Цистерна прицепленная к грузовику, архивное фото

Посухе нест, ки чаро: гази моеъ дар Тоҷикистон боз гаронтар шуд

398
Дар соли 2019 Тоҷикистон 430 ҳазор тонна гази моеъ, ҳудуди 180 ҳазор тонна бензин ва ҳудуди 250 ҳазор тонна газоил аз Русия ва Қазоқистон ворид кард

ДУШАНБЕ, 27 авг — Sputnik. Нархи ҳар летр гази моеъ дар Тоҷикистон дар як моҳи ахир бо афзоиши 40 то 60 дирамӣ ба 4 сомонию 60 дирам то 4 сомонию 70 дирам расида, ки муҷиби нигаронии ронандагон шудааст, менависад "Парс тудэй" дар истинод ба сомонаи ТопТҶ.

Як моҳи қабл нархи ҳар летр гази моеъ, ки 70 дарсади худравҳои Тоҷикистон аз он ба унвони сӯзишвории аслӣ истифода мекунанд, ба 4 сомонию 20 дирам расида буд ва акнун ба 5 сомонӣ наздик мешавад.

"Ин дар ҳолест, ки дар замони карантин ва маҳдудиятҳои равуо ба далели густариши коронавирус дар Тоҷикистон нархи як летр гази моеъ 2 сомонию 50 дирам буд", - афзудааст манбаъ.

Абдулмаҷид Муъминзода, раиси Хадамоти давлатии зидди инҳисории Тоҷикистон муътақид аст бар асоси баррасии ин ниҳод бояд нархи ҳар летр гази моеъ се сомонию 20 дирам бошад.

Вай дар нишасти хабарии моҳи июли гузашта ваъда дода буд, ки ин мавзӯъро ба таври ҷиддӣ пайгирӣ хоҳад кард, аммо бо гузашти беш аз як моҳ аз ин изҳори назар нархи гази моеъ ҳамчунон меафзояд ва масъулони ин ниҳод ҳозир ба посухгӯӣ дар бораи иллати ин навасонҳо нестанд.

Гази моеъ дар Тоҷикистон гарон шуд

Мақомоти 15 ширкати воридкунандаи гази моеъ дар Тоҷикистон муддаӣ ҳастанд, ки Русия, Қазоқистон ва Узбакистон ба унвони кишварҳои содиркунанда, нархи ин навъи сӯзишвориро афзоиш додаанд.

Дар соли 2019 Тоҷикистон 430 ҳазор тонна гази моеъ, ҳудуди 180 ҳазор тонна бензин ва ҳудуди 250 ҳазор тонна газоил аз Русия ва Қазоқистон ворид кард.

 

398
Кошелек с деньгами, архивное фото

Дар Тоҷикистон қарзи маош ба 65 миллион сомонӣ расид

0
Тибқи иттилои Агентии омори назди президенти Тоҷикистон, танҳо аз аввали соли равон қарзи музди меҳнат беш аз 29,7 миллион сомониро ташкил додааст, ки баробар ба 45,6 фоизи ҳаҷми умумии қарзро ташкил медиҳад.

ДУШАНБЕ, 27 сен — Sputnik. Дар Тоҷикистон қарзи умумии музди меҳнат беш аз 65,1 миллион сомонӣ (беш аз 6,3 миллион доллар) -ро ташкил медиҳад.

Ба ин маблағ қарзҳои солҳои гузашта низ дохил мешаванд.

Тибқи маълумоти Агентии омори назди президенти Тоҷикистон, аз аввали соли равон то моҳи август танҳо қарзи музди меҳнат беш аз 29,7 миллион сомонӣ ё 45,6% ҳаҷми умумии қарзро ташкил додааст.

Қисми зиёди қарзҳо дар соҳаҳои истеҳсолоти моддӣ боқӣ мемонанд. Афзоиши қарзи музди меҳнат дар соҳаи сохтмон (27,1%), истеҳсолот (22,2%) ва ғайра ба қайд гирифта шудааст.

Музди камтарини меҳнат дар соҳаи истеҳсолоти моддӣ дар моҳи июли соли ҷорӣ миёни кормандони соҳаҳои кишоварзӣ, моҳидорӣ ва хоҷагии ҷангал буд, ки дар ин соҳаҳо 531 сомониро ташкил дод.

