Мужчина тянет за волосы женщину, архивное фото

Аввал зан мардро, сипас мард занро зад: шарҳи ВКД аз навори беҳуш хобидани Мавлуда

1095
(Таҷдидшуда 19:59 11.08.2020)
Ин дар ҳолест, ки 6 август дар якчанд сомонаҳои иҷтимоии интернетӣ наворе нашр гардид, ки дар он ҳолати дар натиҷаи латукӯб ба замин афтода, хобидани як ҷавонзан инъикос ёфтааст.

ДУШАНБЕ, 11 авг – Sputnik. Раёсати Вазорати умури дохила дар Душанбе қазия навори дар ҳолати беҳушӣ рӯи замин хобидани як занро шарҳ дода, гумонбарро муайян кардааст.

Бино бар иттилои манбаъ, кормандони милитсияи шаҳри Душанбе дар ҷараёни пешбурди корҳои тафтишотӣ муайян карданд, ки дар ҷараёни муноқишаи лафзӣ шаҳрванд Мавлуда Содиқова, фурӯшандаи обҳои ташнагишикани минералӣ бо пояи оҳанини чатри калон ба сару рӯи шаҳрванд Фарҳод Мирзоумаров якчанд маротиба зарба задааст.

Аз ин ҳол гумонбаршаванда Фарҳод Мирзоумаров ба хашму ғазаб омада, баъди аз дасти духтар кашида гирифтани пояи оҳанин ӯро мавриди лату кӯби шадид қарор додааст.

Дар натиҷа ҷавонзани 27-сола бо гирифтани ҷароҳатҳои ҷисмонӣ беҳуш шуда, ба замин афтодааст. 

Ин дар ҳолест, ки 6 август дар якчанд сомонаҳои иҷтимоии интернетӣ наворе нашр гардид, ки дар он ҳолати дар натиҷаи латукӯб ба замин афтода, хобидани як ҷавонзан инъикос ёфтааст.

Зимнан, истифодабарандагони шабакаҳои иҷтимоии интернетӣ аз мақомоти милитсияи пойтахт дархост намудаанд, то ҳолати мазкур мавриди санҷиш қарор дода шуда, нисбат ба гумонбарон тадбирҳои дахлдори қонунӣ андешида шаванд.

"Биё, духтар, чилим мекашем": ҳабсу кӯчарӯбии як ҷавон дар Душанбе барои "гаппартоӣ" - акс

Вобаста ба таҳқиқи ҳамаҷонибаи ин навор аз ҷониби кормандони милитсияи шаҳри Душанбе якчанд чорабиниҳои дахлдори фаврӣ-ҷустуҷӯӣ роҳандозӣ карда шуда, сабабу омилҳои сар задани ин ҳодисаи нанговар муайян ва нафари гумонбар дастгир карда шуда, ба мақомоти милитсия дастрас гардид.

Дар натиҷа муайян карда шуд, ки санаи мазкур шаҳрванд Мирзоумаров Фарҳод Файзиддинович, соли таваллудаш 1988, истиқоматкунандаи ноҳияи Рӯдакӣ, деҳаи Роҳатӣ ҳангоми қарордошт дар кӯчаи С. Вализодаи ноҳияи Шоҳмансур бо шаҳрванд Содиқова Мавлуда Фарҳодовна, соли таваллудаш 1993, истиқоматкунандаи ноҳияи Рӯдакӣ, маҳаллаи Болошаҳр, фурӯшандаи обҳои ташнагишикани минералӣ баҳсу муноқиша намудааст.

Вобаста ба ҳолати мазкур айни ҳол нисбат ба дастгиршуда Фарҳод Мирзоумаров тибқи талаботи моддаи 237, қисми 3 (бо татбиқи ҳабси пешакӣ) ва нисбат ба ҷавонзан Мавлуда Содиқова тибқи талаботи моддаи 237 қисми 1 (бо шарти берун нарафтан аз маҳалли зист)-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шудааст.

1095

Марги як тоҷикистонии дигар аз COVID - 19: вазорат аз 41 ҳолати нави мубталошавӣ гуфт

458
(Таҷдидшуда 19:24 01.10.2020)
Шабонарӯзи гузашта дар Тоҷикистон аз маризии сироятии коронаиврус боз як дардманди дигар ҷон аз даст дод

ДУШАНБЕ, 1 окт – Sputnik. Вазорати тандурустии Тоҷикистон мегӯяд, шабонарӯзи гузашта дар кишвар як маризи коронавирус ба ҳалокат расид.

Ба иттилои котиботи вазорати мазкур, ҳамчунин рӯзи гузашта боз 42 ҳолати нави мубталошавии сокинон ба ин вирус сабт гардид.

Ба ҳамин минвол, аз 30 апрел то 1 октябр дар ҷумҳурӣ шумораи умуми маризони коронаиврус ба 9811 нафар баробар шуд.

Тоҷикистон шарҳ дод, ки чаро то ҳол аз Русия воксинаи зидди коронавирус дархост накардааст

Гуфта мешавад, то имрӯз дар мамлакат 8617  нафар ё худ 87,7 дарсади гирифторони COVID-19 шифо ёфта, аз ин беморӣ 77 нафар фавтидаанд.

Манбаъ тавзеҳ медиҳад, ки шабонарӯзи охир 71 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Ёдовар мешавем, ки рӯзи 30 - юми сентябр низ як ҳолати фавт аз ин беморӣ дар Тоҷикистон ба қайд гирифта шуд.

458
Барчаспҳо:
бемор, фавт, маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Новая мечеть в Душанбе

Тоҷикистон кай дари масоҷидро ба рӯи намозгузорон мекушояд?

412
(Таҷдидшуда 18:23 01.10.2020)
Дар Тоҷикистон ҳамоно дар робита ба авҷи маризии сироятии коронавирус дари масҷидҳо барои намозгузорон баста аст

ДУШАНБЕ, 1 окт – Sputnik. Дар Тоҷикистон ҳанӯз ҳам намозгузорӣ дар масҷидҳо номумкин аст, хабар медиҳад Парс тудей.

Манбаъ аз қавли Эмомалӣ мирзоев сухангӯи Вазорати тандурустии Тоҷикистон хабар медиҳад, ки ба далели калонсол будани синну соли аксар намозгузорон дар кишвар, ҳоло санаи дақиқи бозкушоӣ шудани дари масҷидҳо номаълум аст.

Мирзоев мегӯяд, одамони калонсол ба гурӯҳи хатар шомилан ва аз ин рӯ ин масъала ҳоло мавриди баррасӣ қарор нагирифтааст.

Зимнан, сухангӯи Кумитаи дин Афшини Муқим низ таъкид кардааст, ки риояти фосилаи иҷтимоӣ дар масҷидҳо кори сахт мебошад.

Нахустин намоз дар масҷиди Оя София - пахши мустақим

Ӯ мегӯяд, дар сурати беҳ шудани вазъи коронавирус дар Тоҷикистон ва фароҳам овардани шароити хуб дар масоҷид, ин масъала ҳалли худро пайдо мекунад.

Ёдовар мешавем, масҷидҳои Тоҷикистон аз рӯзи 18 апрели соли ҷорӣ тибқи дастури Шӯрои уламои исломии  кишвар ва тавсияҳои Ситоди муқобила бо вируси корона барои ҷилавгирӣ аз густариши коронавирус, баста шуд.

Қаблан, Тоҷикистон дари тарабхонаву қаҳвахонаҳоро низ баста буд. Аммо сар аз 15 - уми июл фаъолияти тарабхонаҳо аз сар гирифта шуд ва баргузории тӯю маъракаҳои хурсандӣ бо ҳузури на беш аз 30 нафар иҷозат дода шуд.

412
Барчаспҳо:
намоз, Тоҷикистон, масҷид
Мавзуҳо:
Пайомадҳои COVID-19 дар Тоҷикистон ва ҷаҳон
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон