Поезд на железной дороге

Тоҷикистону Русия имтиёзҳои иловагӣ ба роҳиоҳанчиёни тоҷикро баррасӣ карданд

312
(Таҷдидшуда 19:56 21.08.2020)
Русия ва Тоҷикистон масъалаи имкони пешниҳоди имтиёзҳои иловагӣ ба роҳиоҳанчиёни тоҷикро баррасӣ карданд

ДУШАНБЕ, 21 авг — Sputnik. Ин масъала дар гуфтушуниди намояндаи тиҷоратии Русия дар Тоҷикистон Евгений Коренков бо муовини вазири нақлиёти ҷумҳурӣ Шоиста Саидмуродзода ва сардори КВД “Роҳи оҳани Тоҷикистон” Комил Мирзоалиев баррасӣ шуд, иттилоъ додааст  дафтари матбуоти Вазорати саноат ва савдои Русия.

Бино бар иттилои манбаъ, зимни вохӯрӣ ҳамчунин масъалаҳои аз ҷониби Тоҷикистон дастрас намудани технкаи роҳи оҳан, вагонҳои инноватсионии боркашу мусофирбар ва махсус, инчунин таҷҳизоту асбоби зарурӣ барои хизматрасонии онҳо, ки дар Русия истеҳсол шудааст, мавриди баррасӣ қарор гирифтааст.

Ғайр аз ин, ҷонибҳо ба масъалаи имкони пешниҳоди имтиёзоти иловагӣ ба роҳиоҳанчиёни тоҷик дар боркашонии маҳсулот ба Русия таваҷҷуҳ зоҳир карданд.

Ба гуфтаи Евгений Коренков, дастрасии Тоҷикистон ба маҳсулоти мошинсозии роҳи оҳани истеҳсоли Русия барои роҳ ёфтан ба сатҳи нави ҳамкорӣ дар таҷдиди соҳаи роҳи оҳани Тоҷикистон имкон фароҳам меоварад.

“Ин дар навбати худ, ба роҳандозии боркашонии содиротии мунтазами маҳсулоти Тоҷикистон ба бозорҳои кишварҳои минтақаи Осиё, ИДМ, аз ҷумла Русия имкон медиҳад”, - зикр кардааст Коренков.

312
Барчаспҳо:
пешниҳод, имтиёз, роҳи оҳан, Тоҷикистон
Новая мечеть в Душанбе

Тоҷикистон кай дари масоҷидро ба рӯи намозгузорон мекушояд?

3
(Таҷдидшуда 18:23 01.10.2020)
Дар Тоҷикистон ҳамоно дар робита ба авҷи маризии сироятии коронавирус дари масҷидҳо барои намозгузорон баста аст

ДУШАНБЕ, 1 окт – Sputnik. Дар Тоҷикистон ҳанӯз ҳам намозгузорӣ дар масҷидҳо номумкин аст, хабар медиҳад Парс тудей.

Манбаъ аз қавли Эмомалӣ мирзоев сухангӯи Вазорати тандурустии Тоҷикистон хабар медиҳад, ки ба далели калонсол будани синну соли аксар намозгузорон дар кишвар, ҳоло санаи дақиқи бозкушоӣ шудани дари масҷидҳо номаълум аст.

Мирзоев мегӯяд, одамони калонсол ба гурӯҳи хатар шомилан ва аз ин рӯ ин масъала ҳоло мавриди баррасӣ қарор нагирифтааст.

Зимнан, сухангӯи Кумитаи дин Афшини Муқим низ таъкид кардааст, ки риояти фосилаи иҷтимоӣ дар масҷидҳо кори сахт мебошад.

Нахустин намоз дар масҷиди Оя София - пахши мустақим

Ӯ мегӯяд, дар сурати беҳ шудани вазъи коронавирус дар Тоҷикистон ва фароҳам овардани шароити хуб дар масоҷид, ин масъала ҳалли худро пайдо мекунад.

Ёдовар мешавем, масҷидҳои Тоҷикистон аз рӯзи 18 апрели соли ҷорӣ тибқи дастури Шӯрои уламои исломии  кишвар ва тавсияҳои Ситоди муқобила бо вируси корона барои ҷилавгирӣ аз густариши коронавирус, баста шуд.

Қаблан, Тоҷикистон дари тарабхонаву қаҳвахонаҳоро низ баста буд. Аммо сар аз 15 - уми июл фаъолияти тарабхонаҳо аз сар гирифта шуд ва баргузории тӯю маъракаҳои хурсандӣ бо ҳузури на беш аз 30 нафар иҷозат дода шуд.

3
Барчаспҳо:
намоз, Тоҷикистон, масҷид
Мавзуҳо:
Пайомадҳои COVID-19 дар Тоҷикистон ва ҷаҳон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

36
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

36
Барчаспҳо:
донишҷӯён, сафир, Русия, Тоҷикистон