Встреча Рахмона с учителями средних школ

"Айни зангирӣ": Раҳмон аз духтаракони тарбияткардааш ба муаллим ҳамсар пешниҳод кард

4946
(Таҷдидшуда 20:26 17.08.2020)
Раисҷумҳури Тоҷикистон Эмомалӣ Раҳмон дар мулоқот бо шӯрои омӯзгорон бо муаллими ҷавоне ҳамсӯҳбат шуда, аз вазъи оилавии вай пурсон шудааст

ДУШАНБЕ, 17 авг — Sputnik. Президенти Тоҷикистон Эмомалӣ Раҳмон дар оғози соли таҳсил бо намояндагони соҳаи маорифи Тоҷикистон, муҳассилини мактабҳои миёна дар толори мактаби навбнёди рақами 102 мулоқот кард.

Дар рафти ин мулоқот муаллими ҷавоне низ сухаронӣ намудааст ва президент бо ӯ сӯҳбати озод доир кардааст. Президент аз маоши вай пурсон мешавад ва дар пайи ин пурсишаш аз вазъи оилавии ҷавон пурсидааст.

"Оила дорӣ?, -мепурсад раисҷумҳур.  - Не, мӯҳтарам Ҷаноби Олӣ, посух додааст ҷавон. -Чаро?, -боз таҳпурсӣ мекунад, президент".

Дар посух ҷавон мегӯяд, ки ҳоло магистр аст.

Вақте ки Эмомалӣ Раҳмон синну соли писаракро дақақ мекунад, бо шӯхӣ мегӯяд, ки "айни зангирист".

Раисҷумҳур дар муроҷиат ба вазири маориф ва муовини раиси шаҳри Душанбе аз сохторе ёдрас мешавад, ки дар он президент худаш духтаракони ятими куллро аз тамоми шаҳру деҳот ҷамъ карда, тарбият кардааст.

"Ман як сохтор дорам, духтаракони ятими куллро дар он ҷо тарбия мекунам, аз хурсолӣ, аз мактаб-интернатҳо ҷамъ мекунам, дар ҳамон сохтор оварда тарбия мекунам, мехононам, донишгоҳ дохил мекунам, баъд шавҳаршон медиҳам, оиладоршон мекунам, баъд мустақилона мераванд", - мегӯяд президент.

"Бисёр духтаракони зебоянд", - тавсиф мекунад Эмомалӣ Раҳмон ва дар муроҷиат ба масъулин шӯхиомез мегӯяд, ки "муаллимро як рӯз лексияхонӣ бар".

Президент баъди сӯҳбат бо муаллим ба вазир рӯй меоварад ва таъкид мекунад, ки масъулин чунин ҷавононро дастгирӣ кунанд.

 

4946
Пустое кресло

Тағйироти кадрӣ дар дастгоҳи раиси Бадахшон: Улфатшоев вазифаи нав гирифт

134
Раиси Вилояти Мухтори Кӯҳистони Бадахшон Файзов Ёдгор дар ҳайати дастгоҳаш тағйироти кадрӣ гузаронд

ДУШАНБЕ, 25 сен - Sputnik. Бо қарори Файзов Ёдгор раиси ВМКБ, Улфатшоев Ҷангибек Мирзоевич аз вазифаи ишғолкардаи худ канор рафт.

Номбурда дар асоси қарори раиси вилоят, аз вазифаи сармутахассиси бахши иттилоотию таҳлилии дастгоҳи раиси ВМКБ озод гардид.

Раҳмон гуфт, на ҳамеша аз рӯи ахбори пешниҳодшуда ба ӯ кор мекунад-видео

Бар хабари котиботи раиси ин вилоят, Улфатшоев Ҷангибек дар асоси қарори раис ба мансаби муовини сардори Раëсати маориф таъйин карда шуд.

"Дар мақоми нав, Улфатшоев аз санаи 25 - уми сентябр ба ифои вазифа шурӯъ мекунад", - таъкид мешавад дар хабар.

Манбаъ меафзояд, Улфатшоев Ҷангибек давоми 9 сол дар дастгоҳи раиси вилоят ба вазифаҳои гуногун фаъолият намуда, аз соли 2007 узви Иттифоқи журналистон ва аз соли 2017 узви Иттифоқи нависандагони Ҷумҳурии Тоҷикистон мебошад.

134
Барчаспҳо:
тағйироти кадрӣ, ВМКБ
Визит Эмомали Рахмона в Согдийскую область

Сафари Раҳмон ба ноҳияи Ховалинг аз ифтитоҳи пул оғоз ёфт

38
Кишвардори Тоҷикстон Эмомалӣ Раҳмон дар идомаи сафарӣ корӣ ба вилояти Хатлон имрӯз ба ноҳияи Ховалинг ташриф овард

 

ДУШАНБЕ, 25 сен - Sputnik. Сафари кории Эмомалӣ раҳмон раисҷумҳури Тоҷикистон аз ноҳияи Ховалинг аз ифтитоҳи пули нав миёни деҳаи Панҷариёни деҳоти Ғаффор Мирзои ноҳияи Ховалинг ва деҳаи Синҷии деҳоти Чилдухтарони ноҳияи Муъминобод оғоз ёфт.

Бар хабари котиботи раисҷумҳури Тоҷикистон, пули нав дар болои дарёи Ёхсу сохта шуда, 80 метр дарозӣ ва 6 метр паҳноӣ дорад.

Иқтидори борбардории пул 40 тоннаро ташкил медиҳад.

Раҳмон дар Мӯъминобод бо дастовез ба хонаи сокини маҳаллӣ рафт

Иншооти нав аз ҷониби соҳибкорони ватандӯст Фатҳулло Қаҳҳоров ва Ҷумахон Қосимов дар муддати кӯтоҳ бо харҷи 1 миллиону 400 ҳазор сомонӣ бунёд гардидааст.

Зимнан, Эмомалӣ Раҳмон ба соҳибкорони ватанӣ барои саҳм гузоштан дар ободонии маҳалли худ таҳсину офарин хонда, намунаи ибрат барои дигар арзёбӣ кард.

38
Барчаспҳо:
ифтитоҳ, пул, Ховалинг, Эмомалӣ Раҳмон
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

0
(Таҷдидшуда 17:48 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

0
Барчаспҳо:
мусофирбар, бетартибӣ, ҷазо, Тоҷикистон