Президент Таджикистана Эмомали Рахмон

Раҳмон дар бораи як бадбахтӣ: “Агар сулҳу оромӣ намебуд...”

1655
(Таҷдидшуда 20:52 17.08.2020)
Раисҷумҳури Тоҷикистон ба омӯзгорон ва волидайн маслиҳат дод, ки қабл аз ҳама ба мактабиёну ҷавонон чӣ омӯзанд

ДУШАНБЕ, 17 авг — Sputnik. Эмомалӣ Раҳмон гуфт, дар дунёи пурҳаводису ноороми имрӯза бар асари ҷангу низоъҳо, гуруснагиву фақр ва паҳншавии ҳар гуна бемориҳо садҳо ҳазор кӯдак имкони ба мактаб рафтану савод омӯхтан надоранд ва ҳазорон нафари дигар ба ҳалокат мерасанд.

 “Мувофиқи маълумоти СММ, дар ҷаҳон то оғози паҳншавии маризии Ковид-19 беш аз 250 миллион кӯдак аз имконияти рафтан ба мактаб маҳрум буданд. Дар бисёр давлатҳо даҳсолаҳо ба ин сӯ ҷангу низоъ идома дорад. Як бадбахтӣ ана ин аст. Миллионҳо кӯдак талаф мешаванд, на ин ки ба мактаб намераванд”, - гуфт Эмомалӣ Раҳмон.

Эмомалӣ Раҳмон дар мулоқоти анъанавии худ ба муносибати ҷашни Рӯзи дониш дар мактаби таҳсилоти миёнаи умумии №102 – и ноҳияи Шоҳмансури шаҳри Душанбе, ки тоза бунёд шудааст, суҳбат мекард.

Вай гуфт, онҳо дар навбати аввал бояд ба насли наврас ва ҷавонон таърихи фоҷиабор ва таҷрибаи талхи миллатро омӯзонанд ва онҳоро барои ҳифзу пойдории сулҳу субот, ваҳдати миллӣ ва боз ҳам мустаҳкам намудани давлати озоду собиҳистиқлоли Тоҷикистон омода созанд, зеро сулҳу оромӣ шарти муҳимтарини устуворӣ ва пойдории давлат, осоиши ҷомиа ва амалӣ шудани нияту орзуҳои хар як фард мебошад.

Дастури Эмомалӣ Раҳмон барои тоза кардани прокуратура ва судҳо аз “одамони тасодуфӣ”

“Агар сулҳу оромӣ намебуд, мо наметавонестем дар як сол то 200 300 муассисаи таълимии ҳозиразамон бунёд кунем. Худи ҳамин сол зиёда аз 150 муассисаи таҳсилоти умумии ҳозиразамон бунёд карда мешавад. Аз ин рӯ, мо бояд ба қадри сулҳу оромӣ расем”, - гуфт раисҷумҳури Тоҷикистон.

 “Дарси сулҳ” – аввалин дарс дар макотиби миёнаву олии Тоҷикистон ҳамасола 1 сентябр баргузор мешуд, аммо имсол бо қарори Ситоди ҷумҳуриявии ҷилавгирӣ аз “вируси корона” ё Ковид-19, имрӯз, 17 август баргузор шуд.

Тибқи иттилои вазорати маорифи Тоҷикистон, дар соли тахсили 2020 – 2021 Ба 3 ҳазору 884 муассисаи таҳсилоти умумии кишвар 232 ҳазору 208 (аз ҷумла 112 ҳазору 176 духтар) ба синфи якум рафта, шумораи умумии хонандагон ба 2 миллиону 035 ҳазору 158 нафар (аз чумла 981 ҳазору 280 духтар) расид.

Ҳамзамон 63 ҳазору 115 нафар унвони донишҷӯиро гирифта, теъдоди донишҷуён дар муассисаҳои таҳсилоти олии касбӣ 227 ҳазору 026 нафар шуд.

1655
Барчаспҳо:
омӯзгорон, мактаб, ҷавонон, волидайн, Раисҷумҳур, Эмомалӣ Раҳмон, Тоҷикистон

Рубл боз паст шуду доллару евро боло рафт: Бонки миллӣ арзиши асъори хориҷиро эълон кард

34
(Таҷдидшуда 00:37 29.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рубл дар бозори асъори кишвар дар ҳоли коҳишёбӣ буда, доллар ва евро гаронтар шудааст

ДУШАНБЕ, 29 сен — Sputnik. Тибқи нишондодҳои ҳафтаи равон қурби рубл нисбат ба сомонӣ қариб то чаҳор сомонӣ коҳиш ёфт.

Бонки миллии Тоҷикистон арзиши имрӯ 1 рубли русӣ барои имрӯз 0.1307сомонӣ  ва дар бозори нақд бошад 0.1350 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3290 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.0529  то 12.3000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1355 то 0,1375 сомонӣ муқаррар кардааст.

Дар “Спитаменбонк” бошад арзиши 1 рубл аз 133 то 137 ва дар “Алифбонк” бошад 1 рубл аз 0,1320 то 0,1400 сомонӣ нишон дода шудааст.

Дурнамои норушан: долларро дар охири соли 2020 чӣ интизор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

34
Барчаспҳо:
евро, доллар, рубл, сомонӣ, қурби асъор, Тоҷикистон
Панорама города Худжанд, архивное фото

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

81
(Таҷдидшуда 00:08 29.09.2020)
Раҳматзода Даврон, муовини сардори Бозрасии давлатии автомобилии (БДА) Суғд шоми гузашта бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кардааст

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишдухтари тақрибан 18 сола ба қасди худкушӣ худро аз болои купрук (мост) ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт манзари ғарқшавиро дида, фавран бо қойиқ ба маҳалли ҳодиса шитофта, донишҷӯдухтарро, ки дар ҳоли фурурафтан ба коми дарё буд, ҳамроҳ бо кормандони ситоди ҳолатҳои фавқуллода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

“Агар Раҳматзода ва кормандони КҲФ фавран ба қаъри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз худғарқкунӣ наҷот дода шуд”, иброз намуд, Аваззод.

Ба иттилоъи манбаъ, зимнан донишҷудухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд.

Хабарҳо дар бораи даст ба худкушӣ задани шаҳрвандон дар руду обанборҳо вақтҳои ахир зиёд ба нашр мерасад.

Фоҷиа дар Ғарм: модари ҷавон бо се фарзандаш худро ба дарё андохт

Субҳи имрӯз, дафтари матбуоти КҲФ Тоҷикистон низ аз дарёфти ду ҷасад аз дарёи Вахш хабар дод.

Бар пояи эълони КҲФ зани 31 солаи сокини ноҳияи Ёвон рӯзи 27 сентябр ҳамроҳ бо духтарчаи 9 солааш ба коми дарёи Вахш задааст.

81
Барчаспҳо:
худкушӣ, наҷот, БДА, Суғд, Тоҷикистон