Врач и пациенты в отделении реанимации и интенсивной терапии

Нигаронии мақомоти Хуҷанд аз мавҷи дуюми вируси корона

852
(Таҷдидшуда 12:59 25.08.2020)
Мақомоти Хуҷанд таъкид доштааст, ки бархе шаҳрвандоне, ки миёни хонавода ва пайвандонашон бемории короновирус дарёфт шудааст, бо вуҷуди огоҳии чандкарата ҳамарӯза ба кор ва ҷойҳои ҷамъиятӣ ҳозир шуда, ба саломатии дигар шаҳрвандон низ хатар эҷод намуда истодаанд

ДУШАНБЕ, 25 авг— Sputnik. Мақомоти шаҳри Хуҷанд қайд кардааст, ки мутаассифона рӯзҳои охир ҳолатҳои нави сироятёбӣ, бахусус бидуни нишонаҳои хос ошкоршавии беморӣ табибонро ба ташвиш овардааст, ки сироятшиносон омили асосии онро дар риоя нашудани қоидаҳои беҳдоштӣ, бидуни ниқоб ба кўча баромадан ва масофаро риоя накардан дар мавзеъҳои ҷамъиятӣ медонанд.

Дар ин бора дафтари матбуоти мақомоти шаҳри Хуҷанд иттилоъ додааст.

“Воқеан ҳам бархе шаҳрвандоне, ки миёни хонавода ва пайвандонашон бемории сироятии короновирус дарёфт шудааст, бо вуҷуди огоҳии чандкарата ҳамарўза ба кор ва ҷойҳои ҷамъиятӣ ҳозир шуда, ба саломатии дигар шаҳрвандон низ хатар эҷод намуда истодаанд. Ё худ дар як оила зан ё мард гирифтори бемории короновирус шудааст, дидаву дониста фарзандҳояшонро ба мактаб гусел мекунанд ва ё нафари солим бо бемор дар як хона зиндагӣ намуда, худро дар фосила нигоҳ надошта, нисбати пешниҳодоти духтурони оилавӣ ва мутахасисони соҳаи тиб бепарвогӣ зоҳир намуда истодаанд, ки натиҷа бемор шуда ба афзун гардидани шумораи беморон оварда расонида истодаанд”, - зикр намудааст манбаъ.

Манбаъ таъкид намудааст, ки ҳар як шаҳрванд бояд хуб дарк намояд, ки ин бемории хатарнок, ки дар як муддати кӯтоҳ бошиддат дар олам паҳн шуда, 213 давлати дунёро таҳти таъсир қарор дод, ки ҳатто кишварҳои абарқудрат ба он истодагӣ карда натавонистанд.

Маркази назорати давлатии санитарию эпидемологии шаҳри Хуҷанд ҳамарӯза масоили марбут ба сироятшавӣ ва роҳҳои пешгирии он дар Ситоди шаҳрӣ оид ба пурзӯр намудани чораҳои зиддиэпидимикӣ барои пешгирӣ ва пайдоиши бемории сирояти нави коронавирус (COVID-19) мавриди баррасӣ қарор дода шуда, он зери назорати доимӣ мебошад.

“Тамоми кормандони соҳаи тиб дар госпиталҳои таъсиснамудаи шаҳр, бо донишу маҳорати касбӣ, давраи вазнини мубориза бар зидди зукоми хавфнок – бемории сироятии коронавирусро бо ҷасорату матонат ва ҳатто ҷоннисорӣ барои наҷоти беморон сиппарӣ намуданд, нагузорем, ки боз давраи вазнини дигари он-авҷи дуюми беморӣ табибибон ва ҳамшираҳои шафқати мо ва худи моро дар ташвиш гузорад”, - афзудааст манбаъ.

Мақомоти шаҳри Хуҷанд қайд намудааст, ҳангоми гирифторӣ бояд ба ин беморӣ тавсияҳои Вазорати тандурустӣ ва ҳифзи иҷтимоии аҳолиро ҷиддан риоя кард.

“Бахусус ҳангоми сироятёбӣ яке аз узви оила, қоидаҳои беҳдоштӣ ва меъёрҳои иззолиётсиониро риоя намоем. Ба бемор то қадри имкон ҳуҷраи алоҳида, зарфҳои алоҳида, хўроки алоҳида ва дигар эҳтиёҷоти фардиро муҳайё созем. Ягон нафар аъзои оила то солим гардидани шахси сироятёфта, бидуни зарурат ба кўча, мактаб, кор ва дигар ҷойҳои ҷамъиятӣ набояд равад. Хонаи истиқоматиашонро тарк насозанд. Зеро бо ин кирдор авзои сироятёбиро дар шаҳр муташанниҷ мегардонад. Ва мубориза алайҳи он душвортар мешавад”, зикр кардааст манбаъ.

