Граница между Кыргызстан и Казахстаном

Роҳи ҷадид: содироти молу коло аз Эрон ба Тоҷикистон ва Қирғизистон аз масири Афғонистон

1552
(Таҷдидшуда 18:37 26.07.2020)
Мудири кулли транзити гумруки Эрон аз ифтитоҳи коридори ҷодаии Эрон-Афғонистон-Тоҷикистон-Қирғизистон (KTAI) бо ҳаракати мошинҳои боркаши ҳомили коло аз Эрон ба Тоҷикистон ва Қирғизистон хабар дод

ДУШАНБЕ, 26 июл — Sputnik. Мустафо Оятӣ рӯзи якшанбе гуфт, коридори KTAI аз кишварҳои Қирғизистон, Тоҷикистон, Афғонистон ва Эрон ташкил шуда ва ба унвони масири кӯтоҳ ва ҷойгузин барои ирсоли коло аз бандарҳои ҷанубии Эрон ба кишварҳои Осиёи Миёна роҳандозӣ шудааст, иттилоъ додааст радиои Садои Хуросон.

Вай афзуд, ба манзури тавсеаи куридурҳои транзитӣ ва коҳиши тӯли роҳ ва ҳазинаи транзити коло ба мақсади кишварҳои Осиёи Миёна, фаъол кардани транзит ба Осиёи Марказӣ аз масири Афғонистон ва бо истифода аз "TIR carnet", дар дастури кори гумруки Эрон қарор гирифт.

"TIR carnet", санаде гумрукӣ аст, ки барои транзити байналмиллалии коло дар кишвари мабдаъ содир мешавад ва ба муҷиби он коло ба таври бастабандишуда аз хоки кишварҳои байни роҳ убур мекунад.

Тибқи муқаррароти "TIR carnet" то мақсад ниёзе ба анҷоми ташрифотии гумрукии марбут ба транзит дар марзҳои вурудӣ ва хуруҷии кишварҳо тибқи қавонини дохилии онҳо нахоҳад буд.

Мудири кулли транзити гумруки Эрон дар идома афзуд, панҷ мошини боркаш аз мабдаи Эрон аз тариқи Афғонистон ба мақсади Тоҷикистон ирсол шуд, ки бо анҷоми ташрифоти "TIR carnet" дар гумруки Дуғорун расман масири КТАИ ифтитоҳ шуд.

Вай гуфт, ду мошини боркаш низ нахустин бор аз гумруки бандари шаҳид Раҷоӣ дар ҷануби Эрон ба мақсади Қирғизистон дар коридори КТАИ ирсол шуд.

Гуфтнӣ аст таваққуфи пазириши мошинҳои боркаш  дар марзҳои Туркманистон, фаъолиятҳои ҳамлу нақл ва тиҷориро байни Эрон ва Осиёи Миёна қатъ карда буд, ки бо роҳандозии коридори КТАИ фаъолияти тиҷории ҷодаӣ дар ин минтақа аз сар гирифта шуд.

1552
Барчаспҳо:
содирот, Қирғизистон, молу коло, боркаш, мошин, Эрон, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

22
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

22
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

184
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

184
Барчаспҳо:
боздошт, ноболиғ, дуздӣ, Истаравшан