"Боварнокарданист, вале ин ҳақиқат аст": Истиқлол шаҳри бидуни COVID-19 дар Тоҷикистон

1241
Дар шаҳри Истиқлоли Тоҷикистон то ба имрӯз ягон ҳолати гирифторӣ ба бемории COVID-19 ба қайд гирифта нашудааст. Сартабиб мегуяд, хушбахтона ин минтақа аз шуюъи мавҷи дуюми беморӣ ҳам эмин мондааст

ДУШАНБЕ, 19 авг – Sputnik. Валиназар Ғоибов, сартабиби шаҳри Истиқлол (собиқ Табошар) дар суҳбат бо Sputnik Тоҷикистон вазъи беҳдоштиро шарҳ дода гуфт, то ба имрӯз ягон ҳолати сирояти бемории коронавирус дар ин минтақаи кишвар дарёфт нашудааст.

“Шояд бисёриҳо бовар накунанд, вале ин ҳақиқат аст, хушбахтона дар шаҳри Истиқлол то имрӯз бемории COVID-19 дарёфт нашудааст”, гуфт Ғоибов.

Сартабиб дар эмин мондани ин шаҳр аз хуруҷи бемории коронавирус ба чанд омил ишора кард, ки эҳтимол сабаб шудааст. Яке аз онҳо мавҷуд будани танҳо як шоҳроҳи воридшавӣ ба ин шаҳр аст, ки аз оғози сабти беморӣ дар кишвар то ҳол равуои сокинон зери назорати қатъӣ қарор дорад.

Валиназар Ғоибов гуфт, аз оғози моҳи май, яъне аз замони сабти расмии бемории ҳамагири COVID-19 то аввалҳои моҳи август дар умум 10 мавриди бемории илтиҳоби шуш ба қайд гирифта шудааст. Аз рӯзи 7 август ба ин тараф, омори ин илтиҳоби шуш ҳам ба сифр баробар аст, таъкид кард, Ғоибов. Ба ин саволи мо, ки шояд илтиҳоби шуш, дар ин минтақа навъе аз бемории “вируси корона” аст?

“Мо аз ҳамаи беморони илтиҳоби шуш, таҳлил гирифта, барои ташхиси бемории коронавирус ба Маркази назорати давлатии санитарию эпидемиологии Суғд равон кардем, ки натиҷаи ҳамаи онҳо манфӣ баромад”, гуфт Ғоибов.

Чанде пеш Наимҷон Комилзода, мудири шуъбаи кадрҳои Раёсати нозироти андози вилояти Суғд дар нишасти матбуотӣ дар посух ба саволи хабарнигорон оиди ҳолатҳои гирифтории кормандони ин мақомот ба бемории COVID-19 посух дода, гуфта буд, ки дар миёни 68 нафар танҳо як маврид ва он ҳам ба Ғолибҷон Ҳомидов, сардори нозироти андоз дар шаҳри Истиқлол аломатҳои бемории COVID-19 тасдиқ шудааст ва номбурда баъди 28-рӯзи табобат алайҳи ин беморӣ ғолиб омада, сари кораш баргаштааст.

Сартабиби шаҳри Истиқлол гуфт, Ғолибҷон Ҳомидов, сокини ҷамоати Ғулакандози ноҳияи Ҷаббор Расулов буда, қабл аз сардори нозироти андози шаҳр таъин шуданаш дар мақомоти андози шаҳри Истаравшан кор кардааст.

“Вақте муайян шуд, ки ташхиси бемориаш мусбӣ баромад, мо он касро ба маҳалли зисташон фиристодем ва он ҷо бештар аз бист рӯз табобат гирифта, пурра шифо ёфта ба кор омаданд”, афзуд сартабиб.

Мақоми 93-юми Тоҷикистон дар ҷаҳон аз рӯйи сироятёбӣ ба коронавирус

Ба ин ҳол шаҳри Истиқлол, (пештара Табошар) бо доштани ҳудуди 18 ҳазор аҳолӣ, як шаҳри орӣ аз хуруҷи бемории каронавирус дар Тоҷикистон ба ҳисоб меравад.

1241
День 29 сентября

Ҷашнҳои рӯзи 29 сентябр дар Тоҷикистон ва ҷаҳон

14
(Таҷдидшуда 19:26 28.09.2020)
Рӯзи бисту нӯҳуми сентябр ҳамчун Рӯзи умумиҷаҳонии дил ба ҳисоб меравад. Ҳамчунин ин рӯз ҳамчун Рӯзи байналмилалии духтури касалиҳои гӯшу гулӯю бинӣ мебошад

Рӯзи 29 сентябр дар ҷаҳон чӣ рух дод

Соли 1829 дар шаҳри Лондон бо фармони Вазири вақти корҳои дохилии ин шаҳр Роберт Пиля политсияи гражданӣ таъсис дода шуд.

День 28 сентября
© Sputnik / Стас Этвеш / Вишнякова Мария

Соли 1973 дар натиҷаи заминҷунбӣ дар Мексика  зиёда аз 700  нафар ба ҳалокат расиданд.

Соли 2000 марди 93-солаи австриягӣ куҳансолтарин одами дунё маҳсуб меёфт, ки мехост ҳуҷҷати ронандагӣ ба даст орад.

Рӯзи 29 сентябр дар Тоҷикистон чӣ рух дод

Соли 1926 ноҳияҳои Айнӣ, Ашт ва  Нов (ҳозира Спитамен) ташкил ёфтанд.

Соли 2011 ширкати ҳавопаймоии "Сомон Эйр" ҳавопаймои нави худ — "Боинг 737-900"-ро муаррифӣ намуд, ки он дар фазои ИДМ нав пайдо шуда буд.

 

Самолет компании Сомон Эйр, архивное фото
Самолет компании "Сомон Эйр", архивное фото

 

Соли 2013 бо иштироки Эмомалӣ Раҳмон дар Ҷамоати деҳоти Шугноби ноҳияи Ховалинг мактаб-интернат барои 320 нафар хонанда бо хобгоҳ ва хонаи истиқоматӣ барои омӯзгорон мавриди баҳрабардорӣ қарор дода шуд.

Соли 2015 ба будубоши дивизияи 201-уми ҳарбии Федератсияи Русия дар Тоҷикистон  70 сол пур шуд.

Ҷашнҳои рӯзи 27 сентябр дар Тоҷикистон ва ҷаҳон

Соли 2015 Президенти Тоҷикистон Эмомалӣ Раҳмон дар шаҳри Ню-Йорки ИМА дар мубоҳисоти умумии Иҷлосияи 70-уми Маҷмаи Умумии Созмони Милали Муттаҳид суханронӣ ва диққати аҳли сайёраро ба ҳалли масъалаҳои ҷаҳонии умумибашарӣ ҷалб намуданд.

Соли 2016 дар Қасри Миллат Эмомалӣ Раҳмон  бо Дабири кулли Созмони Аҳдномаи амнияти дастаҷамъӣ Николай Бордюжа мулоқот карданд.

 

Встреча Эмомали Рахмона с генеральным секретарем ОДКБ Николаем Бордюжей
Встреча Эмомали Рахмона с генеральным секретарем ОДКБ Николаем Бордюжей

 

Соли 2016 бинои нави Сарраёсати консулии Вазорати корҳои хориҷии Ҷумҳурии Тоҷикистон ба истифода дода шуд.

Соли 2016 ВАО хабар доданд, ки Тоҷикистон дар раддабандии нави Форуми байналмилалии иқтисодӣ зинаи 77-умро соҳиб шуд.

Ҷашнҳои рӯзи 29 сентябр

  • Рӯзи умумиҷаҳонии дил.
  • Рӯзи байналмилалии духтури касалиҳои гӯшу гулӯю бинӣ.
  • Рӯзи Конститутсия дар Бруней.

Рӯзи 29 сентябр дар Тоҷикистон кӣ ба дунё омадааст

Солҳои (1921-1994)  Шоир Ҳамдам Ҷура.

Соли 1925 Ҳунарманди халқии Тоҷикистон  Нисон Шоулов.

Соли 1951 Қаҳрамони олимпӣ Юрий Лобанов.

Соли 1982 Варзишгар Расул Боқиев.

14
Барчаспҳо:
ҷаҳон, ҷашн, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

2133
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

2133