Пустое кресло

Таъйиноти кадрӣ дар Суғд: Орипов сардори Идораи санитарию эпидемиологӣ шуд

636
(Таҷдидшуда 20:13 11.08.2020)
Бар асоси фармони Хадамоти назорати давлатии санитарию эпидемиологӣ, Орипов Маҷнун Мавлонович, сардори ин ниҳод дар вилояти Суғд таъйин шудааст

ДУШАНБЕ, 11 авг – Sputnik. Пулотзода Акрам Анвар, нозири шуъбаи кадрҳои Маркази назорати давлатии санитарию эпидемиологии Суғд дар суҳбат ба Sputnik Тоҷикистон тағйироти кадрии ахирро тасдиқ карду гуфт, тибқи фармони Қурбонзода Шамсиддин, сардори Хадамот, Орипов сардори МНДСЭ дар Суғд таъйин карда шудааст.

Бино ба иттилоъи манбаъ Орипов Маҷнун корро дар вазифаи нави роҳбарӣ сар аз рӯзи 5 уми август шурӯъ карда, ӯ дар ин мақом Ҷабборов Абдуғаффорро иваз намудааст. Орипов то ин ҷониб дар як қатор идораи беҳдоштию санитарӣ кору фаъолият кардааст.

Сардори навтаъйини МНДСЭ Суғд кист?

Орипов Маҷнун Мавлонович соли 1982 дар деҳаи Басмандаи ноҳияи собиқ Ғончӣ, ҳозира Деваштич таваллуд шудааст.

Соли 2005 Донишгоҳи давлатии тибби Тоҷикистон ро бо ихтисоси беҳдорӣ, беҳдоштӣ, вогиршиносӣ хатм намуда, солҳои 2005 -2006 Духтур-эпидемологи Маркази назорати давлатии санитарию эпидемиологии дар шаҳри Душанбе.

Орипов дар вазифаҳои мудири шуъбаи эпидемологии Маркази назорати давлатии санитарию эпидемиологии шаҳри Душанбе, мудири шуъбаи паразитологии маркази мазкур, мудири шуъбаи санитарии Маркази назорати давлатии санитарию эпидемиологии вилояти Суғд фаъолият мекард.

Ҳамчунин дар як муддат ба ҳайси муовини сардор оид ба корҳои эпидемиологии Маркази назорати давлатии санитарию эпидемиологии вилояти Суғд ва муовини сардор оид ба корҳои санитарии маркази мазкур ифоаи вазифа мекард.

Таъйиноти кадрӣ дар мудофиа: подполковник Сангинзода комиссари ҳарбии Исфара кист?

Зимнан, аз санаи 5-уми августи соли 2020 бо фармони сардори Хадамоти назорати давлатии санитарию эпидемиологии назди Ҳукумати Ҷумҳурии Тоҷикистон, сардори Маркази назорати давлатии санитарию эпидемиологии Суғд таъйин шудааст.

Бино ба иттилоъи дарёфтӣ дар баробари сардори МНДСЭ Суғд, сардорони идораҳои ин ниҳод дар шаҳру ноҳияҳои Бӯстон, Гулистон, Ҷаббор Расулов, Шаҳристон, Хуҷанд ва Исфара иваз шудаанд.

Як манбаъ аз Хадамоти назорати давлатию эпидемиологӣ ба Sputnik Тоҷикистон гуфт, тағйироти кадрии ахир, умдатан бо сабаби тоза намудани ашхоси роҳбарикунандаи ғайрисоҳавӣ бо мутахассисони ҳирфавии таҷрибадидаи соҳа сурат гирифтааст.

"Дар шароити хуруҷи пандемияи COVID-19 бе иштироки мутахассис, пеш бурдани кори ин соҳа саҳлу содда нест. Бинобар дарки ин нукта роҳбарияти Хадамот дар шаҳру ноҳияҳои кишвар таъйиноти кадрӣ роҳандозӣ намуданд", - гуфт манбаъ.

Хадамоти назорати давлатии санитарию эпидемиологӣ як ниҳоди навтаъсис буда, дар доираи барномаи давлатии муқобила бо пандемияи COVID рӯзи 16-уми май қарори Ҳукумати Тоҷикистон дар бораи таъсиси он ба тасвиб расидааст.

636
Барчаспҳо:
таъйиноти кадрӣ, Суғд
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

3951
(Таҷдидшуда 19:07 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

3951
Барчаспҳо:
парванда, латукӯб, Суғд
Спикер Парламента Таджикистана Мухамадтоир Зокирзода и посол Ирана в Душанбе Маухаммадтаки Собири

Эрон эълон кард омодааст дар ҳамаи заминаҳо бо Тоҷикистон ҳамкорӣ кунад

102
(Таҷдидшуда 18:19 25.09.2020)
Сафири Эрон дар Душанбе ва раиси Маҷлиси Намояндагони Тоҷикистон бар аҳаммияти равобити байнипорлумонӣ дар густариши муносиботи ду кишвар таъкид карданд

ДУШАНБЕ, 25 сен - Sputnik. Муҳаммадтақии Собирӣ, сафири Эрон дар Душанбе дар дидор бо Муҳаммадтоир Зокирзода, раиси Маҷлиси Намояндагони Тоҷикистон бо ишора ба аҳаммият ва ҷойгоҳи маҷолиси ду кишвар ва нақши онҳо дар иртиқои сатҳи муносиботи дуҷониба, омодагии Эронро барои ҳамкорӣ бо Тоҷикистон дар ҳамаи заминаҳо эълом кард.

Дар ин бора дафтари матбуоти Маҷлиси намояндагони Маҷлиси Олии Тоҷикистон хабар додааст.

Бино бар иттилои манбаъ, Муҳаммадтақии Собирӣ зарфиятҳои ҳамкорӣ дар ҳавзаҳои мухталиф бавижа ҳавзаи иқтисодӣ байни Эрон ва Тоҷикистонро болотар аз сатҳ кунӯнӣ донист ва афзуд, ҳамкории музоаф барои ҷуброни осебҳои иқтисодӣ дар даврони пасокуруна зарурӣ аст.

Муҳаммадтоир Зокирзода низ дар ин дидор бо ишора ба иштирокоти ду кишвар ва собиқаи равобити дӯстонаи Эрон ва Тоҷикистон, изҳор кард, Эрон аз нахустин кишварҳое буд, ки истиқлоли Тоҷикистонро ба расмияти шинохт ва сафорати худро  дар Душанбе ифтитоҳ кард.

Зокирзода бо таъкид бар аҳаммияти нақши равобити байнипорлумонӣ дар густариши муносибот миёни давлатҳо ва миллатҳо, таъсиси гурӯҳи дӯстӣ ва ҳамкории байни Маҷлиси Шӯроии Исломии Эрон ва Маҷлиси Тоҷикистонро гоми муҳим дар масири тақвияти ин ҳамкориҳо донист.

102
Барчаспҳо:
Маҷлиси намояндагон, муносибат, тақвияти ҳамкориҳои байнипарлумонӣ, равобит, ҳамкорӣ, Эрон, Тоҷикистон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия