Рақси тоҷиконаи "Наврӯз" дар Олимпиадаи - 80: қадбаланду мӯйдарозҳо интихоб шуданд

283
(Таҷдидшуда 22:07 29.07.2020)
Дар маросимим ифтитоҳи Олимпиадаи солҳои 80 ҷавонони тоҷик рақси "Навруз"- ро иҷро намуданд. Яке аз иштирокчиён дар мавриди рақси намояндагони Тоҷикистон ба Sputnik қисса кард

Майсара Бобоҷонова яке аз иштирокчиёни рақси "Наврӯз" дар ифтитоҳи Олимпиадаи - 80 буд. Ӯ он замон донишҷӯи Донишгоҳи тиббии Тоҷикистон буд ва орзуи пизишки кӯдакона шуданро дошт.

Майсара ба Sputnik Тоҷикистон бобати ҷалб шудани ӯ ба ин марака ва тамринҳои қалб аз баромади тимашро нақл кард.

Гузаронидани рақси тоҷикӣ дар Олимпиада як масъалаи муҳими давлатӣ мебошад

Рақси намояндагони Тоҷикистон дар майдони "Лужники" ҳамагӣ ду дақиқа давом кард, аммо омодагӣ ба ин рақс рӯзу ҳафтаҳо тӯл кашид. Тоҷикистонро дар ин чорабинӣ на рақосони ҳирфаӣ, балки духтарони оддӣ, донишҷӯёни донишгоҳҳои гуногун ташкил медоданд. Ва рақсе, ки дар майдони "Лужники" ба намоиш гузошта шуд, ҳақиқатан ҳам мардумӣ буд.

Тирамоҳи соли 1979 баллетмейстер Рамзия Баккал аз пайи пайдо кардани истеъдодҳои ҷавон шуд. Чун замон, ӯ ҳамчун ҳунарманд ва мураббӣ дар соҳаи рақс ном бароварда буд ва аз ҷониби роҳбарияти он замон супориш гирифт, ки дар Олимпиадаи 80 намунае аз рақси тоҷикона пешниҳоди мардум мекунад.

Майсара Бабаджанова на Красной площади всем коллективом
из личного архива Майсары Бабаджановой
Майсара Бобоҷонова дар майдони Сурх бо ҳамроҳии тамоми даста аз ҶШС Тоҷикистон

Муррабӣ барои пайдо кардани раққосони ҷавон дар донишгоҳҳо озмунҳо баргузор мекард ва бартариро аслан ба духтарони қадбаланд ва муйдароз медод.

"Ба озмун хоҳишмандони зиёд омаданд. Мураббӣ тарзи рақс кардану табассум намуданро талаб мекард. Ҳар кас маҳорати худро нишон медод. Озмун бисёр ҷиддӣ ва боинсофона буд", - ба ёд меорад иштирокчӣ.

Мураббӣ танҳо нафарони боистеъдодро интихоб мекард. Новобаста аз ному насабу макони ҷуғрофӣ. Дар умум беш аз 200 нафар дар озмун иштирок мекарданд.

"Хулас, аз ҳардонишгоҳ 7- 8 нафарӣ донишҷӯёнро интихоб мекарданд. Дар Донишгоҳи тиббӣ 6 духтарро интихоб карданд, ки ман низ миёни онҳо будам ва аз мобайни онҳо аз ҳама бузургтар. Аллакай дар бахши 5 - ум таҳсилмекардам", - нақл кард Майсара.

Холисона, идона ва рекордӣ: Олимпиадаи солҳои 80 - ум дар Маскав - нодиртарин аксҳо

Муаррифӣ кардани Тоҷикистон дар як чорабинии сатҳи ҷаҳонӣ аз як ҷониб агар хурсандиовар ва боиси фараҳмандӣ буд, аз ҷониби дигар дар Тоҷикистон аслан рақси духтарро дар байни омма чандон написандиданд. Ва падари Майсара низ нахуст муқобил буд, аммо чун ин чорабинӣ дар сатҳи ҷаҳонӣ буд ва супориши бевоситаи ҳукумат буд, аз ин рӯ хонаводаи ӯ ҷавоби мусбат доданд.