Музди баландтарин дар саноати маъданҳои кӯҳӣ - 2,2 ҳазор сомонӣ, дар сохтмон - 2,3 ҳазор сомонӣ, дар бахши энергетика - 2,1 ҳазор сомонӣ ба қайд гирифта шуд.

Дар соҳаи истеҳсолоти моддӣ умуман музди миёнаи моҳона дар моҳи июл 1,5 ҳазор сомониро ташкил додааст.

Миёни бахшҳои соҳаи ғайриистеҳсолӣ музди баландтаринро кормандони соҳаи молия ва бонкӣ мегирифтаанд, ки ба ҳисоби миёна ба 3,7 ҳазор сомонӣ баробар будааст.

Умуман, музди миёнаи моҳона дар бахшҳои соҳаи ғайриистеҳсолӣ дар моҳи июл 1,1 ҳазор сомониро ташкил дод ва нисбат ба ҳамин давраи соли 2009 17,7% коҳиш ёфтааст.

0
Барчаспҳо:
қарз, маош, Тоҷикистон
Доцент Московской сельскохозяйственной академии имени К.А. Тимирязева Игорь Абакумов

Абакумов дар бораи содироти пахтаи тоҷик: ин мурғест бо тухми тиллоӣ

34
(Таҷдидшуда 23:05 26.09.2020)
Чаро чунин як соҳаи умедбахш, ба монанди истеҳсоли пахта, дар Тоҷикистон ҳанӯз аз ҷиҳати иқтисодӣ ҷолиб нест, шарҳ дод Игор Абакумов, мутахассиси иқтисодиёти аграрӣ, дотсенти Академияи кишоварзии Маскав ба номи К.А.Тимирязев

ДУШАНБЕ, 27 сен — Sputnik. Дар бахши содироти маводҳои нассоҷии Тоҷикистон қисмати аслии онро нахи пахта ташкил медиҳад.

Тайи моҳҳои январ-августи соли 2020 Тоҷикистон беш аз 42,6 ҳазор тонна нахи пахта ба хориҷа ба маблағи беш аз 57,5 ​​миллион доллар фурӯхтааст.

 Фурӯши нахи пахта бо вазн нисбат ба ҳамин давраи соли гузашта 7,3% афзудааст.

"Содироти ашёи хом нишонаи иқтисоди рушднокарда аст. Тоҷикистон содироти пахтаи хомро афзоиш дод ва содироти матоъро коҳиш",- гуфт Абакумов ба Sputnik Тоҷикистон.

Ба ақидаи ӯ, ин аз он шаҳодат медиҳад, ки содироти матоъ дар бозорҳои хориҷӣ рақобатпазир нест ва содироти пахта ҳамеша як миқдор пул меовард. Аммо, пули бештар аз ҳисоби маҳсулоти коркардшуда ба даст меояд.

Сбор урожая хлопка в Турсунзаде
© Официальная страница пресс-службы президента РТ в Facebook.

"Содироти пахтаи хом дурнамое надорад, бозор ҳамеша ба маҳсулоти тайёр талабот дорад. Русия миқдори муайяни пахтаро дар Тоҷикистон барои мақсадҳои нассоҷӣ ва ҳарбӣ мехарад, зеро пахта ашёи хом аст", - гуфт коршинос.

Ба гуфти коршинос, Тоҷикистон бояд барои рушди соҳаи нассоҷӣ, истеҳсоли матоъҳои нав, маҳсулоти пахтагӣ сармоягузории зиёд кунад.

Ба қавли ӯ, ҳатто аз пахта метавон масолеҳи сохтмонӣ истеҳсол кард, аммо, ин хеле гарон хоҳад буд, зеро дар Тоҷикистон ҳангоми чидани пахта меҳнати дастӣ бартарӣ дорад. Дар чунин ҳолат, сифат зарар мебинад ва илова бар ин, сарбории зиёди захираҳои меҳнатӣ вуҷуд дорад.

Ба гуфтаи коршинос, ин соҳа, метавонад мурғи тухмҳои тиллоидошта бошад, ки ҳанӯз аз ҷиҳати иқтисодӣ ҷолиб нест, зеро бозор бо ашёи хоми Тоҷикистон сер шудааст.

34
Барчаспҳо:
содирот, пахта, Тоҷикистон