ВОЗ подарил МЧС Согда 10 аппаратов ИВЛ

СУТ ба КҲФ Суғд 10 адад дастгоҳи оксигенератор тақдим кард

130
(Таҷдидшуда 19:54 26.08.2020)
Созмони ҷаҳонии беҳдошт ба нуқтаи тиббии Раёсати Кумитаи ҳолатҳои фавқулода 10 адад дастгоҳи оксигенератор дод

ДУШАНБЕ, 26 авг — Sputnik. Як ҳайат аз СУТ бо сарварии профессор Александ Семёнов, мутахассис оид ба бемориҳои сироятӣ дар Тоҷикистон Абдулаҳад Сафаров, дар Раёсати КҲФ - и Суғд  ҳолати омодабошии нуқтаи тиббии Раёсат барои қабули ҳайати шахсӣ бо бемориҳои сироятӣ, таъминоти таҷҳизотҳо ва лавозимотҳои тиббиро санҷид.

Бино ба гузориши КҲФ, баъдан, дар толори маҷлисгоҳи Раёсат бо роҳбарии муовини сардори Раёсати Кумитаи ҳолатҳои фавқулодда ва мудофиаи гражданӣ дар вилояти Суғд полковник Анвар Қосимов бо намояндагони Созмони ҷаҳонии беҳдошт мулоқот баргузор шуд.

Ташрифи ҳайати СҶБ ба Туркманистон, кишваре, ки худро озод аз COVID-19 медонад

Дар рафти мулоқот оид ба пешгирии бемории сироятии коронавирус дар байни ҳайати шахсӣ, чорабиниҳое, ки баҳри пешгирии интиқол ва паҳн нагардидани сирояти бемории коронавирус COVID-19 аз ҷониби Роҳбарияти Раёсат ба роҳ монда шуда, чорабиниҳои зиддиэпидемикӣ, ки аз ҷониби гурӯҳи безараргардонии Раёсат ва корҳои тарғиботиву ташвиқотӣ баррасӣ шудааст.

Манбаъ афзуда, ки рофессор Александр Семёнов миннатдории худро ба Роҳбарияти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Раёсати вилоят ҷиҳати корҳои ба сомон расонида шуда, дар самти мубориза бар зидди бемории сироятии коронавирус  баён намуда, ба нуқтаи тиббии Раёсат 10 адад дастгоҳи оксигенератор супурд.

130
Барчаспҳо:
дастгоҳ, Суғд, КҲФ ҶТ

Соҳибмулки қаҳвахонаи "Ҷокер", ки ҷавонзанро ҳақорат карду кӯфт, боздошт шуд - навор

1036
(Таҷдидшуда 18:28 23.09.2020)
Аз болои соҳибмулки қаҳвахонаи "Ҷокер" ҷавонзане шикоят кард, ки барои кофӣ набудани маблағи иҷора ӯро аввал дашном кард ва сипас хуб кӯфт

ДУШАНБЕ, 23 сен - Sputnik.  Навори муроҷиати як зани ҷавон бо овози гирён ва рӯйи аз мушт зарбхӯрда, чанде пеш ба шабакаҳои иҷтимоӣ роҳ ёфт.

Ба нақли ин зан, ӯ қаҳвахонаеро ба иҷора гирифта, зиндагияшро пеш мебурд. Аммо барои кофӣ набудани маблағи иҷора, аз ҷониби соҳибмулки қаҳвахона мавриди сарзанишу латукӯб қарор гирифт.

Зан дар муроҷиати худ ба  мақомоти ҳифзи ҳуқуқ муроҷиат намуда, дархост намуд, ки алайҳи соҳибмулки қайҳавонаи "Ҷокер" чораҳои зарурӣ андешида шавад.

Занозании ронандаҳову мусофирон дар мобайни роҳ: боздошт ва ҳабс шуданд - навор

Зимнан, Раёсати умури дохила дар шаҳри Душанбе хабар медиҳад, ки кормандони ин ниҳод аллакай соҳибмулки қаҳвахона - Ҳайдаров Илҳоми 33 - соларо боздошт намуданд.

Зикр мегардад, номбурда қаҳвахонаи худро ба ҷавонзани муроҷиаткунанда ба иҷора дода, шаби 18 - уми сентябр барои гирифтани маблағ ба он ҷо рафтааст.

"Аз он сабаб, ки ҷавонзани муроҷиаткунанда маблағи иҷораро ба пуррагӣ пардохт карда наметавонад, шаҳрван Ҳайдаров Илҳом ӯро дашному ҳақоратҳои қабеҳ намуда, ҳамзамон мавриди латукуб низ қарор додаст", - таъкид мешавад дар хабар.

РВУД хабар медиҳад, ки нисбати гумонбаршаванда Ҳайдаров Илҳом бо моддаи 237 Кодекси ҷиноятии Тоҷикистон парвандаи ҷиноятӣ оғоз гардид, тафтишот дар ин самт идома дорад.

1036
Барчаспҳо:
боздошт, навор, латукӯб, қаҳвахона, муроҷиат, ҷавонзан
Вор. Грабитель

Агентии омор: дуздиву ғоратгарӣ дар Тоҷикистон зиёд шудааст

100
(Таҷдидшуда 17:39 23.09.2020)
Агентии омори ҷумҳурӣ натиҷаҳои ҷиноятҳои дар Тоҷикистон давоми ҳашт моҳ содиршударо ҷамъбаст намуд

ДУШАНБЕ, 23 сен - Sputnik. Шумораи ҷиноятҳои ба қайд гирифташуда дар Тоҷикистон дар моҳҳои январ-августи соли 2020 аз 15,7 ҳазор гузашт, хабар медиҳад Агентии омори ҷумҳурӣ.

Манбаъ мегӯяд, ин рақам нисбат ба нишондиҳандаи ҳамин давраи соли гузашта 1,1% камтар аст.

Дар давраи ҳисоботӣ шумораи ҷиноятҳои вазнини ба қайд гирифташуда аз 3,3 ҳазор гузашт, ки нисбат ба соли гузашта 6,7% камтар аст, афзудааст манбаъ.

Аммо, тибқи иттилои Агентии омор, сабти ҳолатҳои дуздӣ (17,3%) ва ғоратгарӣ (16,7%) зиёд шудааст.

Ба иттилои манбаъ, ҳодисаҳои кушторҳо, суиқасд ба кушторҳо ва қаллобӣ камтар шуда,  тақрибан 10% коҳиш ёфтаанд.

Тағо ва ҷиян буданд: боздошти дуздони касбӣ, ки 10 мағозаи "Фаровон" - ро ғорат карданд

Гуфта мешавад, сатҳи умумии ошкоркунии ҷиноятҳо дар моҳҳои январ-августи соли равон 77,3% -ро ташкил дод, ки нисбат ба соли гузашта камтар аст (81,2% дар соли 2019).

100
Барчаспҳо:
дуздӣ, Ожонси омор, Тоҷикистон
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

458
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

458