Перинатальный центр в Тамбове

Суғд: ду зани гирифтори COVID -19, кӯдакони солим таваллуд кардаанд

263
(Таҷдидшуда 15:33 22.07.2020)
Раёсати тандурустии вилояти Суғд хабар дод, ки ду ҳолати таваллудкунии занҳои дучори бемории COVID -19 сабт шудааст, ки вазъи саломатии навзодон қаноатбахш аст

ДУШАНБЕ, 22 июл – Sputnik. Сардори Раёсати тандурустии Суғд, Фаррух Мақсудзода, дар посух ба саволи рӯзноманигорон, мавридҳои таваллудкунии занони гирифтори бемории коронавируси навъи COVID-19 ро шарҳ дод.

“Ҳомилазанҳои гирифтори бемории коронавирус ду нафарро ташкил медоданд. Ҳар дуи онҳо дар беморхонаи ҷамоати Ёва дар ноҳияи Бобоҷон Ғафуров таваллуд карданд. Вазъи саломати кӯдаконашон дуруст аст ва худи модарон ҳам шифо ёфта, аз бемористон рухсат шудаанд”, - гуфт Мақсудзода.

Бино ба иттилоъи Фаррух Мақсудзода дар тӯли моҳҳои май ва июни соли ҷорӣ дар Суғд, 1938 мавриди сироятёбӣ ба бемории COVID-19 ба қайд гирифта шуда, аз ин шумор 1891 нафар шифо ёфта, 16 нафар фавтидаанд. Ҳоло 31 нафар дар бемористонҳои Суғд табобат мегиранд.

Сардори Раёсати тандурустии Суғд афзуд, дар замони шуюъи бемории коронавирус дар ҳудуди вилоят, панҷ дармонгоҳ барои муолиҷа боз карда шуд.

Таваллудхонаи шаҳри Хуҷанд, бемористони клиникавии Суғд воқеъ дар Хуҷанд, беморхонаи сироятии Хуҷанд, бемористони ноҳиявии Бобоҷон Ғафуров воқеъ дар ҷамоати Ҳайдар Усмонов ва бемористони шаҳри Бӯстон аз шумори дармонгоҳҳое будаанд, ки беморони COVID-19 дар онҳо ба табобат фаро гирифта шудаанд.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон рӯзи 30-уми апрел бори аввал аз дарёфти 15 мавриди бемории каронавируси навъи COVID-19 дар кишвар хабар дод, ки 10 ҳолати он дар вилояти Суғд ба қайд гирифта шудааст.

Мақсудзода, сардори Раёсати тандурустии Суғд дар нишасти хабарӣ гуфт, 10 ҳолати сабти ибтидои ин беморӣ дар асоси посухи тестҳо маълум шудааст, ки он вақт маълум намудани вазъи беҳдоштии сокинони шаҳру ноҳияҳои Хуҷанд, Бобоҷон Ғафуров ва Ҷаббор Расулов ба шаҳри Душанбе фиристода мешуд.

263
Барчаспҳо:
навзод, саломатӣ, зан, таваллудхона, таваллуд, Суғд, Тоҷикистон
Люди в защитных масках в Душанбе, архивное фото

Омори нави гирифторӣ, шифо ва фавт аз COVID-19 дар Тоҷикистон

265
То санаи 20 сентябр дар мамлакат 8108 (86,7%) нафар аз бемории COVID-19 шифо ёфта, бар асари он 73 нафар фавтидаанд.

ДУШАНБЕ, 20 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмӯъ шумораи гирифторони ин беморӣ ба  9346  нафар баробар гардид.

Бино бар иттилои манбаъ, дар як шабонарӯзи охир 115 нафар гумонбарон зери назорати табибон қарор дошта, 42 нафар баъд аз муолиҷа ба хонаҳояшон рухсат дода шуданд.

Ҳамзамон, то санаи  20 сентябр дар кишвар  8108  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

265
Школьники в новой школе района Рудаки

Озмун барои дарёфти стипендияи президентӣ: 10 нафар пирӯз шуданд

79
Аз 16 то 24 сентябр бо ташаббуси Кумитаи кор бо ҷавонон дар тамоми шаҳру ноҳияҳои мамлакат озмун барои дарёфти стипендияи президентӣ гузаронида мешавад

ДУШАНБЕ, 20 сен — Sputnik. Дар Кӯлоб дар озмун барои дарёфти стипендияи президентӣ 10 нафар пирӯз шуданд, гузориш медиҳад Вазорати маорифи Тоҷикистон.

Бино бар иттилои манбаъ, дар шаҳри Кӯлоб барои дарёфти стипендияи президентӣ байни хонандагону донишҷӯёни муассисаҳои таҳсилоти умумии ибтидоӣ ва миёнаи касбӣ озмун оғоз гардид.

Дар он 24 нафар довталабоне, ки танҳо бо баҳои аъло таҳсил намуда истодаанд, иштирок намуда, аз миёни онҳо 10 нафар ҳамчун гирандагони Стипендияи президентӣ муайян мегарданд.

Аз 16 то 24 сентябр бо ташаббуси Кумитаи кор бо ҷавонон ва варзишшаҳру ноҳияҳои кишвар озмун барои дарёфти стипендияи президентӣ гузаронида мешавад.

Озмуни мазкур ба тарзи шаффоф гузаронида шуда, дар он ба савияи дониш ва лаёқати довталабон диққати асосӣ дода мешавад.

Рустами Эмомалӣ барои барандаҳои стипендия ним миллион сомонӣ ҷудо кард

Ҳадаф аз баргузории озмун  дастгирии моддиву маънавӣ, пайдо намудани хонандагони болаёқату фаъол ва бедорсозии ҳисси хештаншиносии наврасону ҷавонон мебошад.

79

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0