Аввалин раиси Суди Олӣ Шароф Маҳмудов даргузашт

Аввалин раиси Суди Олӣ даргузашт, касе ки истиқлолияти Тоҷикистонро расмият бахшид

1700
(Таҷдидшуда 15:19 25.08.2020)
Шароф Маҳмудов, аввалин раиси Суди Олии замони истиқлолият ва собиқ вазири адлияи Тоҷикистон дар синни 89 – солагӣ бо зиндагӣ падруд гуфт

 ДУШАНБЕ, 25 авг — Sputnik. Камол Абдуллоев, муаррихи маъруфи тоҷик ва домоди Шароф Маҳмудов, дар таъйиди ин хабар ба Sputnik Тоҷикистон гуфт, марҳум тайи ду моҳи ахир дар бистари маризӣ қарор дошт ва сахт беҳол шуда буд.

“Як даҳ соли пеш барои саратон ҷарроҳӣ шуда буданд ва ҳамон дард вақтҳои ахир хуруҷ кард. Ин дафъа дард зӯри кард”, - гуфт Камол Абдуллоев.

ввалин раиси Суди Олӣ даргузашт, касе ки истиқлолияти Тоҷикистонро расмият бахшид Шароф Маҳмудов,
Акс аз бойгонии хонаводаи Шароф Маҳмудов
Авалин раиси Суди Олӣ Шароф Маҳмудов

Шароф Маҳмудов 23 феврали соли 1930 (расман - 1931) дар шаҳри Конибодоми вилояти Суғд ба дунё омада, хатмкардаи факултаи ҳуқуқшиносии Донишгоҳи давлатии Тоҷикистон ба номи В. И. Ленин (ҳоло Донишгоҳи миллии Тоҷикистон) дар соли 1955 мебошад.

Ба қавли Камол Абдуллоев, Шароф Маҳмудов аз пайвандони дури коргардони маъруфи синамои Ӯзбекистон – Комил Ёрматов ба ҳисоб мерафт, аммо ҳарду робитаи хеле наздик доштанд, аз ҷумла вақте Ёрматов ба Конибодом меомад, ҳамроҳ ба шикор мерафтанд.

"Маҳмудов зуд – зуд ба Тошканд рафта меомад. Бемуҳобо, яке аз дӯстдоштатарин инсонҳои зиндагии Ёрматов буд. Кор ба ин ҷо кашид, ки коргардони бузург ҷияни худ - Зебо Муҳаммадҷоноваро бо ӯ хонадор кард. Падари ҳамсари Маҳмудов – Абдулхайр Муҳаммадҷонов, қаҳрамони Ҷанги бузурги ватанӣ, дар ҷанг фавтида буд ва духтараш дар хонаи Ёрматов бузург мешуд”, - гуфт Камол Абдуллоев.

Шароф Маҳмудов фаъолияти худро аз судяи одии собиқ ноҳияи Хуҷанди собиқ вилояти Ленинобод шурӯъ намуда, баъдтар муовини раиси суди шаҳри Чкаловск (ҳоло Бӯстон), узви Суди Олӣ (1962 – 1971), муовини вазир (1971 – 1978) ва вазири адлияи Тоҷикистон (1972 – 1990) буд.

Ӯ охирин раиси Суди Олии Тоҷикистони Шӯравӣ ва аввалин раиси Суди Олии Тоҷикистони мустақил (1990 - 1994) буд, ки зери Эъломияи истиқлоли Тоҷикистон имзо гузошт ва онро расмӣ кард.

Ҷанозаи Шароф Маҳмудов дар қабристони Сариосиёи шаҳри Душанбе зуҳри имрӯз, 25 август, ба хок супорида шуд.

1700
Барчаспҳо:
даргузашт, Тоҷикистон
Министр экономического развития и торговли Таджикистана Завки Завкизода

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

42
(Таҷдидшуда 18:26 29.09.2020)
Беш аз 300 нафар дар ҳамоиши сармоягузории Тоҷикистону Ӯзбекистон ширкта карда, бо фазои сармоягузорӣ дар соҳаҳои сайёҳӣ, саноат, энергетика ошно шуданд

ДУШАНБЕ, 29 сен – Sputnik. Дар доираи сафари сарвазири Ӯзбекистон ба Тоҷикистон дар шаҳри Душанбе, Форуми сармоягузории Тоҷикистону Ӯзбекистон бо роҳбарии вазири рушди иқтисод ва савдо Завқизода Завқӣ Амин баргузор гардид.

Бино ба гузориши Вазорати рушди иқтисод, Завқизода дар ин нишаст қайд карда, ки тайи солҳои охир бо ташаббусҳои созандаи Президенти Тоҷикистон Эмомалӣ Раҳмон ва Президенти Ӯзбекистон Шавкат Мирзиёев ҳамкориҳои гуногунҷанбаи байни ду кишвар ба сатҳи сифатан нав баромад.

Манбаъ қайд карда, ки бо дастгирии ду кишвардор, баргузории чунин чорабиниҳо, ки ба рушди ҳамкориҳои иқтисодиву тиҷоратӣ, баланд бардоштани нерӯи содиротӣ, ҷалби сармояву воридоти технологияҳои муосир ва тақвияти ҳамкориҳои дуҷонибаи иқтисодию сармоягузорӣ мусоидат менамояд, ба ҳукми анъана даромадааст.

Дар Форуми мазкур беш аз 300 нафар иштирокчӣ аз ҳарду ҷониб, аз ҷумла роҳбарони мақомоти давлатӣ, корхонаву ташкилотҳои давлатӣ, сармоягузорон ва намояндагони бахши хусусии ду давлат иштирок намудаанд.

Дар доираи Форум ба иштирокчиён фазо ва имкониятҳои сармоягузорӣ дар соҳаҳои сайёҳӣ, саноат, энергетика, хизматрасонӣ ва дигар соҳаҳо муаррифӣ шуда, лоиҳаҳои муштараки ҳамкорӣ мавриди баррасӣ қарор гирифтааст.

"Пас аз анҷоми қисмати расмии Форум вохӯрии ду ҷониба - соҳибкорони ду давлат дар сиғаи "Соҳибкор бо Соҳибкор" (B2B) баргузор гардида, аз натиҷаи он санадҳои нави ҳамкорӣ мувофиқа ва ба имзо расонида шудааст", - омадааст дар хабарнома.

Иштирокчиёни Форуми сармоягузории Тоҷикистону Ӯзбекистон ба рушди муносибатҳои дуҷониба ва баимзорасонии созишномаю шартномаҳои мутақобилан судманд, ки фарогири ҳамаи соҳаҳои ҳамкориҳои иқтисодӣ мебошанд, баҳои баланд додаанд.

Манбаъ афзуда, ки тарафҳо ба мувофиқа расидаанд, ки чунин ҳамоишҳои соҳибкоронро мунтазам баргузор менамоянд.

42
Барчаспҳо:
пешниҳодот ба ҷониби Ӯзбекистон, Тоҷикистон, Форум, иқтисод, Душанбе
Люди в защитных масках

41 нафар мариз шуданду 48 кас шифо ёфтанд: омори нави коронавирус дар Тоҷикистон

67
(Таҷдидшуда 18:24 29.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии коронавирусро нашр намуд

ДУШАНБЕ 29 сен – Sputnik. Шабонарӯзи гузашта дар Тоҷикистон 41 мавриди нави сироятшавӣ ба COVID-19 сабт гардид, хабар медиҳад Вазорати тандурустии кишвар.

Ба иттилои манбаъ, шабонарӯзи гузашта 72 нафар гумонбарон зери назорати табибон қарор дошта, 48 нафар баъд аз муолиҷа ба хонаҳояшон рухсат дода шуданд.

Манбаъ меафзояд, дар муддати аз 30 апрел то 29 сентябр шумораи гирифторони коронавируси нав ба  9 726 нафар расид. 

Дар Қазоқистон 6 толибилми мактаб гирифтори коронавирус шуданд

Гуфта мешавад дар Тоҷикистон то кунун 8531  нафар ё худ 87,7 дарсади гирифторон шифо ёфта, 75 нафар вафот кардаанд.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

67
Барчаспҳо:
вазорати тандурустӣ, омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Тирамоҳи заррин дар Русия фаро расид: аксҳои фасонавӣ аз боғу гулгаштҳои ин диёр

0
  • Манзараи Қасри Приора дар соҳили Баҳри сиёҳ дар вилояти Ленинград
  • Соҳили Кӯли Сафед  назди Осорхонаи давлатии мамнӯъгоҳи  Гатчина  дар вилояти Ленинград
  • Истироҳаткунандаҳо дар назди Осорхона - мамнӯъгоҳи Гатчин
  • Тирамоҳи заррин дар вилояти Красноярский
  • Тирамоҳи Новосибирск
  • Тирамоҳи Новосибирск, баргҳои зарду сурх, ки заминро оро медиҳанд
  • Манзараи тирамоҳӣ дар як деҳаи вилояти Красноярск
  • Наврас дар соҳили Баҳри сафед дар вилояти Ленинград
  • Барги хазонрез ва сайругашти духтаре бо ҳайвони хонагӣ дар Новосибирск
  • Сайру гашти сокинони вилояти Ленинград дар осорхона - мамнӯъгоҳи Гатчина
  • Минтақаи аҳолинишини вилояти Мурманск дар фасли тирамоҳ
  • Табиати зебои як деҳкада дар вилояти Красноярск
  • Киштиҳо дар Невки Санкт - Петербург
  • Ҳаловати кӯдак аз сайругашт дар боғи шаҳри Гатчина дар Санкт - Петербург
  • Омад  - омади тирамоҳ дар Боғи ба номи Александр
Дар Русия ба фарқ аз Тоҷикистон фасли тирамоҳ аз авоили моҳи сентябр шурӯъ мешавад

Тирамоҳи Русия новобаста аз ҳавои сард, бисёр дилкашу тамошобоб аст. Дар Русия аслан фасли тирамоҳ аз аввали моҳи сентябр шурӯъ мешавад.

Ҳарорати ҳаво аз нахустин моҳи фаслитирамоҳ тадриҷан паст мешавад. Аммо бо вуҷуди ин ҳам, тирамоҳ дар кишвари Русия фасонавӣ аст.

Табиат аз авоили моҳ ранги сабз ва зарду сурхро касб мекунад. Боғу гулгаштҳо симои тамоман навро пайдо мекунанд.

Боронҳои гарм меборанд, роҳравҳои боғу гулгаштҳо пур пури баргҳои зарду сурх мешавад.

Коршинос: барои сироятёфтагони COVID-19 тирамоҳ метавонад душвортар бошад  

Тамошои боғҳои фароғатӣ дар ин фасл кайфияти хоса дорад, зеро ҳаво салқину тар ва ниҳоят тоза мебошад.

Махсусан манзараҳои деҳҷойҳо дар вилоятҳои гуногуни Русия боз ҳам зеботар мешавад.

Шумораи зиёди одамон барои ҳаловат бурдан аз табиати нотакрор ба боғу хиёбонҳо мерезанд, то чунин манзараи зебо  то тирамоҳи соли оянда дар хаёли онҳо нақш бандад.

Аммо имсол шояд гашту гузори одамон дар боғу хиёбонҳо ба далели авҷи коронавирус кам ба назар расад. Зеро шаҳрдори Русия Сергей Собянин аз рӯзи 28 - уми сентябр як қатор маҳдудиятҳо барои пешгирӣ аз коронавирус ҷорӣ намуд.

Аз ҷумла, гашу гузори нафақахӯрон ва одамони дорои касалиҳои музминро маҳдуд кард.

0
  • Манзараи Қасри Приора дар соҳили Баҳри сиёҳ дар вилояти Ленинград
    © Sputnik / Alexei Danichev

    Манзараи Қасри Приора дар соҳили Баҳри сиёҳ дар вилояти Ленинград

  • Соҳили Кӯли Сафед  назди Осорхонаи давлатии мамнӯъгоҳи  Гатчина  дар вилояти Ленинград
    © Sputnik / Alexei Danichev

    Соҳили Кӯли Сафед назди Осорхонаи давлатии мамнӯъгоҳи "Гатчина" дар вилояти Ленинград

  • Истироҳаткунандаҳо дар назди Осорхона - мамнӯъгоҳи Гатчин
    © Sputnik / Alexei Danichev

    Истироҳаткунандаҳо дар назди Осорхона - мамнӯъгоҳи "Гатчин"

  • Тирамоҳи заррин дар вилояти Красноярский
    © Sputnik / Ilya Naimushin

    Тирамоҳи заррин дар вилояти Красноярский

  • Тирамоҳи Новосибирск
    © Sputnik / Alexandr Kryazhev

    Тирамоҳи Новосибирск

  • Тирамоҳи Новосибирск, баргҳои зарду сурх, ки заминро оро медиҳанд
    © Sputnik / Alexandr Kryazhev

    Тирамоҳи Новосибирск, баргҳои зарду сурх, ки заминро оро медиҳанд

  • Манзараи тирамоҳӣ дар як деҳаи вилояти Красноярск
    © Sputnik / Ilya Naymushin

    Манзараи тирамоҳӣ дар як деҳаи вилояти Красноярск

  • Наврас дар соҳили Баҳри сафед дар вилояти Ленинград
    © Sputnik / Alexei Danichev

    Наврас дар соҳили Баҳри сафед дар вилояти Ленинград

  • Барги хазонрез ва сайругашти духтаре бо ҳайвони хонагӣ дар Новосибирск
    © Sputnik / Alexandr Kryazhev

    Барги хазонрез ва сайругашти духтаре бо ҳайвони хонагӣ дар Новосибирск

  • Сайру гашти сокинони вилояти Ленинград дар осорхона - мамнӯъгоҳи Гатчина
    © Sputnik / Alexei Danichev

    Сайру гашти сокинони вилояти Ленинград дар осорхона - мамнӯъгоҳи "Гатчина"

  • Минтақаи аҳолинишини вилояти Мурманск дар фасли тирамоҳ
    © Sputnik / Pavel Lvov

    Минтақаи аҳолинишини вилояти Мурманск дар фасли тирамоҳ

  • Табиати зебои як деҳкада дар вилояти Красноярск
    © Sputnik / Ilya Naymushin

    Табиати зебои як деҳкада дар вилояти Красноярск

  • Киштиҳо дар Невки Санкт - Петербург
    © Sputnik / Alexei Danichev

    Киштиҳо дар Невки Санкт - Петербург

  • Ҳаловати кӯдак аз сайругашт дар боғи шаҳри Гатчина дар Санкт - Петербург
    © Sputnik / Alexei Danichev

    Ҳаловати кӯдак аз сайругашт дар боғи шаҳри Гатчина дар Санкт - Петербург

  • Омад  - омади тирамоҳ дар Боғи ба номи Александр
    © Sputnik / Alexei Danichev

    Омад - омади тирамоҳ дар Боғи ба номи Александр

Барчаспҳо:
акс, тирамоҳ, Русия