Раиси шащри Исфара Сулаймонзода Акрам Раҳим

Раиси Исфара ба Ворух рафт: дар ин минтақаи наздимарзӣ чӣ месозанд?

321
Дар Ворух сохтмони як бинои иловагӣ ба мактаб, як мактаби нав ва азнавсозии Қасри фарҳанг идома дорад

ДУШАНБЕ, 3 авг — Sputnik. Раиси шаҳри Исфара Сулаймонзода Акрам Раҳим зимни сафари кории худ ба ҷамоати деҳоти Ворух дар ин деҳоти дурдасти наздисарҳадӣ иншоотҳои бунёдшавандаро мавриди омӯзишу баррасӣ қарор дод, гузориш медиҳад дафтари матбуоти раиси шаҳр.

Бино бар иттилои манбаъ, дар Ворух сохтмони як бинои иловагӣ ба мактаб, як мактаби нав ва азнавсозии Қасри фарҳанг идома дорад.

Гуфта мешавад, корҳои сохтмонӣ дар бинои иловагии таълимӣ дар мактаби рақами 23 барои 240 ҷойи нишаст, бо арзиши лоиҳавии 2 миллиону 800 ҳазор сомонӣ асосан ба анҷом расида, айни замон муҷаҳҳазгардонии иншоот ва ободу зебо гардонидани ҳудуди он ҷараён дорад.

Афзун бар ин, сохтмонии мактаби наву замонавӣ дар маҳаллаи наздимарзии Сангтӯдаи деҳоти Ворух, ки аз 3 ошёна ва 12 синфхона иборат буда, барои таҳсили 720 нафар дар ду баст пешбинӣ гардида, арзиши лоиҳавии он 8 млн. 240 ҳазор сомониро ташкил медиҳад, бо маблағгузории мақомоти иҷроияи ҳокимияти давлатии вилояти Суғд тибқи нақша идома дорад.

Раиси шаҳри Исфара Сулаймонзода Акрам Раҳим зимни сафари кориаш ҳамзамон бо омӯзиши вазъи омодагии муассисаи таълимӣ ба соли нави таҳсил бо ҳолати корҳои азнавсозии Қасри фарҳанги ҷамоат, ки низ бо дастгирии мақомоти иҷроияи ҳокимияти давлатии вилояти Суғд ва бо маблағгузорӣ аз буҷети вилоятӣ дар ҳаҷми 12 млн. сомонӣ навсозӣ мегардад, аз наздик шинос шуд.

Раиси шаҳр ҳамчунон масъалаи вусъат бахшидани корҳои сохтмонию ободониро дар майдони Парчами давлатии Ҷумҳурии Тоҷикистон, ки дар рӯбарӯи қасри фарҳанг бунёд хоҳад гашт, мавриди баррасӣ қарор додааст.

"Мо бояд, ки муҳимтарин муаммоҳои иҷтимоии деҳоти наздисарҳадии Ворухро ҳал намоем, мушкилоти мардумашро осон кунем ва Ворухи зебоманзарро ба яке аз деҳоти ободу зебо ва пешрафта табдил диҳем, - изҳор доштааст шаҳрдори Исфара Акрам Сулаймонзода.

Дар Муъминобод Боғи фароғатӣ бо майдони нишону парчами давлатӣ сохта мешавад

 

321
Эмомали Рахмон открыл среднюю школу № 96 в Душанбе

Эмомалӣ Раҳмон ба ноҳияи Шаҳринав сафар кард

138
(Таҷдидшуда 10:05 30.09.2020)
Президенти Тоҷикистон сафарашро аз ифтитоҳи Комплекси агросаноатии Хоҷагии деҳқонии "Ҳоҷӣ Аҳмад" оғоз кардааст

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон бо сафари корӣ ба ноҳияи Шаҳринав рафт. Кишвардорро фаъолону сокинон истиқбол гирифтаанд, хабар медиҳад котиботи раисиҷумҳур.

Гуфта мешавад, ки ин ҷо нахуст Президент дар деҳоти Чусти ноҳияи Шаҳринав Комплекси агросаноатии Хоҷагии деҳқонии "Ҳоҷӣ Аҳмад"-ро ба баҳрабардорӣ расонидааст.

Тибқи ититлои манбаъ, комплекси мазкур аз Корхонаи муштараки Тоҷикистону Ӯзбекистон ва Русия — "Марва-мебел", коргоҳи дӯзандагӣ, меҳмонхона, ошхона, гармхона, ҳавзи моҳӣ ва боғу токзор иборат мебошад.

Корхонаи муштараки "Марва-мебел" дар ошёнаи якуми бинои дуошёна ҷойгир мебошад.

Барои мебелсозӣ аз кишварҳои Урупо 16 адад дастгоҳи замонавӣ ворид гардидаанд.

Вобаста ба фармоиш дар корхонаи навбунёд беш аз 300 номгӯй мебел, аз қабили ҷевону рахти хоб, мизу курсӣ барои хона, корхона, ошхона ва муассисаҳои таълимӣ, инчунин дарҳои байниҳуҷрагӣ ва кату нишасткурсиҳои гуногунҳаҷм истеҳсол карда мешаванд.

Гуфта мешавад, дар корхонаи мазкур имкон аст дар як шабонарӯз беш аз 8 метри мукааб тахта коркард карда шавад.

Манбаъ таъкид карда, ки дар корхона маҳсулот аслан вобаста ба фармоиш истеҳсол карда шуда, аз лиҳози тарҳ ва сифат ба стандарти байналмилалӣ ҷавобгӯ мебошад.

Чӯбу тахта, фурнитура ва дигар ашёи хом аз Русия ва Ӯзбекистон ворид карда мешаванд.

Ҳамчунин гуфта мешавад, ки кандакорӣ дар чӯб, ки барои миллати тоҷик меросист, дар корхона васеъ ба роҳ монда шудааст.

Ба ин кор нафарони соҳибкасб ва дорои таҷрибаи зиёди корӣ ҷалб шудаанд.

Дар корхонаи мебелсозӣ 30 кас бо ҷойи кори доимӣ ва маоши хуб таъмин шудаанд.

Президент ба масъулин барои васеъ намудани доираи фаъолияти корхона ва ба роҳ мондани содироти маҳсулот ба хориҷи мамлакат дастур дода, мутахассисонро ба омӯзонидани нозукиҳои кори мебелсозӣ, аз ҷумла кандакорӣ дар чӯб ба насли наврасу ҷавон ҳидоят кардааст.

138
Барчаспҳо:
сафари корӣ, Эмомалӣ Раҳмон, Шаҳринав
Национальный банк республики Таджикистан. Архивное фото

Бонки миллӣ арзиши рубл, доллар ва евроро барои имрӯз эълон кард

167
(Таҷдидшуда 10:06 30.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз 30 сентябр эълон кардааст

ДУШАНБЕ, 30 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1296 сомонӣ  нишон дода шудааст.

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 0.3292 то 10.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1000 то 12.3000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1296 то 0.1340 сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3292 сомонӣ, 1 евро – 12.0893 сомонӣ ва 1 рубли русӣ — 0.1296 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

167
Барчаспҳо:
евро, рубл, сомонӣ, барои имрӯз, қурби асъор, Тоҷикистон
Вступительные испытания в Таджикском национальном университете

Кай донишҷӯёни хориҷӣ метавонанд ба Русия раванд

0
(Таҷдидшуда 10:20 30.09.2020)
Таҳсили рӯзона дар макотиби олии Русия барои донишҷӯёни хориҷӣ аз кушода шудани марзҳои кишвар вобаста аст

ДУШАНБЕ, 30 сен — Sputnik. Донишҷӯёни хориҷӣ танҳо пас аз бардошта шудани маҳдудиятҳои равуо ба Русия, метавонанд ба таҳсили рӯзона пардозанд, хабар медиҳад Вазорати маорифи ФР.

"Иҷозаи донишҷӯёни хориҷӣ барои таҳсили рӯзона дар ФР аз бардошта шудани маҳдудиятҳои воридшавӣ ба кишвар вобаста аст. Имрӯз маҳдудиятҳои равуо барои Белорус, Қазоқистон, Қирғизистон ва Куреи Ҷанубӣ бардошта шудаанд", - омадааст дар хабарнома.

Вазорат ҳамчунин ёдрас карда, ки пештар бо Бритониё, Туркия, Танзания, Швейтсария, Абхазия, Миср, АМА, Ҷумҳурии Молдива ва Осетияи Ҷанубӣ марзҳо боз шуда буданд.

Русия ба донишҷӯёни ғайр ҳам бурсияи бештар ва ҳам шароити беҳтар ваъда кард

Пештар хабар дода шуд, ки донишҷӯёни курси аввал, аз кишварҳои вурудашон боз, метавонанд аз моҳи сентябр ба Русия ворид шаванд.

Ҳамчунин гуфта шуд, ки беш аз 100 ҳазор донишҷӯёни хориҷӣ дар робита ба ҳамагирии коронавирус натавонистанд барои таҳсил ба Русия ворид шаванд.

0
Барчаспҳо:
хориҷӣ, донишҷӯён, боз, марз, Русия
Мавзуҳо:
Пайомадҳои COVID-19 дар Тоҷикистон ва ҷаҳон