Женщина считает банкноты после обмена валюты в филиале Национального банка Узбекистана в Ташкенте

Аз “Агроинвестбонк” то “Амонатбонк”: ошкоршавии ҷиноятҳо дар бонкҳои Суғд

700
(Таҷдидшуда 09:36 30.07.2020)
 Масъулони Идораи мубориза бо коррупсия дар вилояти Суғд дар бораи содиршавии ҷиноятҳои бонкӣ иттилоъ доданд

 ДУШАНБЕ, 30 июл – Sputnik. Аваззода Шараф, сардори Раёсати Агентии назорати давлатии молиявӣ ва мубориза бо коррупсия дар вилояти Суғд гуфт, давоми шаш моҳи соли ҷорӣ, 31 ҷиноят нисбати кормандони бонкҳо ошкор шудааст.

“Ҷиноятҳо нисбати ҳамаи кормандони бонкҳо ба қайд гирифта шудаанд. Масъалан дар “Амонатбонк” 1 ҳолат, дар “ҶСК “Агроинвестбонк” 14 ҳолат ва дар “Тоҷиксодиротбонк” ҳам ба қайд гирифта шудааст”, гуфт Аваззода.

Сардори Раёсати мубориза бо коррупсия афзуд, дар пайи таҳқиқи ҷиноятҳои содиршуда дар бонкҳои Суғд 9, 2 милион сомонӣ зарари молиявӣ ошкор гардидааст. Аваззода Шараф гуфт, дар бештар маврид кормандони бонкҳо дар ғайриқонунӣ додани кредит ва тасарруфи маблағҳои ба таври кредитдодашуда даст задаанд.

Ӯ аз парвандаи Фозилов Ҷумъабой Якубович, сардори филиали ҶСК “Агроинвестбонк” дар ноҳияи Шаҳристон ном бурд, ки бо истифода аз фурсати роҳбариаш ба хешовандони худ ғайриқонунӣ аз бонк кредит додааст.

Фозилов Ҷумъабой Якубович, бо фармони Раёсати ҶСК “Агроинвестбонк” аз соли 2013 то давраи 20-уми майи соли 2015 иҷрокунандаи вазифаи сардори филиали ин бонк дар ноҳияи Шаҳристон адои хизмат намудаааст.

"Номбурда бо дигар кормандони бонки мазкур бо маслиҳати пешакӣ аз фурсати муносиб истифода намуда, моҳи майи соли 2013 то марти соли 2014 дар асоси шартномаҳои қарзии қалбакӣ бо мақсади руйпуш намудани амалҳояш ба номи шаҳрванд Норбутаев маблағи 4000 доллари ИМА ро ғайриқонунӣ кредит додааст. Ҳамчунин Фозилов ба номи ҳамсараш ва дигар хешовандонаш ғайриқонунӣ аз бонк кредит гирифтааст. Оиди ин ҳолат бо моддаи 265 парвандаи ҷиноӣ оғоз карда шудааст”, гуфт Аваззода.

Раёсати Агентии мубориза бо фасод дар вилояти Суғд мегуяд, дар шаш моҳи соли ҷорӣ 339 ҷинояти коррупсионӣ ва иқтисодии дорои харакетери коррупсионидошта сабт шудааст.

Боздошти директори ширкати сохтмонии “Муҳаммадҷон 2011” барои қаллобӣ ва сохтакорӣ

 

700
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

64
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

64
Барчаспҳо:
тоҷик, усто, туҳфа, Бозиҳои олимпӣ

Вазорати тандурустӣ фавти як дардманди дигар аз коронавирусро тасдиқ кард: омори нав

522
Шабонарӯзи гузашта дар Тоҷикистон боз як маризи дигари коронавирус ба ҳалокат расид. Вазорати тандурустӣ низ фавти як беморро тасдиқ карда гуфт, ки шумораи умумии қурбониён ба 62 нафар баробар шуд

ДУШАНБЕ, 6 авг — Sputnik. Вазорати тандурустӣ омори ҷадиди фавт, сироят ва шифоёбии шаҳрвандони Тоҷикистонро аз коронавирус нашр намуд.

Ба иттилои котиботи вазорати мазкур, шабонарӯзи гузашта боз як маризи дигар аз коронавирус ҷон бохт. Бо илова шудани ҳолати ҷадиди фавт, теъдоди умумии қурбониёни вируси COVID-19  дар кишвар ба 62 нафар баробар шуд.

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

Зимнан, вазорат таъйид намуд, ки дар як шабонарӯзи охир 99  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7665  нафар баробар гардид.

Ҳамзамон, то санаи   6 август дар мамлакат  6443 нафар аз бемории COVID-19 шифо ёфтаанд.

522
Барчаспҳо:
омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон