Таджикские деньги, архивное фото

Қарздорони калон дар Суғд: мақомот ном ба ном гуфтанд

1077
(Таҷдидшуда 18:42 26.07.2020)
Мақомоти идораи нозироти андоз дар вилояти Суғд аз афзоиши қарзҳои бузург таъкид намуда гуфтанд, ки кадом корхонаҳо чи миқдор қарзи то ин дам пардохтнашудаи андозӣ доранд

ДУШАНБЕ, 26 июл – Sputnik. Абдуқаюм Воҳидов, сардори Раёсати нозироти андози Суғд ба суоли рӯзноманигорон дар бораи қарздортарин ширкату коргоҳҳо аз пардохти андоз посух гуфт. Номбурда зикр кард, ки дар ин давра, қарздорон маблағи андозро пардохт карда натавонистанд ва мизони қарздорӣ аз ҳисоби корхонаҳо зиёд шуд.

 “Фурудгоҳи байналмиллалии Хуҷанд” ба ҳолати имрӯза зиёда 14 милион сомонӣ, “Кони ангишт” назар ба моҳи январ 1, 5 милион сомонӣ қарзаш зиёд шуда, ҷамъ ҳоло 18 милион сомонӣ қарз дорад, “Фузулоти нодири Тоҷикистон” наздик ба 9 милион сомонӣ қарз дорад, “Оби зулол” қариб 2 милион сомонӣ, Корхонаи воҳиди давлатии манзилию комуналии шаҳри Хуҷанд 2, 9 милион сомонӣ, Корхонаи воҳиди давлатии “Хуҷандобуканал” 1, 7 милион сомонӣ, Корхонаи воҳиди давлатии кабутизоркунӣ ва гулпарварии Хуҷанд қариб 1, 6 милион сомонӣ қарзӣ андозӣ доранд. Аз ҳисоби харидуфурӯш “Капитал Т” 1 милион сомонӣ, “Садбарг” и Истаравшан 1, 8 милион сомонӣ, “Сафарӣ” 744 ҳазор сомонӣ нисбати аввали сол маблағи қарзи андозро зиёд кардаанд”, - гуфт Воҳидов.

Кормандони мақомоти нозироти андоз дар вилояти Суғд бо қабули 1531 қарор, давоми шаш моҳи соли ҷорӣ 40, 1 милион сомонӣ қарзи андозҳоро рӯёнидаанд.

Бино ба иттилоъи Раёсати андоз, ҳоло бақияи қарзи андозҳо дар миқёси вилоят (бе назардошти Нозироти андозсупорандагони калон) 85, 3 милион сомониро ташкил медиҳад, ки ин рақам нисбат ба аввали соли ҷорӣ 323, 9 ҳазор сомонӣ зиёд аст.

Ба ҳолати аввали моҳи июл, ҳаҷми қарзи андозсупорандагони хурд 85, 3 милион сомонӣ ва аз ҳисоби андозсупорандагони калон ба 55, 8 милион сомонӣ баробар шудааст.

1077
Барчаспҳо:
мақомот, пардохт, қарздор, андоз, Суғд, Тоҷикистон

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

228
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

228
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

33
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

33
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон