Женщина несет своего ребенка

Даргузашти як зани 31-солаи тоҷик дар марзи Сурия ва Туркия

584
(Таҷдидшуда 10:30 19.08.2020)
Як зани 31 солаи тоҷик бар асари таркиши балони газ ҳангоми пухтани ғизо дар урдугоҳе дар марзи Сурия ва Туркия дар вилояти Ҳасака ҷони худро аз даст дод

ДУШАНБЕ, 19 авг — Sputnik. Зубайдулло Зубайдзода, сафири Тоҷикистон дар Ироқ ва Кувейт, ки бо мақомоти давлати Сурия дар тамос мебошад, иллати марги хонум Наргис Ҷураеваро, ки дар урдугоҳи таҳти контроли неруҳои демократики курди сурӣ нигаҳдорӣ мешуд, таркидани балони газ унвон кар, иттилоъ додааст радиои тоҷикии Садои Хуросон.

Зубайдзода афзуд, дар ин урдугоҳ ҳафт зани тоҷик, ки ҳамсарони онон бо пайвастан ба гурӯҳи террористии ДОИШ барои ҷанг бо артиши Сурия ба ин кишвар омада ва кушта шудаанд ба ҳамроҳи 17 фарзандашон нигаҳдорӣ мешаванд.

Ба гуфтаи Зубайдзода қаблан бо мусоидати Салиби сурхи ҷаҳонӣ рӯйхатти беш аз 575 нафар аз занон ва кӯдакони тоҷик, ки дар урдугоҳҳои оворагон дар қаламрави Сурия нигаҳдорӣ мешаванд, таҳия шуд, ки ба далели густариши вируси корона интиқоли онон ба Тоҷикистон ба таъхир афтодааст.

Беш аз як ҳазору 900 шаҳрванди Тоҷикистон бо пайвастан ба гурӯҳи террористии ДОИШ ба Сурия ва Ироқ рафтаанд, ки теъдоди зиёде аз онон дар ҷанг бо артишҳои ин ду кишвари арабӣ кушта шудаанд, аммо беш аз 575 нафар аз занон ва кӯдакони онон дар Сурия ва шуморе низ дар Ироқ дар урдугоҳҳои оворагон нигаҳдорӣ мешаванд.

Аз сӯи дигар 43 зани тоҷик дар Ироқ ба иттиҳоми ҳамкорӣ бо гурӯҳҳои террористӣ ба зиндон маҳкум шуданд ва ҳукумати Тоҷикистон 84 кӯдаки тоҷикро дар моҳи апрели соли 2019 аз Бағдод ба Душанбе мунтақил кард.

584
Барчаспҳо:
таркиш, фавт, Туркия, тоҷик, зан, Ироқ, Сурия, Тоҷикистон
Детская игрушка возле дороги

Ҳодисаҳои мудҳиши нақлиётӣ: ноболиғ духтари амакрову бобо набераро пахш кард

15
(Таҷдидшуда 11:21 23.09.2020)
Вазорати умури дохилии Тоҷикистон аз рухдоди як садамаи мудҳиши нақлиёти хабар медиҳад, ки дар пайи беэҳтиётии ноболиғ сар задааст

ДУШАНБЕ, 23 сен - Sputnik. Ба иттилои манбаъ, ҳодиса санаи 21-уми сентябри соли ҷорӣ, тахминан соатҳои 17:10-дақиқа сар задааст.

Ба иттилои манбаъ, ноболиғ Ш.И., соли таваллудаш 2007, сокини ҷамоати деҳоти К.Исмоилов, бе ҳуҷҷати ронандагӣ автомашинаи тамғаи “Тайота-Фледер”-ро, ки ба амакаш Шамсов Алишер Қурбоналиевич тааллуқ дорад, гирифта, ҳангоми ҳаракат кардан дар деҳаи мазкур аз уҳдаи идора намудани автомашина набаромада, духтари амакаш, хурдсол Шамсова Оишамо Далеровна, соли таваллудаш 2018-ро пахш намудааст.

Манбаъ мегӯяд, дар натиҷа, хурдсол Шамсова Оишамо Далеровна ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.

ВУД мегӯяд, ҳамзамон санаи  22-юми сентябр, тахминан соатҳои 22:00-дақиқа, ронандаи автомашинаи тамғаи "Старекс", Қушоқов Хушбахт Холмирзоевич, соли таваллудаш 1968, сокини ҷамоати деҳоти Ҷавкандаки шаҳри Истаравшан, аз уҳдаи идора намудани автомашина набаромада, дар назди манзили истиқоматиаш набераи ноболиғаш, Қушоқов Амир Давлатназарович, соли таваллудаш 2015-ро пахш намудааст.

Ҳалокати як ноболиғ ва ду ҷавон дар ду садамаи маргбор

Гуфта мешавад дар натиҷа, ноболиғ Қушоқов А.Д. ҷароҳатҳои вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.

15
Барчаспҳо:
фавт, ноболиғ, садамаи маргбор, Тоҷикистон
Ёкуб Салимов бо фарзандони навзодаш

“Экстремизми иттилоотӣ”: вокуниши ВКД ба хабари ҳамлаи ниқобпӯшон ба хонаи Ёқуб Салимов

445
Вазорати корҳои дохилии Тоҷикистон хабари расонаҳо дар бораи ҳамлаи як гуруҳи ниқобпӯш ба манзили Ёқуб Салимов, собиқ вазири корҳои дохилиро рад кард

ДУШАНБЕ, 23 сен — Sputnik. Нусратулло Маҳмадзода, сухангӯи вазорати корҳои дохилии Тоҷикистон дар ин робита ба Sputnik Тоҷикистон гуфт, ҳеҷ ҳамлае ба хонаи Ёқуб Салимов анҷом нашудааст ва ин хабар аз реша сиҳат надорад.

Вай гуфт, дар ин бора ягон шикоят ё аризае ба шуъбаи ВКД дар ноҳияи Исмоили Сомонӣ ворид нашудааст.

“Ҳоло ҳеҷ гуруҳе дар Тоҷикистон вуҷуд надорад, ки суботи ҷомеаро барҳам занад. Мақомоти ҳифзи ҳуқуқ қудрати кофии ҳимоят аз ҳар шаҳрванд ва моликияти ӯро доранд. Ҳар ҷиноят дар ин замина зуд пайгирӣ ва ошкор мешавад. Онҳое, ки бо пахши чунин ахбор мехоҳанд афкори умумии ҷомеаро безобита кунанд, даст ба экстремизми иттилоотӣ мезананд ва ин ҷиноят аст”, - гуфт Нусратулло Маҳмадзода.

Қаблан расонаҳо хабар доданд, ки 18 августи соли равон 12 - 13 нафар ниқобпӯш бо ду микроавтубуси берақам ба хонаи Ёқуб Салимов, собиқ вазири корҳои дохилии Тоҷикистон, воқеъ дар минтақаи “Водонасос” – и шаҳри Душанбе ҳамла бурда, бо битаҳо шишаҳои мошини Ренҷ-Роверашро шикаста ва писари ӯ - Абубакр Салимовро шадидан латукӯб кардаанд, ки дар натиҷа мавсуф ба бемористон интиқол дода шудааст.

Абӯбакр Салимов, писари Ёқуб Салимов, бо пахши як изҳорот дар сафҳаи фейсбукаш ин хабарро маҳсули хаёлоти муаллиф ва “тӯҳмату гапҳои дурӯғ” нисбати хонаводааашон, бавежа падараш Ёқуб Салимов ва шахси худаш хондааст.

“Ба хонаи мо дар санаи 18 август ягон хел ҳамла нашудааст. Дуруст аст, ки мо дар маҳаллаи Водонасос зиндагӣ мекунем, аммо он рӯз чун рӯзҳои дигар тинҷу ором ва осуда будем”, - гуфтааст Абӯбакр Салимов.

Мавсуф ҳамлаи ашхоси ниқобпӯш ва ба хонаашон даромада шикастани шишаҳои мошини Ренҷ-Роверро низ рад карда, гуфтааст, ки хонаводаи онҳо чунин тамғаи автомашинаро надорад. Вай гуфтааст, касе ӯро латукӯб накардааст ва ӯ ба беморхона низ наафтодааст.

“Аз номи падар ва тамоми аъзои оилаамон ба кулли хамватанон мерасонам, ки шукри тинҷиву амонии Ватани азизамон мекунем. Чунин ходиса бо оилаи мо рух надодааст ва чизе ки хондаед, бофтаҳои нафарони иғвоангез мебошад”, - гуфтааст Абӯбакр Салимов.

Ёқуб Салимов, яке аз чеҳраҳои маъруфи замони ҷанги шаҳрвандии Тоҷикистон аст, ки як муддат вазири корҳои дохилӣ (1993-1995) ва сафири ин кишвар дар Туркия (1995-1996) буд. Ӯ соли 1997 бо иттиҳоми даст доштан дар табаддулоти давлатӣ таҳти пайгарди қонун қарор гирифт. Соли 2003 дар шаҳри Маскави Русия боздошт ва ба Тоҷикистон истирдод шуд.

Моҳи апрели соли 2005 ӯ барои 15 сол равонаи зиндон гашт ва моҳи июни соли 2016 ба озодӣ баромад. Ҳоло дар манзилаш дар шаҳри Душанбе зиндагӣ мекунад.

445