 

Майсара Бабаджанова в репетиционном костюме
из личного архива Майсары Бабаджановой
Майсара Бобоҷонова ҳамгони машқи рақс

 

"Роҳбарияти донишгоҳ супориш гирифтаанд, ки барои иштироки мо дар ин чорабиниҳо ва омодагӣ дидан, тамоми шароит муҳайё созанд. Декани сахтгири мо бевосита ҳамарӯза ҳузури моро дар омодагӣ ба олимпиада тафтишу назорат мекар", - изҳор дошт Бобоҷонова.

Омодагии духтарони навқалам ба рақс ҳудуди ним сол тӯл кашид. Ҳафтае ду маротиба духтарон дар толори варзишии Донишгоҳи политехникӣ ҷамъ шуда, бо ташаббуси Рамзия ба тамрин машғул мешуданд. Ӯ сидқанд ҳамаи духтаронро дастгирӣ мекард ва ҳунари рақосагиро бо тамоми нозукиҳояш ба онҳоёд медод.

Олимпидаро то ҳол дар хоб мебинад: таассуроти милитсионери тоҷик аз Маскав дар солҳои 80

Майсара мегӯяд, мураббӣ бисёр серталаб буд, ва кӯшиш мекард, санъати ҷолои тоҷиконаро дар замири мо ҷой диҳад, то мо тавонем дар чорабинии сатҳи ҷаҳонӣ фарҳанги Тоҷикистонро ба ҷаҳониён муарифӣ кунем.

Мураббӣ тасмим гирифт, ки дар Олимпиада рақси тоҷикона бо либосҳои рангорангу пурҷилои тоҷикӣ намоиш дода мешавад.

Майсара Бабаджанова в репетиционном костюме
из личного архива Майсары Бабаджановой
Майсара Бобоҷонова дар пироҳанӣ рақсӣ

"Либосҳои мо ҳама пурҷило буданд, аммо ягон аъзои бадани мо намоён набуд. Мо либоси арӯсони тоҷикро муаррифӣ менамудем. Бо ин либос нафосату тозагӣ ва шарму ҳаёи тоҷикдухтаронро ифода мекардем. Ин пироҳан бароям беҳад писан буд, аммо мутаассифона онро баргардондам. Рақси мо ҳам бисёр олиҷаноб буд".

Ягонагӣ дар рақс ва тасвири зинда аз ҷониби тамошобинон

Дар охири моҳи майи соли 1980, ансамбли рақси аз Душанбе ба Маскав омад. Раққосон, омӯзгорон ва ҳама касоне, ки дар маросими кушоиши Олимпиада омодагӣ мебинанд, дар хобгоҳи Донишкадаи авиатсионӣ ҷойгир карда шуданд. Ҷавонон аз ҳамаи 15 ҷумҳурии Шӯравӣ дар як ҷо зиндагӣ мекарданд. Ҳар як гурӯҳ рақсҳои миллии худро такрор карданд.

Ним моҳ дар ҳудуди донишгоҳ тамрин мекарданд. Он сол боду ҳавои Маскав ҳам бисёр мусоид буд ва мо бо куртаҳои атлас дар ҳавои кушод мерақсидем.

Дар вақтҳои холигӣ, ба меҳмонон шаҳрро нишон медоданд. маконҳои таърихӣ ва диданибоб диққати онҳоро ҷалб мекард.

Номбардорони Тоҷикистон дар Олимпиадаи соли 1980

Дар ниҳоят, санаи муҳими таърихӣ расид: 19 июли соли 1980. Ҳазорон тамошобин аз тамоми ҷаҳон дар варзишгоҳи Лужники ҷамъ омадаанд. Чорабинии асосии варзишии Иттиҳоди Шӯравиро мардуми бисёрмиллиони он пешниҳод карданд. Ин маъруфияти маросими кушодашавӣ буд: ҳар як республика рақсеро нишон дод, ки фарҳанги фарқкунандаеро инъикос мекунад. Ҳар як ансамбл хуруҷи худро дорад, ҳама чиз ба нақша гирифта шудааст, дақиқа ба дақиқа.

"Иштирокчиёне буданд, ки дар толор нишаста парчамҳои ҳар як ҷумҳуриро тасвир мекарданд. Масалан, вақте, ки дастаи Тоҷикистон ба майдон баромад дар толор рангҳои ҳамҷояро боло намуда парчами Тоҷикистон ҳувайдо мешуд". 

Дар майдон бошад аснои баромад даҳҳо нафар иштирок намуда, зери мусиқии тоҷикӣ дасту по мекӯфтанду рақс мекарданд.

