Ссора, архивное фото

Талоқу никоҳ кам шуд: масъулини кумитаи омор рақамҳои ҷадид интишор карданд

67
(Таҷдидшуда 13:50 30.07.2020)
Шумори никоҳи бақайдгирифтаи мақомоти сабти асноди ҳолати шаҳрвандӣ дар ҷумҳурӣ дар моҳҳои январ – июни соли 2020 нисбат ба ҳамин давраи соли 2019-ум 10,5 фоиз кам шуда, 30,0 ҳазор ҷуфти никоҳро ташкил кардааст

ДУШАНБЕ, 30 июл – Sputnik.  Имрӯз зимни нишасти матбуотӣ масъулини Кумитаи омори Тоҷикистон эълон карданд, ки камшавии бақайдгирии никоҳ дар моҳи январ -июни соли 2020 нисбат ба моҳҳои январ – июни соли 2019 дар ҳамаи минтақаҳо мушоҳида шудааст.

Ба гуфтаи онҳо, дар вилояти Суғд бақайдгирии никоҳ дар ин давра 7,1 фоиз кам шуда, 7,9 ҳазор ҷуфтро ташкил дод, дар вилояти Хатлон 9,3 фоиз, дар ВМКБ 5,6 фоиз, дар ноҳияҳои тобеи ҷумҳурӣ 12,9 фоиз ва дар Душанбе бошад бақайдгирии никоҳ дар ин давра 20,1 фоиз кам шуда, 2,2 ҳазор ҷуфтро ташкил намуд.

Кумитаи омор инчунин, дар бораи шумораи талоқҳои бақайдгирифташуда низ қайд кард.

Бино бар иттилои Кумитаи омор дар моҳҳои январ – июни соли соли 2020-ум 5498 воҳидро ташкил кард, ки нисбат ба ҳамин давраи соли 2019 9,6 фоиз ё 586 воҳид талоқ кам шудааст.

Масъулини кумитаи омор дар нишасти матбуотӣ зикр карданд, ки камшавии шумораи талоқ дар ҳамаи минтақаҳои ҷумҳурӣ ба қайд гирифта шудааст.

Дар вилояти Суғд шумораи талоқҳои бақайдгирифташуда 10,3 фоиз кам шуда, 1922 воҳид талоқ, дар вилояти Хатлон 6,9 фоиз, дар шаҳри Душанбе 5,0 фоиз, дар ноҳияҳои тобеи ҷумҳурӣ 13,4 фоиз ва дар ВМКБ бошад бақайдгирии талоқ дар ин давра 18,4 фоиз кам шуда, 80 воҳиди талоқро ташкил намуд.

Шумораи талоқ ба 1000 никоҳи басташуда дар моҳҳои январ-июни соли 2020-ум 183 талоқ рост  омадааст. Бояд гуфт, ки дар моҳи январ-июни соли гузашта 182 талоқ рост омада буд.

67
Барчаспҳо:
омор, рақам, мақомот, никоҳ, талоқ, Тоҷикистон
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

26
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

26
Барчаспҳо:
донишҷӯдухтар, ғарқ, Суғд
Здание МИД РТ в Душанбе, архивное фото

Нигаронии Тоҷикистон аз даргириҳои шадид дар Қарабоғи Кӯҳӣ: даъват ба оташбас кард

111
(Таҷдидшуда 18:22 28.09.2020)
Тоҷикистонро низ вазъияти Қарабоғи Кӯҳӣ бетараф нагузошт. Ҳукумати кишвар дар робита ба даргириҳои шадиди миёни Озарбойҷону Арманистон амиқан изҳори нигаронӣ кард

ДУШАНБЕ, 28 сен — Sputnik. Вазорати умури хориҷии Тоҷикистон дар робита ба вазъияти Қарабоғи Кӯҳӣ изҳороти расмӣ нашр намуд.

Дар изҳороте, ки торномаи ВУХ нашр намудааст, гуфта мешавад, ки Тоҷикистон аз задухӯрди низомӣ байни Ҷумҳурии Озарбойҷон ва Ҷумҳурии Арманистон амиқан изҳори нигаронӣ менамояд.

"Аз ҷонибҳо бо исрор даъват мекунем, ки барои қатъи амалиёти ҳарбӣ чораҳои таъхирнопазир андешанд. Бар онем, ки ҳалли низоъ дар Кӯҳистони Қаробоғ танҳо бо роҳҳои сиёсиву дипломатӣ имконпазир аст", - таъкид мешавад дар хабари вазорат.

Зимнан, Тоҷикистон аҳамияти истисноии ҳалли мусолиматомези ихтилофоти мавҷударо дар чаҳорчӯби меъёрҳои пазируфтаи байналмилалӣ таъкид менамояд.

Даргириҳои шадид дар Қарабоғи Кӯҳӣ: даҳҳо нафар аз ду ҷониб куштаву захмӣ шуданд - акс

Ёдовар мешавем, субҳи рӯзи якшанбе, вазорати дифоъи Озарбойҷон эълом кард, ки нерӯҳои мусаллаҳи Арманистон ба маҳалҳои аҳолинишини хатти тамос дар Қарабоғ тирандозӣ кардаанд.

Ҳарду ҷониб якдигарро дар шиддат гирифтани мухолифат муттаҳам карданд. Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

111
Барчаспҳо:
даргирӣ, Қарабоғи Кӯҳӣ, изҳорот, Тоҷикистон