю бинӣ.
  • Рӯзи Конститутсия дар Бруней.

Рӯзи 29 сентябр дар Тоҷикистон кӣ ба дунё омадааст

Солҳои (1921-1994)  Шоир Ҳамдам Ҷура.

Соли 1925 Ҳунарманди халқии Тоҷикистон  Нисон Шоулов.

Соли 1951 Қаҳрамони олимпӣ Юрий Лобанов.

Соли 1982 Варзишгар Расул Боқиев.

36
Барчаспҳо:
ҷаҳон, ҷашн, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

2710
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

2710