Рахматилло Зоиров, глава СДПТ

Раиси ҳизби сотсиал-демократии Тоҷикистон дар интихоботи президентӣ иштирок намекунад

1103
(Таҷдидшуда 14:49 31.08.2020)
Раиси Ҳизби сотсиал-демократии Тоҷикистон эълон доштааст, ки номзадиашро дар интихоботи президентӣ пешбарӣ намекунад ва изҳори умедворӣ кард, ки шӯрои сиёсии ҳизб низ ба интихобот бойкот эълон мекунад

ДУШАНБЕ, 25 авг— Sputnik. Раҳматилло Зойиров, раиси Ҳизби сотсиал-демократии Тоҷикистон, дар як изҳороташ дар саҳифаи Фейсбук эълон кардааст, ки “қонуни амалкунандаи конститутсионӣ дар бораи интихоботи президенти Тоҷикистон пеш аз Конститутсияи амалкунандаи кишва қабул шуда, зимни қабули он дар Конститутсия ниҳод дар бораи интихоботи президенти ҶТ вуҷуд надошт, яъне аз замони қабул ин қонун зиддиконститутсионӣ аст”.

Раиси ҲСДТ қайд кардааст, ки талаботи Конститутсияи Тоҷикистон аз 6 ноябри соли 1994 пас аз қабули он дар бораи таҳия ва қабули қонунҳои конститутсионӣ вобаста ба ин қонун риоя нашудаанд.

“Президенти амалкунандаи Тоҷикистон, ба раиси ҳизби сиёсӣ будан ҳуқуқ надорад, илова бар ин низоми бисёрҳизбӣ дар кишвар вайрон шуда, дар кишвар, ба гуфтаи ӯ, амалан низоми яккаҳизбӣ ҷорӣ шудааст”, - илова кард Раҳматилло Зойиров.

Ҳамзамон, раиси ҲСДТ бар ин назар аст, ки дар вақти қабули қонун дар бораи Комиссияи марказии интихоботии “беҳизбӣ” ин ҳизбҳо бо ҳукумат маслиҳат карда, ба ташкили комиссияҳои интихоботӣ аз ҷониби сарвари давлат, ҳокимияти иҷроия ва Ҳизби ҳокими халқии демократии Тоҷикистон овоз доданд.

“Аз 31 ҳазор аъзои комиссияҳои интихоботӣ, беш аз 25 ҳазор нафарашон аъзои Ҳизби ҳокими халқии демократӣ мебошанд”, - қайд кард Зойиров.

Ба ақидаи Зойиров, ҳамаи комиссияҳои интихоботӣ ва ҳамаи субъектҳои пешбарии номзадҳо ба мансаби президентӣ сохтори ҳокимияти иҷроия мебошанд ва фаъолияти худро бевосита ба манфиати раисҷумҳури амлкунанда роҳандозӣ мекунанд.

“Ман ҳамчун шаҳрванди Тоҷикистон ва раиси ҲСДТ, дар таъмини қонунӣ будани интихоботи кунунии ғайриқонунӣ, зиддиконститутсионӣ ва зиддимардумии президенти Тоҷикистон иштиок карданӣ нестам”, - изҳор дошт раиси ҲСДТ.

Ҳамчунин ӯ изҳори умедворӣ кардааст, ки шӯрои сиёсии ҳизб ба интихобот бойкот эълон мекунад.

Ёдрас мекунем, ки интихоботи навбатии президентӣ дар Тоҷикистон рӯзи 11 октябри соли равон баргузор хоҳад шуд.

1103
Барчаспҳо:
иштирок, президентӣ, интихобот, ҳизб, ҲСДТ, Тоҷикистон
Мавзуҳо:
Интихоботи президентӣ - 2020 (29)
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

3
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

3
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

171
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

171
Барчаспҳо:
боздошт, ноболиғ, дуздӣ, Истаравшан