Заместитель премьер-министра Таджикистана Азим Иброхим, архивное фото

Қирғизистон аз Тоҷиккистон чӣ мехоҳад?: миёни ду кишвар боз масоили марзӣ баррасӣ шуд

1183
(Таҷдидшуда 10:40 25.08.2020)
Зимни суҳбати телефонӣ ҷонибҳо муовини Сарвазирони Тоҷикистону Қирғизистон масоили делимитатсия ва демаркатсияи сарҳади давлатиро баррасӣ карданд

ДУШАНБЕ, 25 авг— Sputnik. Бо ташаббуси муовини Сарвазири Тоҷикистон байни ҳамраисони Комиссияи байниҳукуматии Тоҷикистону Қирғизистон доир ба баррасии маҷмӯи масъалаҳои дуҷониба — муовини сарвазири Тоҷикистон Азим Иброҳим ва муовини сарвазири Қирғизистон Акрам Мадумаров суҳбати телефонӣ доир гардид, иттилоъ додааст АМИТ “Ховар”.

Бино бар иттилои манбаъ, зимни суҳбат ҷонибҳо як қатор масъалаҳои мубрами муносибатҳои дуҷонибаи Тоҷикистону Қирғизистон, аз ҷумла масъалаҳои делимитатсия ва демаркатсияи сарҳади давлатиро баррасӣ карданд.

“Дар рафти он, муҳимияти дар асоси муқаррароти созишномаҳо ва протоколҳои комиссияҳои байниҳукуматӣ пайваста татбиқ намудани як қатор чорабиниҳо, аз қабили гузаронидани корҳои профилактикӣ ва фаҳмондадиҳӣ бо аҳолӣ дар минтақаҳои наздисарҳадӣ, то пурра дар асоси қонун ба расмият даровардани хати сарҳади давлатӣ, зикр карда шуд”, -таъкид доштааст манбаъ.

Инчунин, гуфта шудааст, ки ба муҳимияти риояи муқаррароти дахлдори Созишнома байни кишварҳои Осиёи Марказӣ “Дар бораи ҳамкорӣ дар соҳаи идоракунии муштарак ва ҳифзи захираҳои обии манбаъҳои байнидавлатӣ” ва пешгирии амалҳои яктарафа, ки ба манфиати ҷонибҳо таъсир мерасонанд, таваҷҷуҳи махсус зоҳир карда шуд.

Ҳамзамон ҷонибҳо дар бораи зарурати фаъол сохтани кори Комиссия оид ба делимитатсия ва демаркатсияи сарҳади давлатӣ ибрози назар карда, омодагии худро ҷиҳати пешбурди гуфтушунидҳои созанда оид ба ҳалли масъалаҳои сарҳади давлатӣ дар рӯҳияи ҳамдигарфаҳмӣ ва муносибатҳои ҳамҷавори дӯстонаву ҳамкории ду кишвар изҳор доштанд.

1183
Барчаспҳо:
сарҳад, масоил, баррасӣ, суҳбат, марз, Қирғизистон, Тоҷикистон
Эмблема Центральной комиссии по выборам и референдумам  Республики Таджикистан

Номзадҳо барои интихоботи президентӣ чӣ қадар маблағ масраф хоҳанд кард?

6
(Таҷдидшуда 14:36 20.09.2020)
Барномаи таблиғоти барномаҳои интихоботии номзадҳои раёсатҷумҳурӣ дар Тоҷикистон дар ҳоле оғоз шудааст, ки масъулон дар бораи ҳазинаи молии аҳзоби сиёсӣ дар ин марҳала камтар изҳори назар мекунанд

ДУШАНБЕ, 20 сен — Sputnik.Танҳо намояндагони Ҳизби коммунисти Тоҷикистон гуфтаанд, ки барои таблиғоти барномаи интихоботии Меъроҷ Абдуллоев раис ва номзади ин ҳизб 40 ҳазор сомонӣ ҳазина хоҳад шуд, иттилоъ додааст хабаргузории “Парстудей”.

Бино бар иттилои манбаъ,ҳизби кишоварзии Тоҷикистон барои барномаи таблиғотии Рустам Латифзода раис ва номзади ин ҳизб 15 ҳазор адад шиорнавишта ва варақҳои таблиғотӣ мунташир кардааст ва нашрияи ин ҳизб низ бо шуморагони 40 ҳазор нусха мунташир хоҳад шуд.

Рустам Раҳматзода, раис ва номзади Ҳизби ислоҳоти иқтисодии Тоҷикистон гуфтааст, ки барои таблиғот ба қадри кофӣ манобеи молӣ дар ихтиёр дорад.

Номзадҳо ҳамчунин аз 40 дақиқа замоне, ки телевизиони давлатии Тоҷикистон барои муаррифии барномаҳои интихоботии онон ихтисос додааст, истифода хоҳанд кард.

Аз сӯи дигар ба ғайр аз ҳизби халқии демократӣ бақияи аҳзоби сиёсӣ дар ин кишвар сомонаи интернетӣ надоранд.

Ҳамчунин густариши вируси куруно дидори мустақими номзадҳои интихоботи раёсатҷумҳурии Тоҷикистон бо мардум ва тавзеҳи барномаҳои интихоботии номзадҳоро ба шиддат маҳдуд кардааст.

Интихоботи раёсатҷумҳурии Тоҷикистон ёздаҳуми октябр баргузор мешавад.

6
Барчаспҳо:
Аҳзоби сиёсӣ, ҳазина, Интихоботи президентӣ, интихобот, Тоҷикистон
Национальный банк Таджикистана, архивное фото

Бонки миллӣ “Тоҷиксодиротбонк” ва “Агроинвестбонк”-ро варшикаста эълом нахоҳад кард

135
(Таҷдидшуда 13:52 20.09.2020)
Бонки Миллии Тоҷикистон бо нашри баёнияе эълом кард, ки “Тоҷиксодиротбонк” ва “Агроинвестбонк”-ро варшикаста эълом нахоҳад кард

ДУШАНБЕ, 20 сен — Sputnik.  Дар баёнияи Бонки Миллии Тоҷикистон таъкид шудааст, ки бо вуҷуди дархости муқаррари сандуқи байналмилалии пул барои варшикаста эълом кардани бонкҳои “Тоҷиксодиротбонк” ва “Агроинвестбонк” то замони тасвияи ҳисоби ин ду ниҳоди молявӣ бо муштарён аз ин иқдом  худдорӣ хоҳад кард, иттилоъ додааст радиои тоҷикии Садои  Хуросон дар истинод ба сомонаи Топ Ти Ҷи.

Бояд гуфт, ки чанде пеш сандуқи байналмилалии пул дар тозатарин арзёбии хеш аз авзоъи иқтисодии Тоҷикистон, бори дигар лағви муҷаввизи ду бонки бузурги Тоҷикистонро хостор шуд.

Мақомоти Бонки Миллии Тоҷикистони гуфтаанд, ки дар ҳоли ҳозир  бадеҳии Бонки “Агроинвестбонк” ба муштарён 750 миллион сомонӣ аст ва амволу сохтмонҳои идории ин ниҳод ва “Тоҷиксодиротбонк” низ ба фурӯш гузошта шудааст.

Дар ҳамин ҳол, Илҳом  Шарифӣ иқтисоддони тоҷик таъкид доштааст, ки варшикаста эълом кардани ин ду бонк ба нафъи ҳукумати Тоҷикистон нест, зеро бахше аз саҳҳоми молии ин ду бонки буҳронзада давлатӣ асту бар асоси муқаррароти ҳукумати Тоҷикистон дар пайи эъломи варшикастагии ин ду ниҳоди молӣ маҷбур аст, ки бадеҳии муштарёнро тасвия кунад, аммо чунин маблағро дар ихтиёр надорад.

135
Барчаспҳо:
Бонки миллӣ, Агроинвестбонк, Тоҷиксодиротбонк, бонк, Тоҷикистон