Флаги Ирана на одной из улиц Тегерана

Эрон боздошти саркардаи гуруҳаки террористии Тундар дар Тоҷикистонро рад кард

467
(Таҷдидшуда 11:23 03.08.2020)
Вазорати иттилоот иддаои бархе расонаҳо дар бораи дастгирии саркардаи гуруҳаки Тундар дар Тоҷикистонро рад кард

ДУШАНБЕ, 3 авг — Sputnik. Равобити умумии Вазорати иттилооти Эрон эълом кардааст, ки ҳаргуна гумоназании матраҳшуда дар расонаҳо дар бораи наҳваи дастгирии Ҷамшеди Шормаҳд, раиси гуруҳаки террористии Тундар ва Анҷумани подшоҳии Эрон такзиб мешава, иттилоъ додааст радиои Садои Хуросон.

Вазорати иттилоот бо таъкид бар ин ки ҳаргуна иттилооти расмӣ дар бораи иқдомоти неруҳои амниятии Эрон дар қолаби баёния аз тариқи равобити умумии Вазорати иттилоот мунташир мешавад, ба иддаои бархе расонаҳо бар асоси дастгирии саркардаи гуруҳаки Тундар дар Тоҷикистон ишора ва таъкид кард: Ин хабар шадидан такзиб мешавад.

Неруҳои амниятии Эрон рӯзи шанбе аввали август сардастаи як гуруҳи террористии мустақар дар Амрико ба номи Тундар-ро дар амалиёте печида дастгир карданд.

Ҷамшеди Шормаҳд, саркардаи гуруҳи террористии Тундар, ки аз Амрико амалиёти мусаллаҳона ва харобкорона дар Эронро ҳидоят мекард, дар соли 1387 (2008) амалиёти таркиши террористӣ дар ҳусайнияи Саидушшуҳадои Шерозро тарроҳӣ ва ҳидоят кард, ки дар он, 14 нафар шаҳид ва 215 нафар аз азодорони ҳусайнӣ захмӣ шуданд.

Таркондани садди Сиванди Шероз, таркиши бомбҳои сиёнурӣ дар намоишгоҳи китоби Теҳрон ва таркондани бомб дар марқади имом Хумайнӣ (раҳ)  ҳангоми баргузории маросими умумӣ аз дигар амалиёте буд, ки ин гуруҳи террористӣ қасди анҷоми онро дошт вале бо тасаллути иттилоотии маъмурони Вазорати иттилоот ноком монд.

467
Барчаспҳо:
террористӣ, дастгирӣ, радио, такзиб, Тоҷикистон, Эрон
Парламентские выборы в Таджикистане

Мақомоти шаҳри Исфара шумори дақиқи овоздиҳандагонро эълон кард

77
(Таҷдидшуда 19:33 22.09.2020)
Дар шаҳру деҳоти Исфара як ҳавза ва 83 участкаҳои интихоботӣ ташкил ва ҳамаи онҳо бо лавозимоту маводи зарурӣ таъмин карда шудаанд

ДУШАНБЕ, 22 сен — Sputnik. Бино бар иттилои дафтари матбуоти раиси шаҳри Исфара, дар “Ҳавзаи интихоботии Исфара, №27” шумораи пешакии интихобкунандагони ин ҳавза 162 105 нафарро ташкил медиҳад, ки 4307 нафари онҳо бори аввал овоз хоҳанд дод.

Манбаъ таъкид доштааст, ки барои дар доираи талаботи Конститутсияи Тоҷикистон, қонунҳои амалкунанда, дар сатҳи баланди ташкилӣ ва маърифати ҳуқуқӣ, шаффофу озод, ба таври демократӣ ва бо иштироки фаъолонаи интихобкунандагон баргузорнамоии ин чорабинии сиёсӣ дар шаҳри Исфара тамоми тадбирҳои зарурӣ андешида шудаанд.

Ҳамзамон қайд шудааст, ки дар ҳамаи участкаҳои интихоботии ҳавзаи Интихоботии “Исфара” корҳои омодагӣ барои дар сатҳи баланд доир намудани интихоботи дарпешистода идома дошта, бо аҳолӣ оид ба иштироки фаъолонаи онҳо дар ин маъракаи муҳими сиёсӣ корҳои фаҳмондадиҳӣ ба роҳ монда шудааст.

“То ин замон рӯйхати интихобкунандагон тартиб дода шудааст”, - зикр кардааст мақомоти шаҳри Исфара

Ҳамзамон манбаъ илова кардааст, ки тибқи дастури Комиссияи марказии интихобот ва раъйпурсии Тоҷикистон бо мақсади баланд бардоштани фарҳанги сиёсии интихобкунандагон корҳои тарғиботиву ташвиқотӣ роҳандозӣ мегарданд.

77
Барчаспҳо:
шумораи овоздиҳандагон, Исфара, Интихоботи президентӣ, интихобот, Тоҷикистон

Вазорати тандурустӣ: шабонарӯзи гузашта боз 44 ҳодисаи нави бемории COVID-19 сабт шуд

279
(Таҷдидшуда 19:02 22.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 22 сен — Sputnik. Бино бар иттилои вазорати тандурустии Тоҷикистон дар шабонарӯзи гузашта боз 44 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 110 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 44 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9432  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  22 сентябр дар кишвар  8199  (86,9%) нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

279
Барчаспҳо:
нашр, омор, Вазорати тандурустӣ, вазорат, фавт, вируси корона, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия