Похороны человека умершего от заражения вирусом, архивное фото

Илтиҳоби шуш ё COVID -19? Ба оилаи 4 устоди фавтидаи донишгоҳи Бохтар 6000 сомонӣ дода шуд

464
(Таҷдидшуда 19:30 21.07.2020)
Ректори донишгоҳи Бохтар мегӯяд, ду омӯзгори ин муассиса гӯё аз маризии коронавирус фавтидаанд, аммо ба таври расмӣ ташхиси онҳо аз ин беморӣ собит нашудааст

ДУШАНБЕ, 21 июл — Sputnik. Чор устоди Донишгоҳи давлатии Бохтар дар шаш моҳи ахир ҷон бохтанд. Гуфта мешавад ду омӯзгор маҳз аз маризии коронавирус даргузаштанд.

Панҷ устоди Донишгоҳи тиббии Тоҷикистон аз коронавирус ҳалок шуданд

Дар ҳамин ҳол, имрӯз ректори донишгоҳи мазкур Давлатзода Сайфиддин дар ҷамъи хабарнигорон фавти 4 омӯзгорашро тасдиқ карда гуфт, ки сабаби фавти ду омӯзгори донишгоҳи онҳо гӯё ин гирифторӣ ба бемории коронавирус будааст.

"Аммо ростӣ дар бораи оне, ки онҳо аз бемории ҳамагир фавтидаанд, ягон ташхис надорем", - афзудаст Давлатзода.

Зимнан, манобеи "Pressa. tj" аз қавли Маҳмадкарим Шарифов, раиси кумитаи иттифоқи касабаи Донишгоҳи давлатии Бохтар хабар медиҳад, ки сабаби фавти ду омӯзгор бемории илтиҳоби шуш ва ду нафари дигар аз ҳисоби дигар беморӣ аст.

Манбаъ меафзояд, маъмурияти донишгоҳ ба оилаҳои омӯзгорони фавтида дар умум шаш ҳазор сомонӣ кӯмаки яквақта расонидааст.

Қаблан ректори Донишгоҳи тиббии Тоҷикистон зимни нишасти хабарӣ тасдиқ намуд, ки панҷ омӯзгори ин донишгоҳ аз ҳисоби мубталошудан ба маризии коронавирус фавтиданд.

464
Барчаспҳо:
фавтида, Бохтар, донишгоҳ, омӯзгорон, маризӣ
Милиционеры в Душанбе, архивное фото

Капитану подполковник, майорро латукуб намуданд: парвандаи ду масъули баландпояи Суғд

9
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

9
Барчаспҳо:
парванда, латукӯб, Суғд
Пустое кресло

Тағйироти кадрӣ дар дастгоҳи раиси Бадахшон: Улфатшоев вазифаи нав гирифт

204
Раиси Вилояти Мухтори Кӯҳистони Бадахшон Файзов Ёдгор дар ҳайати дастгоҳаш тағйироти кадрӣ гузаронд

ДУШАНБЕ, 25 сен - Sputnik. Бо қарори Файзов Ёдгор раиси ВМКБ, Улфатшоев Ҷангибек Мирзоевич аз вазифаи ишғолкардаи худ канор рафт.

Номбурда дар асоси қарори раиси вилоят, аз вазифаи сармутахассиси бахши иттилоотию таҳлилии дастгоҳи раиси ВМКБ озод гардид.

Раҳмон гуфт, на ҳамеша аз рӯи ахбори пешниҳодшуда ба ӯ кор мекунад-видео

Бар хабари котиботи раиси ин вилоят, Улфатшоев Ҷангибек дар асоси қарори раис ба мансаби муовини сардори Раëсати маориф таъйин карда шуд.

"Дар мақоми нав, Улфатшоев аз санаи 25 - уми сентябр ба ифои вазифа шурӯъ мекунад", - таъкид мешавад дар хабар.

Манбаъ меафзояд, Улфатшоев Ҷангибек давоми 9 сол дар дастгоҳи раиси вилоят ба вазифаҳои гуногун фаъолият намуда, аз соли 2007 узви Иттифоқи журналистон ва аз соли 2017 узви Иттифоқи нависандагони Ҷумҳурии Тоҷикистон мебошад.

204
Барчаспҳо:
тағйироти кадрӣ, ВМКБ