Военный парад в Хороге по случаю приезда президента Таджикистана

Раҳмон пеши сарбазон рафт: боздид аз Қисми низомӣ ва баргузории гузашти низомӣ дар Дарвоз

527
(Таҷдидшуда 11:21 19.08.2020)
Дар доираи сафари корӣ ба ВМКБ раисҷумҳур дар ноҳияи Дарвоз ба Қисми низомии Қӯшунҳои хушкигард ташриф оварда, бо шароити хизмат дар қисми низомӣ шинос шуд

ДУШАНБЕ, 19 авг — Sputnik. Ба нақл аз дафтари матбуоти раисҷумҳур, дар аснои шиносоӣ Эмомалӣ Раҳмон, раисҷумҳури кишвар бо сарбозони қисми низомии мазкур суҳбати самимӣ анҷом дода, аз ҳолу аҳвол ва имкониятҳои хизматии аскарӣ пурсон шуд.

Президент Таджикисана в Бохтаре Хатлонской области
© Официальная страница пресс-службы президента РТ в Facebook.

Гуфта шудааст, ки зимни шиносоӣ бо дигар имкониятҳои қисми низомӣ иттилоъ дода шуд, тайи се соли охир аз ҳисоби маблағҳои буҷетӣ дар дохили қисми низомии мазкур як қатор бинову иншооти дорои аҳамияти ҳарбӣ ба истифода дода шуд.

Манбаъ таъкид доштааст, ки зимни боздид Эмомалӣ Раҳмон ҳайати шахсӣ ва масъулинро вазифадор намуд, ки ба сифати ғизои сарбозон ва маҳсулнокии таоми омодагардида диққати аввалиндараҷа зоҳир намоянд.

“Таъмини саривақтии хӯроки серғизо яке аз талаботи асосӣ дар қисмҳои низомӣ барои сарбозон мебошад”, - гуфт раисҷумҳури кившар.

Ҳамзамон, Эмомалӣ Раҳмон супориш дод, ки имконоти ин мавзеъ барои дар оянда парвариш кардани чорво, гузаронидани кишти зироат ва таъмини дигар қисмҳои низомӣ бо маводи хӯрокворӣ самаранок истифода бурда шавад.

Манбаъ таъкид доштааст, ки дар  доираи анҷоми корҳои сохтмонӣ, давоми ин солҳо дар ҳудуди тамоми гарнизонҳои мамлакат бисёре аз қисмҳои низомӣ навсозӣ шуда, як қатор иншооти муҳим ва дорои аҳамияти ҳарбӣ низ таъмиру тармим гардиданд.

Эмомалӣ Раҳмон, президенти кишвар дар сӯханронӣ бо сарбозону афсарон таъкид кард, ки Қувваҳои Мусаллаҳи мамлакат зодаи даврони истиқлоли мамлакат буда, ҳамасола бо андешидани тадбирҳои саривақтӣ шарту шароит дар қисмҳои низомӣ ба талаботи давру замон мутобиқ карда мешавад.

“Дар ин баробар мустаҳкамсозии заминаи моддӣ-техникии ҷузъу томҳои Артиши миллӣ зери таваҷҷуҳ ва назорати доимии Ҳукумати Тоҷикистон қарор дорад.”, - афзуд раисҷумҳури кишвар.

Баъди суханронии Президенти гузашти низомии сарбозон баргузор гардид.

527
Барчаспҳо:
Эмомалӣ Раҳмон, Раисҷумҳур, қисми низомӣ, боздид, гузашти низомӣ, Тоҷикистон
Милиционеры в Душанбе, архивное фото

Капитану подполковник, майорро латукуб намуданд: парвандаи ду масъули баландпояи Суғд

2
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

2
Барчаспҳо:
парванда, латукӯб, Суғд
Пустое кресло

Тағйироти кадрӣ дар дастгоҳи раиси Бадахшон: Улфатшоев вазифаи нав гирифт

192
Раиси Вилояти Мухтори Кӯҳистони Бадахшон Файзов Ёдгор дар ҳайати дастгоҳаш тағйироти кадрӣ гузаронд

ДУШАНБЕ, 25 сен - Sputnik. Бо қарори Файзов Ёдгор раиси ВМКБ, Улфатшоев Ҷангибек Мирзоевич аз вазифаи ишғолкардаи худ канор рафт.

Номбурда дар асоси қарори раиси вилоят, аз вазифаи сармутахассиси бахши иттилоотию таҳлилии дастгоҳи раиси ВМКБ озод гардид.

Раҳмон гуфт, на ҳамеша аз рӯи ахбори пешниҳодшуда ба ӯ кор мекунад-видео

Бар хабари котиботи раиси ин вилоят, Улфатшоев Ҷангибек дар асоси қарори раис ба мансаби муовини сардори Раëсати маориф таъйин карда шуд.

"Дар мақоми нав, Улфатшоев аз санаи 25 - уми сентябр ба ифои вазифа шурӯъ мекунад", - таъкид мешавад дар хабар.

Манбаъ меафзояд, Улфатшоев Ҷангибек давоми 9 сол дар дастгоҳи раиси вилоят ба вазифаҳои гуногун фаъолият намуда, аз соли 2007 узви Иттифоқи журналистон ва аз соли 2017 узви Иттифоқи нависандагони Ҷумҳурии Тоҷикистон мебошад.

192
Барчаспҳо:
тағйироти кадрӣ, ВМКБ