"Тамоми ҷаҳон тамошо кард ва ин ду дақиқа соатҳои беҳтарини Тоҷикистон буданд. Вақте ки ҳамаи 15 ансамбл рақси якхеларо сар карданд, мо ин рақсро дар Маскав якҷоя тамрин мекардем. Дар ин рақс мо - намояндагони ҷумҳуриҳои мухталиф, ҳамчун рамзи тамоми кишвар якҷоя шудем ", - мегӯяд зан.

Пас аз анҷоми баромад, иштирокчиёнро савори автобус карда таҳти назорати мақомоти қудратӣ ба хобгоҳ оварда шуданд. Муттассифона имкони то охир тамошо кардани чорабиниро надоштем.

Майсара Бабаджанова на Красной площади всем коллективом
из личного архива Майсары Бабаджановой
Майсара Бобоҷонова дар майдони Сурх бо ҳамроҳии тамоми даста аз ҶШС Тоҷикистон

Майсара пас аз анҷоми олимпиада бозичаҳои гуногун, ки ифодагарӣ ин чорабинӣ буданд, харидорӣ намуд. Намояндагони Тоҷикистон баъди Олимпиада муддати ду рӯзи дигар обу ҳавои Маскавро нафас мекашиданд ва сипас ба ватан гусел шуданд.

Рақс бо омезиши касб ва дигарбора баргаштан ба майдон

Мусобиқаи олимпӣ барои Бобоҷонова садди роҳи нагирифтани гувоҳномаи хатми донишгоҳаш нашуд. Ӯ бо муваффақият донишгоҳро хатм кард ва аз рӯи ихтисоси худ машғул ба кор шуд.

Аммо дилгармии ӯ ба ҳунари рақс гум нашуд ва борҳо аз номи муаасисае, ки дар он ҷо кор мекард дар чорабиниҳо иштирок ва дар саҳна рақс мекард.

"Солҳои пеш баргузор кардани чорабиниҳои ҷамъиятӣ як амри маъмулӣ буд. Нафаре дар гитор менавохту дигаре суруд мехонд ва ё саҳнаҳои театриро омода мекарданд. Ман бошад ҳунари зебо рақсиданро ёд медодам. Бо ин аъмол, мо сарборӣ ва аз кори мушкили худ каме роҳат мекардем", - ба ёд меорад ӯ.

Бо пош хӯрдани ИҶШС зиндагии Майсара комилан маҷрои дигар касб кард. Оилаи ӯ тарки Тоҷикистон кард ва муддате дар Тошканд зиндагӣ мекарданд. Ҳамсараш кор ёфт ва худи ӯ низ дар яке аз полеклиникаҳои Тошканд ба кор даромад. Самараи хуби меҳнати ӯро профеесори ӯзбек дида ӯро ба кор даъват кард ва зимнан кори илмӣ гирифту бомуваффақият онро ба сомон расонд.

Сипас Бобоҷонов ҳамроҳи оилаи худ ба шаҳри Маскав кӯчиданд.

Майсара Бабаджанова на работе
из личного архива Майсары Бабаджановой
Майсара Бобоҷонова дар ҷойи кор
"Дар Ӯзбекистон гирифтани шаҳрвандӣ барои мо муяссар нашуд ва тамоми кӯшишу ғайрати мо барабас рафт. Сипас бо тавсияи наздикон бо шаҳрванди Русияро дарёфтем ва бо гузашти андак вақт комилан ба шаҳри Маскав кӯч бастем. Зиндагӣ аввал осон набуд, иҷора менишастем. Хушбахтона пизиш дар ҳама ҷо нон ва мавқеяшро пайдо мекунад. Ҳоло мо дар як хонаи калон дар Подмосковие зиндагӣ мекунем. Кӯдаконам калон ва соҳиби чанд набера ҳам шудам", - афзуд Майсара Бобоҷонова.

Чанд сол пеш, Майсара майдони Лужникиро давр зад ва лаҳзаҳои рӯи майдон омадани худро ба ёд овард.

"Ба ёд овардам, ки аз кадом тарафи майдон баромадам, ва чӣ гуна зери мусиқии ҷаззоб бо сари баланд рақс мекардему аз дунёи орому осуда меболидем".

Ҳоло Майсара дар доираи хешу пайвандон, дар маҳфилҳои ҷашнӣ зебову олӣ мерақсад.

