Пожарные тушат огонь, архивное фото

Тахриб шудани 3000 метри квадратӣ замин дар пайи сӯхтор дар Варзоб

211
Соати 14:29 дақиқа сӯхтор пурра хомӯш карда шуд. Таҳлили аввал нишон дод, ки тахминан 3000 м2 замин ба коми оташ рафтааст.

ДУШАНБЕ, 9 авг — Sputnik. 3000 метри квадратӣ замин дар пайи сӯхтор дар Варзоб тахриб шуд, гузориш медиҳад КҲФ Тоҷикистон.

Бино бар итилои манбаъ, соати 13:33 дақиқаи рўзи 06 августи соли 2020 дар Ҷамоати деҳоти Чорбоғ деҳаи Шодоб 2 дар тарафи рости соҳили дарёи Варзоб теппаҳои чарогоҳи маҳаллӣ сўхтор ба амал омад.

Дар бартараф намудани сўхтор ҳайати шахсии бахши Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ноҳияи Варзоб, 1 гурўх дастаи таиноти махсуси кофтукови наҷоти Кумита иборат аз 9 нафар, наҷотдиҳандагони Сарраёсати хадамоти давлатии оташнишонии ВКД иборат аз 10  ва 150 нафар сарбозону афсарон аз қисми ҳарбии 3502 қушунҳои дохилии  ВКД ҶТ сафарбар шуданд.

Соати 14:29 дақиқа сӯхтор пурра хомӯш карда шуд. Таҳлили аввал нишон дод, ки тахминан 3000 м2 замин ба коми оташ рафтааст.

Сӯхтор талафоти ҷонӣ надошт.

 

211
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

156
(Таҷдидшуда 17:59 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

156
Барчаспҳо:
боздошт, ноболиғ, дуздӣ, Истаравшан
Призывники в армию Таджикистана в Бадахшане

Бадахшон аввалин шуда нақшаи даъват ба артишро дар як рӯз иҷро кард

74
(Таҷдидшуда 16:56 01.10.2020)
Вилояти Мухтори Куҳистони Бадахшон аз нахустин манотиқи кишвар аст, ки аввал шуда нақшаи даъват ба артишро иҷро кард.

ДУШАНБЕ, 1 окт – Sputnik. Тибқи иттилои дафтари матбуотии вилоят, дар нахустин рӯзи даъват нақшаро пурра ба анҷом расонидаанд.

Ба иттилои манбаъ, нақшаи сафарбар намудани ҷавонон ба сафи Қувваҳои Мусаллаҳи Ҷумҳури Тоҷикистон дар рузи якум 103 % иҷро намуд.

Президент фармони даъвати тирамоҳӣ ба аскариро имзо кард

Ёдовар мешавем, Вилояти Мухтори Куҳистони Бадахшон дар даъватҳои қаблӣ низ пеш аз дигар минтақаҳо нақшаро нахустин шуда иҷро мекард.

Фармон дар бораи даъвати наваскаронро раисиҷумҳури кишвар 3 сентябр имзо карда буд.

Пешсафии Бадахшон: нақшаи даъвати наваскарон дар вилоят 110 дарсад иҷро шуд

Бар асоси он дар даъвати тирамоҳа шаҳрвандони солҳои таваллуди 1993-2002 ба хизмати ҳарбӣ ҷалб карда мешаванд.

74
Барчаспҳо:
артиш, даъват, Бадахшон, Тоҷикистон