Ҳамзамон мақомоти шаҳри Хуҷанд таъкид намудааст, ки сокинони шаҳр то ҳанӯз дар тӯю маъракаҳо, ҷойҳои дилхушӣ, бозору мағоза, боғҳои фарҳангӣ, майдончаҳои назди хонаҳои баландошёна бепарвоёна бидуни ниқоб ва фосилагирӣ ҷамъ мешаванд, ки манбаи сироятёбиро пайдо ва ё бемории сироятиро ба хонаводаашон интиқол медиҳанд.

Маркази назорати давлатии санитарию эпидемологии шаҳри Хуҷанд бори дигар аз сокинон ва меҳмонони хоҳиш карадааст, ки тавсияҳои Вазорати тандурустӣ ва ҳифзи иҷтимоии аҳолии Тоҷикистон қатъиян риоя намоянд, худ ва аҳли оилаашонро аз гирифторӣ ба бемории сироятии короновирус эмин нигоҳ доранд.

Гуфта шудааст, ки мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шари Хуҷанд барои пешгирӣ ва табобати коронавируси нави CОVID-19 тамоми тадобир ва чораҳои зарурӣ амалӣ шуда истодааст.   

852
Барчаспҳо:
мақомот, Хуҷанд, хатар, вирус, хонавода, нигаронӣ, Тоҷикистон
Связка ключей от квартир многоэтажного жилого дома, архивное фото

Раҳмон ба  76 корманди Нерӯҳои марзбонии КДАМ хона тақдим кард

15
(Таҷдидшуда 10:22 29.09.2020)
Раисҷумҳури Тоҷикистон зимни боздид аз ноҳияи Шоҳмансури пойтахт бинои истиқоматиеро боз намуда аз он ба кормандони Неруҳои марзбонии Кумитаи давлатии амнияти миллии Тоҷикистон низ додааст

ДУШАНБЕ, 29 сен – Sputnik. Бино ба иттилои дафтари матбуотии раисиҷумҳур, Эмомалӣ Раҳмон пас аз шиносоӣ бо имкониятҳои бинои нав, нахустин калиди ҳуҷраҳои истиқоматиро ба кормандони Қӯшунҳои сарҳадии Кумитаи давлатии амнияти миллии Ҷумҳурии Тоҷикистон тақдим карданд.

“Дар бинои наву замонавӣ 76 корманди ниҳоди мазкур соҳиби хонаи истиқоматӣ гардиданд”, афзудааст манбаъ.

Манбаъ мегӯяд, ҳамаи хонаҳои истиқоматӣ таъмиру тармим гардида, пурра бо ҷиҳози рӯзгор, аз қабили қолинҳои гуногун, яхдон, телевизор, мошини ҷомашӯӣ ва дигар ҷиҳози зарурӣ таъмин мебошад.

Гуфта мешавад, иншооти нав аз 19 ошёна ва 591 хонаи истиқоматӣ иборат буда, онро ширкати “Сарманзил” бунёд кардааст.

Таъкид шудааст, бинои муҳташами баландошёнаи истиқоматӣ бо санъати хоси меъморӣ бунёд гардида, ҷавобгӯ ба талаботи замонавӣ ва дорои ҳама шароити лозима мебошад.

Раҳмон ба амниятиҳои ноҳияи Восеъ хона тақдим кард

Ёдовар мешавем. Чанд рӯз қабл Эмомалӣ Раҳмон бинои 3-ошёнаро бароии кормандони Кумитаи давлатии амнияти миллӣ дар ноҳияи Восеъ ифтитоҳ карда буд.

15

Рубл боз паст шуду доллару евро боло рафт: Бонки миллӣ арзиши асъори хориҷиро эълон кард

70
(Таҷдидшуда 00:37 29.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рубл дар бозори асъори кишвар дар ҳоли коҳишёбӣ буда, доллар ва евро гаронтар шудааст

ДУШАНБЕ, 29 сен — Sputnik. Тибқи нишондодҳои ҳафтаи равон қурби рубл нисбат ба сомонӣ қариб то чаҳор сомонӣ коҳиш ёфт.

Бонки миллии Тоҷикистон арзиши имрӯ 1 рубли русӣ барои имрӯз 0.1307сомонӣ  ва дар бозори нақд бошад 0.1350 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3290 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.0529  то 12.3000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1355 то 0,1375 сомонӣ муқаррар кардааст.

Дар “Спитаменбонк” бошад арзиши 1 рубл аз 133 то 137 ва дар “Алифбонк” бошад 1 рубл аз 0,1320 то 0,1400 сомонӣ нишон дода шудааст.

Дурнамои норушан: долларро дар охири соли 2020 чӣ интизор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

70
Барчаспҳо:
евро, доллар, рубл, сомонӣ, қурби асъор, Тоҷикистон