"Ҳар боре, ки аз ман пурсон мешаванд, ки ингуна зебо ва бомаром ҳаракат кардан дар рақсро аз куҷо ёд гирифтӣ? - Зуд ҷавоб медиҳам, ки дар Олимпиадаи солҳои 80 иштирок карда, хуб рақсидам".

283

Марги як тоҷикистонии дигар аз COVID - 19: вазорат аз 41 ҳолати нави мубталошавӣ гуфт

402
(Таҷдидшуда 19:24 01.10.2020)
Шабонарӯзи гузашта дар Тоҷикистон аз маризии сироятии коронаиврус боз як дардманди дигар ҷон аз даст дод

ДУШАНБЕ, 1 окт – Sputnik. Вазорати тандурустии Тоҷикистон мегӯяд, шабонарӯзи гузашта дар кишвар як маризи коронавирус ба ҳалокат расид.

Ба иттилои котиботи вазорати мазкур, ҳамчунин рӯзи гузашта боз 42 ҳолати нави мубталошавии сокинон ба ин вирус сабт гардид.

Ба ҳамин минвол, аз 30 апрел то 1 октябр дар ҷумҳурӣ шумораи умуми маризони коронаиврус ба 9811 нафар баробар шуд.

Тоҷикистон шарҳ дод, ки чаро то ҳол аз Русия воксинаи зидди коронавирус дархост накардааст

Гуфта мешавад, то имрӯз дар мамлакат 8617  нафар ё худ 87,7 дарсади гирифторони COVID-19 шифо ёфта, аз ин беморӣ 77 нафар фавтидаанд.

Манбаъ тавзеҳ медиҳад, ки шабонарӯзи охир 71 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Ёдовар мешавем, ки рӯзи 30 - юми сентябр низ як ҳолати фавт аз ин беморӣ дар Тоҷикистон ба қайд гирифта шуд.

402
Барчаспҳо:
бемор, фавт, маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Новая мечеть в Душанбе

Тоҷикистон кай дари масоҷидро ба рӯи намозгузорон мекушояд?

358
(Таҷдидшуда 18:23 01.10.2020)
Дар Тоҷикистон ҳамоно дар робита ба авҷи маризии сироятии коронавирус дари масҷидҳо барои намозгузорон баста аст

ДУШАНБЕ, 1 окт – Sputnik. Дар Тоҷикистон ҳанӯз ҳам намозгузорӣ дар масҷидҳо номумкин аст, хабар медиҳад Парс тудей.

Манбаъ аз қавли Эмомалӣ мирзоев сухангӯи Вазорати тандурустии Тоҷикистон хабар медиҳад, ки ба далели калонсол будани синну соли аксар намозгузорон дар кишвар, ҳоло санаи дақиқи бозкушоӣ шудани дари масҷидҳо номаълум аст.

Мирзоев мегӯяд, одамони калонсол ба гурӯҳи хатар шомилан ва аз ин рӯ ин масъала ҳоло мавриди баррасӣ қарор нагирифтааст.

Зимнан, сухангӯи Кумитаи дин Афшини Муқим низ таъкид кардааст, ки риояти фосилаи иҷтимоӣ дар масҷидҳо кори сахт мебошад.

Нахустин намоз дар масҷиди Оя София - пахши мустақим

Ӯ мегӯяд, дар сурати беҳ шудани вазъи коронавирус дар Тоҷикистон ва фароҳам овардани шароити хуб дар масоҷид, ин масъала ҳалли худро пайдо мекунад.

Ёдовар мешавем, масҷидҳои Тоҷикистон аз рӯзи 18 апрели соли ҷорӣ тибқи дастури Шӯрои уламои исломии  кишвар ва тавсияҳои Ситоди муқобила бо вируси корона барои ҷилавгирӣ аз густариши коронавирус, баста шуд.

Қаблан, Тоҷикистон дари тарабхонаву қаҳвахонаҳоро низ баста буд. Аммо сар аз 15 - уми июл фаъолияти тарабхонаҳо аз сар гирифта шуд ва баргузории тӯю маъракаҳои хурсандӣ бо ҳузури на беш аз 30 нафар иҷозат дода шуд.

358
Барчаспҳо:
намоз, Тоҷикистон, масҷид
Мавзуҳо:
Пайомадҳои COVID-19 дар Тоҷикистон ва ҷаҳон
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон